Zeynalabdin bəy Rəfibəyov

Vikipediya, azad ensiklopediya
Jump to navigation Jump to search
ZEYNALABDİN BƏY RƏFİBƏYOV
Doğum tarixi 1829(1829-Şablondakı doğum və ya ölüm tarixində texniki yanlışlıq var!-00)
Doğum yeri Şuşa şəhəri
Vəfat tarixi 1879(1879-Şablondakı doğum və ya ölüm tarixində texniki yanlışlıq var!-00)
Vəfat yeri Şuşa şəhəri
Dəfn yeri
Fəaliyyəti hərbi qulluqçu

Zeynalabdin bəy Rəfibəyov (1829-1879) — məmur.

Həyatı[redaktə | əsas redaktə]

Zeynalabdin bəy Rəfi bəy oğlu 1829-cu ildə Şuşa şəhərində dünyaya gəlmişdi. Ibtidai təhsilini molla yanıda almışdı. Sonra Şuşa qəza məktəbini bitirmişdi. Qarabağ Müsəlman Atlı alayında 17 may 1841-ci ildə süvari kimi xidmət etmişdi. 1846-cı ildə Krakovda, Polşada olmuşdu. 1853-1854-cı illər Osmanlı-Rusiya savaşlarında milis naibi və yüzbaşı rütbələrində iştirak etmişdi.

1854-cü ildə Şuşa qəzasının Kəbirli sahəsində murov (uçastkovıy zasidatel) köməkçisi olmuşdu. Z. Rəfibəyov 1862-ci ilin may ayının 26-da Cavanşir sahəsində murov köməkçisi işləmişdi. Sonra Şuşa Zemstvo idarəsinə gözətçi rəisi təyin edilmişdi. 1864-cü ilin 20 avqustunda Zəngəzur qəzasına polis pristavı vəzifəsinə göndərilmişdi. Sonra 1868-ci il 4 noyabrda Şuşada polis pristavı vəzifəsinə keçirilmişdi. 1875-ci ilin 24 dekabrında Kəbirli sahəsinə polis pristavı təyin edilmişdi.2 fevral 1877-ci ildə yenidən Şuşa şəhərinə polis pristavı vəzifəsinə qaytarılmışdı.

Z. Rəfiyevin Şuşa şəhərində polis pristavı vəzifəsində işləməsi haqqında flologiya elmləri namizədi Bəylər Məmmədov yazır: "Bu vəzifəni aparan zaman yüksək sayıqlıq göstərmiş və operativlik bacarığı nümayiş etdirmişdir. Onun özünə məxsus peşə metoduna, iş üslubuna malik olması və bu sahədə zəngin təcrübə qazanması sayəsində uzun illər boyu Şuşada oğruluq, əyrilik, neqativ hallar, cinayətkarlıq hadisələri azalmış, qayda-qanuna ciddi əməl edilmişdir". (Bax: B. Məmmədov, Qarabağın baməzə adamları, Bakı, "Yazıçı", 1992, səh.100). Zeynalabdin bəy Rəfibəyov Əbdürrəhim bəy Haqverdiyevin əsərlərində olan pristavın prototipidir.

Zeynalabdin bəy Rəfibəyov savaşda bürünc medal, 1858-ci ilin avqust ayında XII klas mülki çini almışdı. Podporuçik hərbi rütbəsi vardı.

Ailəsi[redaktə | əsas redaktə]

Zeynalabdin bəy Yasəmən xanımla ailə qurmuşdu.Mahmud bəy, Əliş bəy adlı oğulları, Əsət xanım, Abuhəyat xanım adlı qızları vardı.

Gülməcələri[redaktə | əsas redaktə]

Z. Rəfibəyov zərif adam idi. xeyli zarafatları qalıb.

Hara gedirsən

Bir dəfə şəhərdə iri həcmli oğulruq olur.Zeynalabdın bəy bu işdə şübhə doğuran adamların hamısını yanına çağırtdırıb, oğurluqda əlləri olub-olmadığını öyrənmək istəyəndə, onlar bir ağızdan cinayətdən xəbərsiz olduqlarını söyləyirlər. Belə olduqda pristav hiyləyə əl atır. Gözləmədikləri halda o, istintaq aparmadan resedivistlərin hamısını birdən azad edib evlərinə yola salır. Elə ki, onlar sevinə-sevnə otaqdan çıxıb həyət qapısına yaxınlaşırlar, pristav da eyvana çıxıb, onları arxadan çağıraraq deyir: -Ə, bura bax ey! A bala, sən hara gedirsən? Bu vaxt oğrulardan birisi instinktiv olaraq dönüb geriyə baxır.

-Sizi ki, mən buraxmamışam, -deyə Zeynalabdın bəy arxaya baxanı geri çağırıb istintaqa başlayır və beləliklə də, cinayətlərini asanlıqla boynuna qoyur.

Fanar

Səhər açılana yaxın Zeynalabdın bəy iki nəfər əlifanarlı gənclə rastlaşır. Onların səhərə yaxın fanar gəzdirmələri pristavı şübhəyə salır. O, cavanların qabağını kəsib amiranə tərzdə deyir: -Siz ikiniz də mənimlə divanxanaya getməlisiniz! Cavanlar səbəbini soruşanda, belə cavab verir: -Düz adam səhər-səhər fanar gəzdirməz.

Doğrudanda da yoxlama zamanı məlum olur ki, bu adamlar ev yardıqdan sonra diqqəti yayındırmaq üçün küçədən fanarla keçirmişlər.

Mənbə[redaktə | əsas redaktə]

Həmçinin bax[redaktə | əsas redaktə]