Ziyəddin Sadıqov

Vikipediya, azad ensiklopediya
Jump to navigation Jump to search
Ziyəddin Sadıqov
Ziyəddin Əjdər oğlu Sadıqov
Ziyəddin Sadıqov.jpg
Sənətçi məlumatları
Doğum tarixi 22 dekabr 1934(1934-12-22)
Doğum yeri Qaratəhlə kəndi
Qardabani rayonu
Gürcüstan Sovet Sosialist Respublikası Gürcüstan SSR
Vəfat tarixi 9 yanvar 1983 (48 yaşında)
Vəfat yeri Moskva
Rusiya Sovet Federativ Sosialist Respublikası Rusiya SFSR
Dəfn yeri Gürcüstan Sovet Sosialist Respublikası Gürcüstan SSR, Qardabani
Vətəndaşlığı Azərbaycan Azərbaycan SSR
Mənşə Azərbaycanlı
Peşəsi kimyaçı

Fəaliyyət illəri 1965-1983
Mükafatları "Şərəf Nişanı" ordeni "Qırmızı Əmək Bayrağı" ordeni "Əməkdə fərqlənməyə görə" medalı

Ziyəddin Əjdər oğlu Sadıqov - Azərbaycan kimyaçı alimi, kimya elmləri doktoru[Mənbə göstərin].

Həyatı[redaktə | əsas redaktə]

Ziyəddin Sadıqov 22 dekabr 1934-cü ildə Qarayazının Qaratəhlə kəndində qulluqçu ailəsində anadan olmuşdur. 1954-cü ildə Qarayazının Qaratəhlə kənd orta məktəbini qızıl medalla, 1959-cu ildə Azərbaycan Dövlət Universitetinin kimya fakültəsini fərqlənmə diplomu ilə bitirmişdir. 1959-1962-ci illərdə BDU-nun kimya fakültəsinin aspiranturasında oxumuşdur. Aspiranturanı bitirdikdən sonra BDU-nun üzvi kimya kafedrasında assistent, baş müəllim vəzifələrində işləmişdir. 1965-ci ildən "Yüksək molekullu birləşmələr kimyası" kafedrasının dosenti olmuş, 1965-1983-cü illərdə isə həmin kafedraya rəhbərlik etmişdir.

1963-cü ildə namizədlik, 1980-cı ildə isə Moskva şəhərində doktorluq dissertasiyasını müdafiə etmişdir.

Ziyəddin Sadıqovun elmi-tədqiqat işləri əsasən stirol və onun bəzi törəmələrinin izobutilen ilə birgə sopolimerləşmə reaksiyasına, alınmış məhzulların özlülük aşqarı kimi tədqiqinə və alınmış sopolimerlərin destruksiyasının qanunauyğunluqlarına həsr edilmişdir. Onun elmi-pedaqoji fəaliyyəti 60 məqalədə, o cümlədən 3 müəlliflik şəhadətnaməsində əks olunmuşdur. Onun rəhbərliyi ilə 6 elmlər namizədi hazırlanmışdır.

O dəfərlərlə beynəlxalq və ümumittifaq elmi konfrans və simpoziumlarında iştirak etmişdir.

Ziyəddin Sadıqov ADU-nun "Elmi əsərləri" jurnalının kimya seriyasının redaktor müavini olmuşdur.

Onun əməyi "Qırmızı Əmək Bayrağı", "Şərəf Nişanı" ordenləri və "Əməkdə fərqlənməyə görə" medalı ilə təltif edilmişdir.

Ziyəddin Sadıqov 1983-cü il yanvarın 9-da vəfat etmişdir.