Ziya Kurmakayev

Vikipediya, azad ensiklopediya
Jump to navigation Jump to search
Ziya Kurmakayev
Ziya Kurmakayev.jpg
bayraqAzərbaycan SSR Dövlət Əmək Komitəsinin sədribayraq
5 noyabr 1976 — 20 dekabr 1980
Sələfi qurumun adı dəyişdirilib
Xələfi Əli Kərimov
bayraqAzərbaycan SSR Nazirlər Soveti Dövlət Əmək Ehtiyatlarından İstifadə Komitəsinin sədribayraq
5 aprel 1967 — 5 noyabr 1976
Sələfi qurum yaradılıb
Xələfi qurumun adı dəyişdirilib
bayraqAzərbaycan SSR avtomobil nəqliyyatı naziribayraq
? — 20 yanvar 1953
Xələfi Hüseyn İsgəndərov
bayraqAzərbaycan SSR xalq sovxozlar komissarıbayraq
1940 — ?
Şəxsi məlumatlar
Doğum tarixi 15 fevral 1911(1911-02-15)
Doğum yeri
Vəfat tarixi bilinmir
Təhsili
  • ÜİK(b)P MK yanında Ali Partiya Məktəbi[d] (19461949)
Hərbi xidmət
Rütbəsi polkovnik-leytenant

Təltifləri 1-ci dərəcəli "Vətən müharibəsi" ordeni 2-ci dərəcəli "Vətən müharibəsi" ordeni "Qırmızı əmək bayrağı" ordeni "Qırmızı ulduz" ordeni

Ziya Əhmədcanoviç Kurmakayev — Azərbaycan-sovet dövlət xadimi, Azərbaycan SSR Dövlət Əmək Komitəsinin sədri (1976–1980), Azərbaycan SSR Nazirlər Soveti Dövlət Əmək Ehtiyatlarından İstifadə Komitəsinin sədri (1967–1976), Azərbaycan SSR avtomobil nəqliyyatı naziri, Azərbaycan SSR xalq sovxozlar komissarı.

Həyatı[redaktə | mənbəni redaktə et]

Ziya Əhmədcanoviç Kurmakayev 1911-ci ildə Saratov quberniyasının Kuznets qəzasının Şumalak kəndində anadan olmuşdur. Kiçik yaşlarından Bakıya köçmüş, burada "Gənc mədənçi" neft məktəbini bitirərək Budyonnı adına mexaniki zavodda işləmişdir.[1]

Ziya Kurmakayev 1933-cü ildə Sovet Ordusu sıralarına çağrılaraq Tiflis şəhərində avtomobil, zirehli maşın və tank hissəsində hərbi xidmət keçmişdir. Orduda komsomol və partiya işinə seçilmiş, tərxis edildikdən sonra komsomolda müxtəlif vəzifələrdə işləmişdir. Ziya Kurmakayev 1937-ci ildə Bakı şəhəri Lenin (hazırkı Sabunçu) rayonu Zəhmətkeş Deputatları Soveti sədrinin müavini vəzifəsinə irəli çəkilmiş və həmin il Azərbaycan Kommunist Partiyası Mərkəzi Komitəsinin kənd təsərrüfatı şöbəsinə keçirilmişdir.[1]

1939-cu ilin dekabr ayından Ziya Kurmakayev Azərbaycan SSR xalq torpaq komissarının müavini, sonra isə Azərbaycan SSR xalq sovxozlar komissarı olmuşdur. Böyük Vətən müharibəsi illərində Sovet Ordusunun müxtəlif hissələrində siyasi işdə çalışmış, 1942-ci ilin yayından isə Qərb cəbhəsində diviziyanın siyasi şöbə rəisi olmuşdur. Sonralar mərkəzi, birinci, ikinci və üçüncü Belorusiya cəbhələrində müxtəlif komanda-siyasi vəzifələrə göndərilmişdir. Müharibə cəbhələrində iştirakında və təsərrüfat quruculuğunda fərqləndiyinə görə "Qırmızı əmək bayrağı", "Qırmızı ulduz", 1-ci və 2-ci dərəcəli "Vətən müharibəsi" ordenləri və medallar ilə təltif edilmişdir.[1]

Ordudan tərxis olunduqdan sonra Ziya Kurmakayev Azərbaycan KP MK-nın kənd təsərrüfatı və sənaye şöbələrində rəhbər vəzifələrdə işləmiş, 1946-cı ildən 1949-cu ilədək ÜİK(b)P Mərkəzi Komitəsi yanında Ali Partiya Məktəbində[ru] oxumuşdur. Azərbaycan SSR avtomobil nəqliyyatı naziri, sonra isə yenidən Azərbaycan KP MK kənd təsərrüfatı şöbəsinin müdiri olmuşdur.[1] 1967-ci ilin aprel ayından Azərbaycan SSR Nazirlər Soveti Dövlət Əmək Ehtiyatlarından İstifadə Komitəsinin sədri, 1976-cı ilin noyabr ayında qurumun yenidən təşkil edilməsindən sonra isə Azərbaycan SSR Dövlət Əmək Komitəsin sədri vəzifələrində işləmişdir.[2]

Ziya Kurmakayev 1930-cu ildən ÜİK(b)P (Sov.İKP) üzvü olmuş, 5-ci çağırış Azərbaycan SSR Ali Sovetinin deputatı seçilmişdir.[1]

İstinadlar[redaktə | mənbəni redaktə et]

  1. 1 2 3 4 5 Зија Әһмәдҹанович Курмакајев // Азәрбајҹан ССР Али Совети депутатларынын тәрҹүмеји-һаллары. Бешинҹи чағырыш: 15 март 1959-ҹу ил. Бакы. 1960. С. 328.
  2. Kurmakaev, Ziia Akhmedzhanovich // Who's Who in the Socialist Countries (ingilis). New York: Saur. 1978. səh. 336. ISBN 0-89664-011-6.

Xarici keçidlər[redaktə | mənbəni redaktə et]