Ziya Yusifzadə

Ziya Yusifzadə
Ziya Yusifzadə
Azərbaycan Respublikası Milli Təhlükəsizlik Nazirliyinin Heydər Əliyev adına Akademiyasının rəisi
	28 iyun 1999 – 29 sentyabr 2015
Əvvəlki	vəzifə təsis edilib
Sonrakı	Əli Şəfiyev[d]
Azərbaycan SSR Dövlət Təhlükəsizlik Komitəsinin sədri
	18 iyun 1980 – 11 avqust 1988
Əvvəlki	Vitali Krasilnikov
Sonrakı	İvan Qorelovski
Şəxsi məlumatlar
Doğum tarixi	15 fevral 1929
Doğum yeri	Nuxa, Şəki qəzası, Azərbaycan SSR, ZSFSR, SSRİ;
Vəfat tarixi	29 sentyabr 2015 (86 yaşında)
Vəfat yeri	Bakı, Azərbaycan;
Dəfn yeri	II Fəxri Xiyaban;
Təhsili	Moskva Dövlət Dilçilik Universiteti[d];
Fəaliyyəti	hərbi lider[d]
Atası	Məmmədiyyə Yusifzadə
Hərbi xidmət
Mənsubiyyəti	Sovet Sosialist Respublikaları İttifaqı
Qoşun növü	Milli Təhlükəsizliyi Nazirliyi
Rütbəsi	; General-leytenant
Təltifləri

Ziya Məmmədiyyə oğlu Yusifzadə (15 fevral 1929, Nuxa – 29 sentyabr 2015, Bakı) — Milli Təhlükəsizlik Nazirliyinin Heydər Əliyev adına Akademiyasının rəisi, Azərbaycan SSR Dövlət Təhlükəsizlik Komitəsinin 7-ci sədri (1980–1988).

Həyatı

Ziya Yusifzadə 15 fevral 1929-cu ildə Nuxada (indiki Şəki) ziyalı ailəsində anadan olmuşdur. 1945-ci ildə Zaqatalada orta məktəbi qızıl medalla bitirmişdir. 1952-ci ildə Moskva Dövlət Pedaqoji Xarici Dillər İnstitutunu ingilis dili ixtisası üzrə bitirmişdir. 1952–1956-cı illərdə Azərbaycan SSR Maarif Nazirliyində və Azərbaycan SSR Nazirlər Sovetində məsul vəzifələrdə işləmişdir.^[1]

1956-cı ildə Azərbaycan SSR Nazirlər Soveti yanında Dövlət Təhlükəsizlik Komitəsinə həqiqi hərbi xidmətə qəbul olunmuşdur. 1972–1976-cı illərdə DTK-nın əks-kəşfiyyat şöbəsinin rəisi, 1976-cı ildən DTK sədrinin I müavini vəzifəsində çalışmışdır. 18 iyun 1980 – 11 avqust 1988-ci il tarixlərində Azərbaycan SSR Dövlət Təhlükəsizliyi Komitəsinin sədri vəzifəsində çalışmışdır. 1977-ci ildə general-mayor, 1984-cü ildə general-leytenant hərbi rütbəsi almışdır.

1988–1992-ci illərdə Azərbaycan SSR Nazirlər Sovetində Millətlərarası münasibətlər şöbəsinin müdiri vəzifəsində işləmiş, 1992-ci ilin avqust ayında öz xahişi ilə təqaüdə çıxmışdır.

Böyük həyat və əməliyyat təcrübəsi nəzərə alınaraq, 1999-cu il iyunun 28-də Azərbaycan Respublikasının Prezidenti Heydər Əliyevin Sərəncamı ilə hərbi qulluğa bərpa olunaraq Milli Təhlükəsizlik Nazirliyinin Akademiyasına rəis təyin edilmişdi.

Bir neçə çağırış Bakı Sovetinin, Azərbaycan SSR Ali Sovetinin və SSRİ Ali Sovetinin deputatı seçilmişdir. 1970–1988-ci illərdə Azərbaycan Kommunist Partiyası Mərkəzi Komitəsinin (MK) üzvlüyünə namizəd, MK üzvü, MK-nın büro üzvlüyünə namizəd, 1980–1988-ci illərdə MK-nın büro üzvü olmuşdur.^[2]

Dörd xarici dil bilirdi.

SSRİ Dövlət təhlükəsizlik orqanlarının və Azərbaycan Respublikası Milli Təhlükəsizlik Nazirliyinin fəxri əməkdaşı idi.

29 sentyabr 2015-ci ildə Bakı şəhərində vəfat etmişdir. 30 sentyabr 2015-ci ildə MTN-nin Mədəniyyət Mərkəzində vida mərasimi keçirildikdən sonra, mərhum II Fəxri xiyabanda dəfn olunmuş, yas mərasimi Təzəpir məscidində keçirilmişdir.^[3]

Ailəsi

Ziya Yusifzadə yazıçı, dramaturq Məmmədiyyə Yusifzadənin oğludur.

Mükafatları

Xüsusi xidmət orqanlarında xidmət etdiyi 45 ilə yaxın bir müddətdə Azərbaycan Respublikasının, SSRİ-nin və xarici dövlətlərin 40-dan yuxarı orden və medalları, o cümlədən Azərbaycan Respublikası Prezidentinin Sərəncamı ilə "Azərbaycan Bayrağı" (2004) və "Şöhrət" ordenləri (2009) ilə təltif edilmişdir.

İstinadlar

↑ Tahir Aydınoğlu. "Ziya Yusifzadə – 85. Dövlətçiliyimizin və milli təhlükəsizliyimizin keşiyində sədaqətli xidmət nümunəsi (müsahibə)". Xalq qəzeti (az.). xalqqazeti.com. 15.02.2014. 2015-04-19 tarixində orijinalından arxivləşdirilib. İstifadə tarixi: 2015-09-30.
↑ "Ziya Yusifzadə" (az.). adam.az. 2015. 5 mart 2016 tarixində orijinalından arxivləşdirilib. İstifadə tarixi: 30 sentyabr 2015.
↑ "MTN-nin Akademiyasının rəisi Ziya Yusif-zadə vəfat edib" (az.). az.apa.az. 30 Sentyabr 2015. 2015-10-01 tarixində orijinalından arxivləşdirilib. İstifadə tarixi: 2015-09-30.

Xarici keçidlər

Təmiz söhbət — Ziya Yusifzadə (26.03.1999) — YouTube saytı.
Ziya Yusifzadənin üçüncü ildönümüdür ^{[ölü keçid]} — az24saat.org saytı

[1] Tahir Aydınoğlu. "Ziya Yusifzadə – 85. Dövlətçiliyimizin və milli təhlükəsizliyimizin keşiyində sədaqətli xidmət nümunəsi (müsahibə)". Xalq qəzeti (az.). xalqqazeti.com. 15.02.2014. 2015-04-19 tarixində orijinalından arxivləşdirilib. İstifadə tarixi: 2015-09-30.

[2] "Ziya Yusifzadə" (az.). adam.az. 2015. 5 mart 2016 tarixində orijinalından arxivləşdirilib. İstifadə tarixi: 30 sentyabr 2015.

[3] "MTN-nin Akademiyasının rəisi Ziya Yusif-zadə vəfat edib" (az.). az.apa.az. 30 Sentyabr 2015. 2015-10-01 tarixində orijinalından arxivləşdirilib. İstifadə tarixi: 2015-09-30.

[1]

[2]

[3]