Zummerlə birgə atış
Zummerlə birgə atış (ing. Buzzer beater) — basketbolda oyunun hər dörd mərhələsinin sonunda çalınan zummerlə eyni zamanda atılan atış. Bu anlayış daha çox atılan atışın uğurlu olmasını ifadə edir. Qaydalara əsasən əyər atış zamanı top oyunçunun əlindən çıxırsa və havada olan zaman zummer çalınırsa o zaman səbətə düşən top hesaba alınır. Oyunçular vaxt azlığı zamanı sonuncu hücum zamanı bu üsula əl atılır və öz sahələrindən zummerlə eyni vaxtı topu səbətə doğru atırlar. Top səbətə nadir hallarda düşdüyündən azarkeşlərdə böyük həyacana səbəb olur.
NBA tarixində məşhur zummerlə birgə atışlar[redaktə | mənbəni redaktə et]
3 yanvar 1984-cü ildə "Vaşinqton Uizardsın" oyunçusu Ceff Melounun "Los-Anceles Leykerslə" olan oyunda atdığı üçxallıq atış NBA tarixinin ən yaxşı zummerlə birgə atışı hesab olunur[1]. Uzatmalarının sonunda Meloun çox uyğunsuz vəziyyətdə topu əldə etmiş və yan xəttin yanından dəqiq atışla topu səbətdən keçirmiş. Bu ana qədər Uizards məğlun durumda idi. Bu top komandaya qələbə gətirdi.
7 may 1989-cu ildə "Çikaqo Bullz" və "Klivlend Kavalers" arasında keçirilən 5-ci pley-off oyununda əfsanəvi Maykl Cordan öz karyerasının ən məşhur atışlarından birini həyata keçirmiş — "The Shot" ("Atış")[2]. Oyunun bitməsinə 3 saniyə qalmış Cordan topu ələ keçirmiş və cərimə xəttinə qədər gətirərək tullanışla topu səbətdən keçirmişdir. Bu atış Çikaqo Bullza həm oyunda, həm də ümumi seriyada qələbə gətirmişdir.
29 may 1997-ci ildə Qərb Konfransının "Yuta Caz" və "Hyuston Rokets" komandaları arasında keçirilən 6-cı final oyununda Yutanın müdafiəçisi Con Stokton bərabərə gedən oyunun son saniyəsində üçxallıq atışla komandasını NBA finalına çıxardı.
20 dekabr 2006-cı ildə Devid Li "Nyu-York Niks" və "Şarlott Hornets" komandaları arasında keçirilən oyunda rekord vaxta — 0,1 saniyə qalmış Nyu-York Niksə qələbə qazandırmışdır.
Olimpiya oyunlarında qələbə atışı[redaktə | mənbəni redaktə et]
Münhendə keçirilən 1972 Yay Olimpiya Oyunlarında kişi basketbol komandalarının final oyununda SSRİ və ABŞ qarşılaşmış. Oyunun sonuna 3 saniyə qalmış sovet idmançıları bir top fərqi ilə məğlub durumda idilər. Öz sahəsində topu əldə edən İvan Edeşko topu rəqib sahədə olan Aleksandr Belova dəqiq ötürə bilir. O isə tullanaraq topu tutur və yerə düşərək səbətə atır. Bununla sovet idmançıları ilk dəfə basketbolda qızıl medal qazanırlar[3].
İstinadlar[redaktə | mənbəni redaktə et]
- ↑ "What is the greatest shot in NBA history?". 2011-03-10 tarixində arxivləşdirilib. İstifadə tarixi: 2017-12-25.
- ↑ "NBA.com: Jordan Hits "The Shot"". 2014-08-12 tarixində arxivləşdirilib. İstifadə tarixi: 2017-12-25.
- ↑ "Баскетбол: 3 секунды, которые потрясли мир". 2018-01-08 tarixində orijinalından arxivləşdirilib. İstifadə tarixi: 2017-12-28.