Eldar Quliyev (rejissor)
Eldar Quliyev | |
---|---|
Doğum tarixi | |
Doğum yeri | Bakı, Azərbaycan SSR, SSRİ |
Vəfat tarixi | (80 yaşında) |
Vəfat yeri | Bakı, Azərbaycan |
Vətəndaşlığı |
SSRİ→ Azərbaycan |
Uşağı | Nərminə Quliyeva |
Atası | Tofiq Quliyev |
Fəaliyyəti | rejissor, ssenarist, aktyor |
Fəaliyyət illəri | 1966–2021 |
Təhsili | |
Üzvlüyü | |
Mükafatları | |
IMDb | ID0474593 |
Vikianbarda əlaqəli mediafayllar |
Eldar Tofiq oğlu Quliyev (18 yanvar 1941, Bakı – 16 aprel 2021[1], Bakı[2]) — Azərbaycan kinorejissoru, ssenaristi, Azərbaycan SSR xalq artisti (1982), Azərbaycan SSR Dövlət mükafatı laureatı (1978), "Debüt" studiyasının bədii rəhbəri (1987-ci ildən), Azərbaycan Dövlət Mədəniyyət və İncəsənət Universitetinin kino kafedrasının professoru.
Həyatı
Eldar Quliyev 18 yanvar 1941-ci ildə Bakıda anadan olub.[3] 1960–1966-cı illərdə Moskvada Ümumittifaq Dövlət Kinematoqrafiya İnstitutunun rejissorluq fakültəsində, Sergey Gerasimovun kursunda təhsil təhsil alıb.[4] 1967-ci ildən "Azərbaycanfilm" kinostudiyasında işləmişdir. "Biri vardı, biri yoxdu…" adlı ilk qısametrajlı filmini çəkib. Kifayət qədər tanınmış bədii və sənədli filmin müəllifidir. 1969-cu ildə ilk böyük ekran əsəri olan "Bir cənub şəhərində" filmi ilə özünü təsdiqləyib və bu filmlə Azərbaycan kinosunda yeni bir mərhələnin təməlini qoyub.
1979-cu ildə "Babək" filmini çəkir və bu film professionallıq səviyyəsinə, kütləvi və batal səhnələrin miqyasına görə heç də xaricdə istehsal olunan bu tipli filmlərdən geri qalmırdı.[5] Həmin illərdə "Babək" filmi 52 ölkə tərəfindən satın alınıb. Bunlarla yanaşı "Ən vacib müsahibə", "Var olun, qızlar…", "Ürək… Ürək…", "Nizami", "Nə gözəldir bu dünya…", "Girov", "İstanbul reysi", "Dərvişin qeydləri" və s. filmlərə quruluş verib.
Həmçinin bir neçə filmin ssenari müəllifi olmuşdur. Çəkdiyi filmlərin bir neçəsi kinofestivallarda priz və mükafatlara layiq görülmüşdür. Azərbaycan Dövlət Mədəniyyət və İncəsənət Universitetində kino kafedrasının professoru, Bakı Beynəlxalq Multikulturalizm Mərkəzi Himayəçilik Şurasının üzvü olmuşdur.[6]
Eldar Quliyev 1987-ci ildən "Debüt" Eksperimental Gənclik yaradıcılıq studiyasının rəhbəri kimi fəaliyyət göstərmişdir.[7]
Azərbaycan Professional Kinorejissorlar Gildiyasının ən fəal yaradıcılarından olan Eldar Quliyev Gildiya yaradılan gündən qurumun prezidenti olmuşdur.
Bəstəkar Tofiq Quliyevin oğlu, ssenarist Nərminə Quliyevanın atasıdır.
Eldar Quliyev 18 yanvar 2021-ci ildə infarkt keçirmişdir. Bir müddət müalicə almışdır. Xalq artisti 16 aprel 2021-ci ildə müalicə aldığı Respublika Müalicəvi Diaqnostika Mərkəzində vəfat etmişdir.[8] Yasamal qəbiristanlığında həyat yoldaşının məzarı yanında torpağa tapşırılıb.
Təltif və mükafatları
- "Azərbaycan SSR əməkdar incəsənət xadimi" fəxri adı — 23 dekabr 1976[9]
- Azərbaycan SSR Dövlət mükafatı — 1978 ("Sevinc buxtası" bədii filminə görə)[10]
- "Azərbaycan SSR xalq artisti" fəxri adı — 1 dekabr 1982[11]
- "Qırmızı Əmək Bayrağı" ordeni
- "Şöhrət" ordeni — 17 yanvar 2001
- "Şərəf" ordeni — 14 yanvar 2011
- Azərbaycan Respublikası Kinematoqrafçılar İttifaqının "Milli kino" mükafatı — 14 yanvar 2016[12]
- Azərbaycan Respublikası Prezidentinin fəxri diplomu — 14 yanvar 2016[13]
- "Qızıl çinar" beynəlxalq mükafatı — 10 may 2018[14]
- "İstiqlal" ordeni — 23 yanvar 2021[15]
Filmoqrafiya
Rejissoru olduğu filmlər
- Səməd Vurğun (film, 1966)
- Biri vardı, biri yoxdu... (film, 1967)
- Bir cənub şəhərində (film, 1969)
- Abşeron ritmləri (film, 1970)(tammetrajlı musiqili film)
- Ən vacib müsahibə (film, 1971)
- Var olun, qızlar... (film, 1972)
- Səmt küləyi (film, 1973)
- Ürək... Ürək... (film, 1976)
- Sevinc buxtası (film, 1977)
- Babək (film, 1979)
- Yalançını evinəcən qovarlar (film, 1981)
- Nizami (film, 1982)
- Gümüşgöl əfsanəsi (film, 1984)
- Burulğan (film, 1986)
- Təxribat (film, 1990)
- Dostuma məktub (film, 1992)
- Elegiya (film, 1997)
- Nə gözəldir bu dünya... (film, 1999)
- Girov (film, 2005)
- Unudulmuş qəhrəman (film, 2005)
- Heydər Əliyev. Dünyaya pəncərə (film, 2006)
- İstanbul reysi (film, 2010)
- Dərvişin qeydləri (film, 2013)
Bədii rəhbəri olduğu filmlər
- Qızıl uçurum (film, 1980)
- Bəyin oğurlanması (film, 1985)
- Ata (film, 1988)
- Dəvətnamə (film, 1989)
- Bəxtəvər (film, 1990)
- Güzgü (film, 1990)(II)
- "Yapon" və yaponiyalı (film, 1990)
- Lal (film, 1992)
- Təbəssüm (film, 1992)
- Vahimə (film, 1998)
- Əsirin qayıtması (film, 2002)
- Odla qol-boyun (film, 2002)
- Ümid (film, 2002)
- Güllələnmə təxirə salınır!... (film, 2002)
- Alo, mənəm (bədii rəhbər)
- Vəsiyyət (bədii rəhbər)
- Yol ayrıcında qalmış taksi (2017)
İştirak etdiyi filmlər
- Cənub buxtası (film, 1977)
- Azərbaycan kinosu-80 (film, 1996)
- Azərbaycan naminə (film, 2005)
- Yaşadım ki, yaşadam (film, 2008)
- Yaşadan, yaşayan Yaşar (film, 2012)
Ssenari müəllifi olduğu filmlər
- Biri vardı, biri yoxdu... (film, 1967)
- Sevinc buxtası (film, 1977)
- Yalançını evinəcən qovarlar (film, 1981)
- Nizami (film, 1982)
- Gümüşgöl əfsanəsi (film, 1984)
- Burulğan (film, 1986)
- Çat (film, 1988)
- Dünən, bu gün və... (film, 1989)
- Təxribat (film, 1990)
- Bizim Nəsibə xanım... (film, 1991)
- Özüm və zaman haqqında (film, 1991)
- Nə gözəldir bu dünya... (film, 1999)
- Şəhidlik zirvəsi (film, 2001)
- Girov (film, 2005)
- Unudulmuş qəhrəman (film, 2005)
- Monoloq (film, 2007)
- İstanbul reysi (film, 2010)
- Dərvişin qeydləri (film, 2013)
Çəkildiyi filmlər
Haqqında çəkilən film
Rejissor köməkçisi olduğu film
İdeya müəllifi olduğu film
Çəkilişinə köməklik etdiyi film
Diplom rəhbəri olduğu film
- Kəsişməyən yollar (film, 2002)
İstinadlar
- ↑ Xalq artisti Eldar Quliyev vəfat etdi - VİDEO. 2021.
- ↑ Eldar Quliyev vəfat etdi. 2021.
- ↑ Quliyev, E. 70 yaş, sadəcə, doğum günü deyil, yolayrıcıdır: [Kinorejissor Eldar Quliyev] //Ekspress.- 2011.- 5-7 fevral.- S. 19-20.
- ↑ Азербайджанской ССР кинематография. Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 13.
- ↑ "Bu gün Eldar Quliyev`in 70 illik yubileyidir". Big.az.
- ↑ "Arxivlənmiş surət". 2016-03-05 tarixində orijinalından arxivləşdirilib. İstifadə tarixi: 2014-11-19.
- ↑ Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 318.
- ↑ Tanınmış kinorejissor Eldar Quliyev vəfat etdi
- ↑ "Respublika kino sənəti işçilərinə Azərbaycan SSR fəxri adlarının verilməsi haqqında Azərbaycan SSR Ali Soveti Rəyasət Heyətinin 23 dekabr 1976-cı il tarixli Fərmanı" (PDF). Azərbaycan Milli Kitabxanası. 16 yanvar 2020 tarixində arxivləşdirilib (PDF). İstifadə tarixi: 5 fevral 2020.
- ↑ "Ədəbiyyat, incəsənət və arxitektura sahəsində 1978-ci il Azərbaycan SSR Dövlət mükafatlarının verilməsi haqqında Azərbaycan KP MK-nın və Azərbaycan SSR Nazirlər Sovetinin 1978-ci il tarixli Qərarı" (PDF). Azərbaycan Milli Kitabxanası. 16 yanvar 2020 tarixində arxivləşdirilib (PDF). İstifadə tarixi: 5 fevral 2020.
- ↑ "Respublika kino sənəti xadimlərinə Azərbaycan SSR fəxri adları verilməsi haqqında Azərbaycan SSR Ali Soveti Rəyasət Heyətinin 1 dekabr 1982-ci il tarixli Fərmanı" (PDF). Azərbaycan Milli Kitabxanası. 16 yanvar 2020 tarixində arxivləşdirilib (PDF). İstifadə tarixi: 5 fevral 2020.
- ↑ Eldar Quliyev mükafata layiq görülüb
- ↑ E.T.Quliyevin "Azərbaycan Respublikası Prezidentinin fəxri diplomu" ilə təltif edilməsi haqqında Azərbaycan Respublikası Prezidentinin Sərəncamı
- ↑ APA TV. "3 tanınmış şəxsiyyətə "Qızıl Çinar" mükafatı verildi" (az.). Youtube.com. 11.05.2018. İstifadə tarixi: 2018-05-11.
- ↑ "E.T.Quliyevin "İstiqlal" ordeni ilə təltif edilməsi haqqında Azərbaycan Respublikası Prezidentinin Sərəncamı". president.az. 23 yanvar 2021. İstifadə tarixi: 23 yanvar 2021.
Mənbə
- Кино: Энциклопедический словарь / Гл. ред. С. И. Юткевич; Редкол.: Ю. С. Афанасьев, В. Е. Баскаков, И. В. Вайсфельд и др. — Москва: Советская энциклопедия, 1987. — стр. 222.
- Xamis Muradov. Kinofabrikdən başlanan yol. Azərbaycan Respublikası Mədəniyyət Nazirliyi. C.Cabbarlı adına "Azərbaycanfilm" kinostudiyası. Aydın Kazımzadə. Bizim "Azərbaycanfilm". 1923-2003-cü illər. Bakı: Mütərcim, 2004.- səh. 5.
- Azərbaycan Milli Ensiklopediyası: Azərbaycan. Ramiz Məmmədov. Kino. Azərbaycan Milli Ensiklopediyası Elmi Mərkəzi, 2007.- səh. 814.
- 18 yanvarda doğulanlar
- 1941-ci ildə doğulanlar
- 80 yaşında vəfat edənlər
- 16 apreldə vəfat edənlər
- 2021-ci ildə vəfat edənlər
- Ümumrusiya Dövlət Kinematoqrafiya İnstitutunun məzunları
- Azərbaycan Respublikası Kinematoqrafçılar İttifaqının üzvləri
- Azərbaycan SSR xalq artistləri
- Azərbaycan SSR əməkdar incəsənət xadimləri
- Azərbaycan SSR Dövlət mükafatı laureatları
- "İstiqlal" ordeni ilə təltif edilənlər
- "Şərəf" ordeni ilə təltif edilənlər
- "Şöhrət" ordeni ilə təltif edilənlər
- SSRİ-nin "Qırmızı əmək bayrağı" ordeni ilə təltif edilənlər
- "Qızıl çinar" beynəlxalq mükafatının qalibləri
- Azərbaycan Respublikası Prezidentinin fəxri diplomu ilə təltif edilənlər
- Əlifba sırasına görə film sənətçiləri
- Bakıda doğulanlar
- Bakıda vəfat edənlər
- Azərbaycan kinorejissorları
- Azərbaycan ssenaristləri
- Azərbaycan Milli Kino Mükafatı laureatları
- Ürək tutmasından ölənlər