Alisa Abqari

Alisa Abqari
Doğum tarixi	1886
Doğum yeri	Beyrut, Suriya vilayəti, Osmanlı imperiyası
Vəfat tarixi	1952
Vəfat yeri	Beyrut, Beyrut mühafəzəsi[d], Livan
Atası	Yühənnas Abqari
Mükafatları

Alisa Abqari (erm. Ալիս Աբգարիոս; 1886, Beyrut, Suriya vilayəti, Osmanlı imperiyası – 1952, Beyrut) — erməniəsilli Livan pedaqoqu, ərəb ölkələrində skautluğun banisi.

Həyatı

Alisa Abqari 1886-cı ildə Beyrutda erməni yazıçısı Yühənnas Abqari və ərəbəsilli Afife Qanavatın ailəsində anadan olmuşdur. 1891–1899-cu illərdə Beyrut Alman Məktəbində oxumuşdur. Ərəb, fransız, ingilis və alman dillərini mükəmməl bilirdi. 1900–1912-ci illərdə Qahirədə, 1912–1914-cü illərdə İngiltərədə yaşamışdır. Livanda skaut qrupları yaratmış, qızların bədən tərbiyəsi məsələləri ilə məşğul olmuşdur. 1917-ci ildə Ali İslam Məktəbini, Dəməşqdə Ərəb Məktəbini, Tripolidə Rum Ortodoks Qadın Məktəbini qurmuşdur. 1923-cü ildə Livan və Suriyanın baş skaut qubernatoru təyin edilmişdir.

Yaradıcılığı

Alisa Abqari ingilis dilində skautluğa dair geniş əsər yazmışdır. Onlar ərəb dilinə tərcümə edilmişdir.

Mükafatları

"Qız bələdçi polkovnik və skaut kapitanı" titulunu almış, xidmətlərinə görə Livanda orden ilə təltif edilmişdir.