Erməni İnqilabı Federasiyası Tarix Muzeyi

Erməni İnqilabı Federasiyası Tarix Muzeyi
erm. Հ. Յ. Դաշնակցութեան պատմութեան թանգարան թանմմն
Əsası qoyulub	1946
Açılış tarixi	2007
Ölkə	Ermənistan
Yerləşir	İrəvan
Direktor	Anuş Amseyan
40°10′33″ şm. e. 44°30′51″ ş. u.
arfd.info/hy/?p=569
Vikianbarda əlaqəli mediafayllar

Erməni İnqilabı Federasiyası Tarix Muzeyi (erm. Հ. Յ. Դաշնակցութեան պատմութեան թանգարան թանմմն) Ermənistanın İrəvan şəhərində yerləşən və Ermənistan Demokratik Respublikasının və Erməni İnqilabi Federasiyasının (EİF) görkəmli üzvləri ilə bərabər tarixini özündə əks etdirən muzeydir.

Tarixi

Muzey ilk olaraq 1946-cı ildə, Fransanın paytaxtı olan Paris şəhərində açılmış və bu illər ərzində 3000-ə qədər artefakt yığılmışdır. Muzeyin İrəvandakı açılışı isə 2007-ci il iyul ayının 13-də İrəvandakı Kristapor Mikaelyan Mərkəzində keçirilən rəsmi mərasim zamanı edilmişdir. Açılışda Hrant Markaryan kimi daşnak liderləri və tərəfdarları iştirak edirdilər. Sosialist İnternasionalının prezidenti Luis Ayala da açılış mərasimində iştirak etmiş və muzeyin açılışını EİF tarixində tarixi və mühüm dönüş nöqtəsi kimi alqışlamışdır.

Muzeydə dövlət sənədləri, möhürlər və digər artefaktlar nümayiş etdirilir. Onun eksponatlarından birincisi 1918-1920-ci illər arasında mövcud olmuş olan Ermənistan Demokratik Respublikasına həsr olunmuşdur. Burada 1919-cu ildəki Versal sülh müqaviləsində Ermənistanın təqdim etmiş olduğu rəsmi sənədlər, habelə ilk respublikanın baş nazirlərinin şəxsi əşyaları nümayiş etdirilir; Hamo Ohancanyan, Aleksandr Xatisyan, Simon Vratsian və Hovhannes Katçaznouni, generallardan Andranik Ozanyan və Drastamat Kanayanın şəxsi əşyaları da sərginin diqqət çəkən eksponatlarındandır.

Soyqırım Muzeyi və İnstitutunun direktoru olan Hayk Demoyan ilkin eksponatlardan birini Ermənistanın “ən dramatik” tarixi dönüş nöqtələrindən birinin ən zəngin kolleksiyalarından biri adlandırmışdır.