Hiyoşi məbədi
| Şintoizm | |
| Hiyoşi məbədi (日吉大社?) | |
|---|---|
 | |
| Din | |
| Həsr olunub | Oyamakui, Onamuçi |
| Festivalları | 12–15 aprel |
| Yerləşməsi | |
| Ölkə |
 Yaponiya |
| Prefektura |
 Şiqa prefekturası |
| Şəhər |
 Otsu |
| Memarlıq | |
| İnşa tarixi | e.ə. 61 |
| Üslubu | hiyoşi-zukuri və şotay-zukuri |
|
|
|
| hiyoshitaisha.jp | |
 Şintoizm terminologiyası | |
Hiyoşi məbədi (日吉大社, Hiyoşi-tayşa?) – Yaponiyanın Şiqa prefekturasının Otsu şəhərində yerləşən şintoist məbədi. İkinci dünya müharibəsindən əvvəl Hie məbədi (日枝大社, Hie-tayşa?) kimi tanınırdı.
Məbəd iki hissədən ibarətdir: Şərq məbədi və Qərb məbədi. Bu iki məbəd Yaponiyanın milli xəzinəsi statusuna malikdir.
Tarixi[redaktə | mənbəni redaktə et]
Şərq məbədi e.ə. 61-ci ildə qurulmuşdur.[1] İmperator Tenci 668-ci ildə paytaxtı Otsu şəhərinə köçürdükdən sonra imperator ailəsinin və Yamato sarayının qoruyucusu hesab olunan Omiva məbədinin kamisi Onamuçi üçün Qərb məbədini tikdirmişdir.[1]
Buddizmin Tenday sektasının qurucusu Sayço 788-ci ildə Hiey dağında Enryaku məbədini qurduqdan sonra Hiyoşi məbədi bu məbədin qoruyucusu hesab olunmağa və tez-tez onunla assosiasiya edilməyə başlamışdır.[1] Hiyoşi məbədinin bir çox davamçı məbədi tikilmişdir və onların arasında 21 böyük məbəd "Sannonun 21 məbədi" adı ilə tanınmışdır.[1]
XIII–XVI əsrlərdə Hiyoşi məbədi güclü məbəd kimi tanınmış və məbədin akolitləri Hiey dağının döyüşçü-keşişləri ilə birlikdə siyasi cəhətdən güclü olan qrup formalaşdırmışdırlar.[1] Məbəd XVI əsrdə Toyotomi Hideyoşi tərəfindən yenidən inşa edilmişdir.[1]
Xüsusiyyətləri[redaktə | mənbəni redaktə et]
Hiyoşi məbədi Yaponiya yerləşən 3800-dən çox Hie Sanno məbədinin mərkəzi məbədi hesab olunur.[2] Məbəd iki hissədən ibarətdir: Şərq məbədi (東西本宮, Hiqaşi-honqu?) Hiey dağının ilahı hesab olunan kami Oyamakuiyə, Qərb məbədi (西本宮, Nişi-honqu?) isə Nara prefekturasındakı Miva dağının ilahı hesab olunan Onamuçiyə həsr edilmişdir.[2] Şərq və Qərb məbədləri hiyoşi-zukuri və şotay-zukuri adlı unikal memarlıq üslublarına görə tanınır.[2] Bu iki məbəd Yaponiyanın milli xəzinəsi statusuna malikdir.[2]
Məbədin illik festivalı 12–15 aprel tarixlərində baş tutur.[2]
Qalereya[redaktə | mənbəni redaktə et]
-
Qərb məbədi. -
Şərq məbədi. -
Qərb məbədinin romonu. -
İstinadlar[redaktə | mənbəni redaktə et]
Ədəbiyyat[redaktə | mənbəni redaktə et]
- Kodansha Encyclopedia of Japan (ingiliscə). III cild (G–I). Tokio: Kodansha. 1983. səh. 130-131. ISBN 0-87011-623-1. İstifadə tarixi: 26 avqust 2022.