Məcid Seyidov
| Məcid Seyidov | |
|---|---|
| Seyidov Məcid Mirəli oğlu | |
 | |
Naxçıvan Muxtar Respublikasının gənclər və idman naziri səlahiyyətlərini müvəqqəti icra edən nazir müavini | |
| Şəxsi məlumatlar | |
| Doğum tarixi | |
| Doğum yeri | Naxçıvan şəhər, Şərur rayonu |
| Partiya | Yeni Azərbaycan Partiyası |
| Təhsili | Naxçıvan Dövlət Universiteti |
| Fəaliyyəti | siyasətçi |
| Atası | Seyidov Mirəli |
| Uşağı | 2 övladı var |
|
|
|
| Təltifləri |
 |
Məcid Seyidov - Naxçıvan Muxtar Respublikasının gənclər və idman naziri səlahiyyətlərini müvəqqəti icraçısı, nazir müavini.
Həyatı və təhsili[redaktə | mənbəni redaktə et]
Məcid Seyidov 1975-ci ildə Şərur rayonu Danzik kəndində ziyalı ailəsində anadan olub. İbditadi təhsilini 1992-ci ildə Şərur rayon Yenikənd kənd orta məktəbini əla qiymətlərlə bitirib. 1993-1997-ci illərdə Azərbaycan Silahlı Qüvvələri tərkibində Naxçıvan Muxtar Respublikasının döyüş mövqelərində, Ağdam və Tərtər rayonlarının döyüş bölgələrində həqiqi hərbi xidmətdə olub. Azərbaycan Vətən Müharibəsi veteranıdır. Eyni zamanda 2011-ci ildən etibarən Azərbaycan Vətən Müharibəsi Veteranları və Şəhid Ailələri Naxçıvan Muxtar Respublika Təşkilatının sədri kimi fəaliyyət göstərir, yerli mətbuatda vətənpərvərlik mövzusunda publisistik yazılarla çıxış edir.
1999-2004-cü illərdə Ş.İ.Xətai adına Danyeri kənd orta məktəbində biologiya müəllimi və tərbiyə işləri üzrə direktor müavini vəzifələrində çalışıb. 2002-ci ildə Naxçıvan Dövlət Universitetini təbiətşünaslıq-tibb fakültəsinin biologiya ixtisası üzrə fərqlənmə diplomu ilə bitirib. Həmin il Yeni Azərbaycan Partiyasına üzv qəbul olunub. 2005-ci ildə Naxçıvan Dövlət Universitetində magistratura şöbəsini botanika ixtisası üzrə fərqlənmə diplomu ilə bitirib, magistr dərəcəsi alıb. 2012-2016-cı illərdə universitetdə hüquqşünas ixtisası üzrə təhsil alıb, təhsilini fərqlənmə diplomu ilə başa vurub. Dövlət idarəçiliyi üzrə bir sıra kurs və seminarları bitirib.[1]
Fəaliyyəti[redaktə | mənbəni redaktə et]
2004-2011-ci illərdə Naxçıvan Muxtar Respublikası Ekologiya və Təbii Sərvətlər Nazirliyində müxtəlif vəzifələrdə çalışıb. 2011-ci ilin aprel ayından həmin ilin avqust ayınadək Naxçıvan Muxtar Respublikasının Gənclər və İdman Nazirliyində aparat rəhbəri vəzifəsini icra edib. 1 avqust 2011-ci ildən etibarən Naxçıvan Muxtar Respublikasının gənclər və idman nazirinin müavini vəzifəsində işləyir. Təmsil olunduğu sahə üzrə Azərbaycan nümayəndə heyətinin tərkibinində xarici ölkələrə təşkil olunan səfər proqramlarında iştirak edib. Azərbaycan Respublikası Prezidentinin 22 iyun 2019-cu il tarixli müvafiq Sərəncamı ilə “Dövlət qulluğunda fərqlənməyə görə” medalı ilə təltif edilib. 22 iyul 2023-cü il tarixindən etibarən Naxçıvan Muxtar Respublikasının gənclər və idman naziri səlahiyyətləri Məcid Seyidova həvalə olunub.[2]
Ailəsi[redaktə | mənbəni redaktə et]
Ailəlidir, 2 övladı var.
İstinadlar[redaktə | mənbəni redaktə et]
- ↑ Məcid Seyidov
- ↑ "Oxu.az". 2024-04-18 tarixində arxivləşdirilib. İstifadə tarixi: 2024-04-18.