Namiq Bayramov (general)

Namiq Bayramov
Şəxsi məlumatlar
Doğum tarixi	20 sentyabr 1971(1971-09-20) (52 yaş)
Doğum yeri	Qarabağlar, İliç rayonu, Naxçıvan MSSR, Azərbaycan SSR, SSRİ
Milliyyəti	Azərbaycanlı
Uşağı	3
Hərbi fəaliyyəti
Mənsubiyyəti	Bitərəf
Qoşun növü	Hərbi Hava Qüvvəlləri
Rütbəsi	General-mayor
Təltifləri

Namiq Süleyman oğlu Bayramov (20 sentyabr 1971, Qarabağlar, İliç rayonu) — Hərbi Hava Quvvələrinin Hava Təlim komandiri, Azərbaycan Silahlı Qüvvələrinin general-mayoru.

Həyatı

Bayramov Namiq Süleyman oğlu 20 sentyabr 1971-ci ildə Şərur rayonu Qarabağlar kəndində anadan olub. O, orta təhsilini 1978–1988-ci illərdə Qarabağlar kənd 2 saylı orta məktəbində alıb. Orta məktəbi bitirdikdən sonra Rusiyanın Smolenks Ali Zenit Raket Mühəndisləri hərbi məktəbinə daxil olub. 1992-ci ildə həmin məktəbi radioelektronika avadanlıqlarının istismarı mühəndisliyi ixtisası üzrə bitirib.1992–1993-cü illərdə Almaniyada Qərb Qoşunları Qrupunda tağım komandiri vəzifəsində, 1993-cü ilin oktyabr ayından isə Azərbaycan Respublikasının Silahlı Qüvvələrində xidmət edib. Naxçıvan Muxtar Respublikasında Hava Hücumundan Müdafiə təyinatlı hərbi hissələrdə batareya komandirinin müavini vəzifəsindən Əlahiddə Ümumqoşun Ordusunun idarə rəisi vəzifəsinədək xidmət yolu keçib. Batareya komandiri, hərbi hissənin kəşfiyyat rəisi, motoatıcı diviziyanın komanda məntəqəsinin rəisi-hərbi hissə komandiri, Əlahiddə Ümumqoşun Ordunun HHM idarəsinin qərargah rəisi, HHQ İdarəsinin rəisi olub. 2019-cu ildən Heydər Əliyev adına Azərbaycan Ali Hərbi Məktəbində fakültə rəisi, 2021-ci ildən etibarən isə Hərbi Hava Qüvvələrinin idarə heyətində rəhbər vəzifədə xidmət edib.

Hal-hazırda Hərbi Hava Qüvvələrinin Hava Təlim komandiridir.

Ailəsi

Ailəlidir, 3 övladi var. 2 oglan, 1 qiz.

Təltifləri

• "Azərbaycan Respublikası Silahlı Qüvvələrinin 10 illiyi (1991–2001)yubileyi" medalı
• "Qüsursuz xidmətə görə" 3-cü dərəcəli medal
• "Azərbaycan Respublikası Silahlı Qüvvələrinin 90 illiyi (1918–2008) yubileyi" medalı
• "Hərbi xidmətdə fərqlənməyə görə"3-cü dərəcəli medal
• "Qüsursuz xidmətə görə" 2-ci dərəcəli medal
• "Azərbaycan Respublikası Silahlı Qüvvələrinin 95 illiyi (1918–2013) yubiley" medalı
• "Qüsursuz xidmətə görə" 1-ci dərəcəli medal
• "Vətən uğrunda" medalı
• "Azərbaycan Respublikası Silahlı Qüvvələri Veteranı" medalı
• "Azərbaycan Ordusunun 100 illiyi (1918–2018)"Azərbaycan Respublikasının yubileyi medalı
• "Hərbi xidmətdə fərqlənməyə görə"2-ci dərəcəli medal

Xarici keçidlər

• Azərbaycan Respublikası Silahlı Qüvvələrinin hərbi qulluqçularının və mülki işçilərinin təltif edilməsi haqqında Azərbaycan Respublikası Prezidentinin Sərəncamı