Vəsadət Əzizov
Bu səhifənin səhifə silmə qaydasına əsasən silinə biləcəyi güman edilir. Əgər səhifənin silinməsinə dair etirazınız varsa, silinməyə namizəd səhifələr səhifəsində bu barədə fikrinizi bildirin. Müzakirə davam etdiyi müddət ərzində səhifədəki bu xəbərdarlığı silməyin.
Bu məqalə sonuncu dəfə 13 saniyə əvvəl Nemoralis (müzakirə | töhfələr) tərəfindən redaktə olunub. (Yenilə) |
Bu məqalədəki məlumatların yoxlanılabilər olması üçün əlavə mənbələrə ehtiyac var. |
Bu məqaləni vikiləşdirmək lazımdır. |
Vəsadət Əzizov | |
---|---|
Şəxsi məlumatlar | |
Doğum adı | Vəsadət Əli oğlu Əzizov |
Doğum tarixi | 22 dekabr 1955 (68 yaş) |
Doğum yeri | |
Partiya | |
Təhsili | |
Fəaliyyəti | alim |
Elmi fəaliyyəti | |
Elm sahəsi | kardiologiya |
Elmi dərəcəsi | |
Elmi adı | |
|
|
Təltifləri |
Vəsadət Əli oğlu Əzizov (22 dekabr 1955, Qızılavar, Masallı rayonu) — Respublikanın əməkdar həkimi, tibb elmləri doktoru, professor-kardioloq.
Həyatı[redaktə | mənbəni redaktə et]
Vəsadət Əzizov 1955-ci il dekabrın 22-də Masallı rayonunun Qızılavar kəndində anadan olmuşdur. O, 1972-ci ildə Qızılavar kənd orta məktəbini müvəffəqiyyətlə bitirmiş və həmin il Azərbaycan Tibb İnstitutunun (hazırda Azərbaycan Tibb Universiteti) müalicə-profilaktika fakültəsinə daxil olmuşdur. 1978-ci ildə Tibb İnstitutunu bitirdikdən sonra 1978–79-cu illərdə Bakı şəhər 1 saylı klinik xəstəxanasının bazasında 1 illik internatura kursunu bitirmiş və təyinatla Naxçıvan Muxtar Respublikası Səhiyyə Nazirliyinin sərəncamına göndərilmişdir. V. Əzizov Naxçıvan Respublika xəstəxanasında əvvəlcə qəbul şöbəsinin müdiri, sonralar terapiya və kardiologiya şöbələrində həkim-ordinator işləmişdir.
1983-cü ildə V. Əzizov Azərbaycan Azərbaycan Tibb Universitetinin "Daxili xəstəliklər" ixtisası üzrə aspiranturasına daxil olmuşdur. O, Moskva şəhərində Ümumittifaq Kardioloji Elmi Mərkəzdə 1985-ci ildə namizədlik və 1993-cü ildə doktorluq dissertasiyası müdafiə etmişdir.
V. Əzizov 1994–1998-ci illərdə akademik C. Abdullayev adına Elmi-tədqiqat Kardiologiya institutunun direktoru vəzifəsində çalışmışdır. 1999-cu ildə АTU-nun II Daxili xəstəliklər kafedrasının müdiri vəzifəsinə seçilmiş və bu günə qədər həmin kafedraya (hazırda I Daxili xəstəliklər kafedrası adlanır) rəhbərlik edir.
V. Əzizov 650-ə yaxın çap olunmuş elmi işlərin, o cümlədən 36 dərslik, dərs vəsaiti, monoqrafiya, 5 metodik tövsiyə, 38 metodik işləmə, 3 müəlliflik səhadətnaməsi və 1 ixtiranın müəllifidir. Onun elmi işləri dünyanın bir çox ölkələrində yüksək impakt-faktorlu Beynəlxalq jurnallarda çap olunmuşdur. Professor Vəsadət Əzizovun rəhbərliyi ilə 28 namizədlik və 6 doktorluq dissertasiyası müdafiə edilmişdir. Hazırda onun rəhbərliyi altında 5 doktorluq və 2 namizədlik dissertasiya işi davam etdirilir.
V. Əzizov bir neçə beynəlxalq elmi cəmiyyətlərin, o cümlədən Avropa kardioloqlar cəmiyyətinin üzvü, Avrasiya kardioloqlar cəmiyyətinin və Azərbaycan kardioloqlar cəmiyyətinin idarə heyətinin üzvüdür.
О, uzun illər "Konsilium" (Bakı) jurnalının baş redaktor müavini olmuş, Türkiyədə çap olunan "Kardiologiya" jurnalının redaksiya heyətində təmsil olunmuşdur. Hazırda V. Əzizov "Евразийский кардиологический журнал" (Moskva), "Центральный азиатский медицинский журнал"ın (Bişkək) redaksiya heyətinin, "Кардиология" (Moskva), "Кардиологический вестник" (Moskva), "Визуализация в клинике" (Moskva) jurnallarının redaksiya şurasının, "Azərbaycan kardiologiya jurnalı" (Bakı), "Azərbaycan ürək və damar cərrahiyyəsi jurnalı" (Bakı), "Sağlamlıq" (Bakı) jurnalının redaksiya heyətinin üzvüdür. V. Əzizov Azərbaycan Tibb Universitetinin və I müalicə-profilaktika fakültəsinin Elmi Şurasının və ATU-nun nəzdində Dissertasiya Şurasının üzvüdür. Universitetin terapiya ixtisası üzrə Problem Komissiyasının sədridir.
V. Əzizov II çağırış Azərbaycan Respublikası Milli Məclisinin deputatı seçilmişdir. Tibb sahəsində model qanunların hazırlanmasındakı xidmətlərinə görə o, MDB ölkələri Parlamentlərarası Assambleasının Fəxri fərmanına layiq görülmüşdür.
2010-cu ildə Azərbaycan Respublikası Prezidentinin sərəncamı ilə əməkdar həkim adına layiq görülmüşdür.
Ailəsi[redaktə | mənbəni redaktə et]
Həyat yoldaşı — Hacıyeva Səidə Arif qızı — tibb üzrə elmlər doktorudur, Akademik Z. Əliyeva adına ET Oftalmologiya Mərkəzində aparıcı elmi işçidir.
Oğlu — Əzizov Rafael — hüquq elmləri üzrə fəlsəfə doktorudur, ABŞ-də yaşayır, özəl fəaliyyətlə məşğuldur.
Oğlu — Əzizov Qüdrət — iqtisadçı və hüquqşünasdır. Hazırda ailəsi ilə birgə ABŞ-də yaşayır.
İstinadlar[redaktə | mənbəni redaktə et]
- 22 dekabrda doğulanlar
- 1955-ci ildə doğulanlar
- Yaşayan insanlar
- Masallı rayonunda doğulanlar
- Yeni Azərbaycan Partiyasının üzvləri
- Azərbaycan Tibb Universitetinin məzunları
- Tibb elmləri doktorları
- Professorlar
- Azərbaycan Respublikasının əməkdar həkimləri
- Əlifba sırasına görə vəzifəli şəxslər
- Azərbaycan həkimləri
- Azərbaycanlı həkimlər
- Azərbaycan Milli Məclisinin II çağırış deputatları
- Azərbaycan kardioloqları