Yukio Kasaya

Vikipediya, azad ensiklopediya
Naviqasiyaya keç Axtarışa keç
Yukio Kasaya
yap. 笠谷幸生
Şəxsi məlumatlar
Vətəndaşlığı
Doğum tarixi 17 avqust 1943(1943-08-17)
Doğum yeri
Vəfat tarixi 23 aprel 2024(2024-04-23)[1] (80 yaşında)
Vəfat yeri
Təhsili
  • Meyci Universiteti[d]
İdman növü xizəklə tramplindən tullanma
Medallar

Olimpiya Oyunları
Qızıl 1972 Sapporo Fərdi xizəklə tullanma
Dünya Çempionatı
Gümüş 1970 Visoke-Tatri Fərdi xizəklə tullanma

Yukio Kasaya (笠谷 幸生, Kasaya Yukio?, 17 avqust 1943, Yoiçi[d] – 23 aprel 2024[1], Sapporo[2]) – Yaponiya xizəklə tramplindən tullananı. O, Qış Olimpiya Oyunlarında qızıl medal qazanmış ilk Asiya və Yaponiya idmançısıdır.

İlk illəri[redaktə | mənbəni redaktə et]

Yukio Kasaya 1943-cü ildə Hokkaydo prefekturasının Yoiçi qəsəbəsində doğulmuşdur. Yoiçidə yerləşən liseydən məzun olduqdan sonra Meyci Universitetinə daxil olmuş, daha sonra "Nikka" viski şirkətində işləməyə başlamışdır.[3]

İdman karyerası[redaktə | mənbəni redaktə et]

Yukio Kasaya 1970-ci ildə keçirilmiş xizək idman növləri üzrə dünya çempionatında ikinci yeri tutmuş və bu yarışda medal qazanmış ilk Yaponiya idmançısı olmuşdur.[4] 1971/1972 mövsümündə Almaniya və Avstriyada keçirilmiş "Dörd Tramplin" turnirində keçirilmiş üç yarışın da (İnsbruk, Qarmiş-Partenkirhen və Oberstdorf) qalibi olmuşdur.[5]

Yukio Kasaya 1972-ci ildə Sapporoda keçirilmiş Qış Olimpiya Oyunlarında 70 metrlik normal tramplindən xizəklə tullanma yarışında qızıl medal qazanmışdır. Beləliklə, o, Qış Olimpiya Oyunlarında qızıl medal qazanmış ilk yapon və medal qazanmış ikinci yapon idmançı olmuşdur. Həmin yarışda Yaponiyadan olan digər digər idmançılar – Akitsuqu Konno gümüş medalı, Seyci Aoçi bürünc medalı qazanmışdır.[5] Yarışdan sonra bu üçlük "Hinomaru eskadronu" ləqəbini qazanmışdır.[3]

1976-cı ildə 4-cü dəfə iştirak etdiyi Qış Olimpiya Oyunlarından sonra idman karyerasını başa çatdırmışdır.[5] 1976 və 1998-ci illərdəki Qış Olimpiya Oyunlarında Yaponiya komandasının bayraq daşımışdır.[4] Yaponiya milli komandasının məşqçisi və Yaponiya Olimpiya Komitəsinin icraçı şura üzvü olmuşdur.[3] 2001–2008-ci illərdə Beynəlxalq Xizək Federasiyasının Xizəklə Tramplindən Tullanma Komitəsinin üzvü olmuşdur.[6] 2008-ci ildə Yaponiyada mədəni dəyəri olan şəxs seçilmişdir. 23 aprel 2024-cü ildə Sapporoda yerləşən bir xəstəxanada ürək xəstəliyi səbəbilə ölmüşdür.[3]

İstinadlar[redaktə | mənbəni redaktə et]

  1. ↑ 1 2 https://www.hokkaido-np.co.jp/article/1005289/.
  2. ↑ 1 2 72年札幌冬季五輪「日の丸飛行隊」笠谷幸生さん死去、80歳　冬季五輪日本勢初の「金」.
  3. ↑ 1 2 3 4 "Yukio Kasaya, Japan's First Winter Olympics Champion, Dies at 80". Yomiuri Shimbun (ingiliscə). 26 aprel 2024. 2024-04-27 tarixində arxivləşdirilib. İstifadə tarixi: 27 aprel 2024.
  4. ↑ 1 2 "Yukio Kasaya". Olympics (ingiliscə). 27 aprel 2024 tarixində arxivləşdirilib. İstifadə tarixi: 27 aprel 2024.
  5. ↑ 1 2 3 "Yukio Kasaya, 1972 Sapporo Olympic ski jumping champion, dies at 80". The Mainichi (ingiliscə). 26 aprel 2024. 2024-04-27 tarixində arxivləşdirilib. İstifadə tarixi: 27 aprel 2024.
  6. ↑ "Yukio Kasaya passed away". Beynəlxalq Xizək Federasiyası (ingiliscə). 26 aprel 2024. 2024-04-27 tarixində arxivləşdirilib. İstifadə tarixi: 27 aprel 2024.

Xarici keçidlər[redaktə | mənbəni redaktə et]

Mənbə — "https://az.wikipedia.org/w/index.php?title=Yukio_Kasaya&oldid=7599649"