İlbiz Paul

Vikipediya, açıq ensiklopediya
Keçid et: naviqasiya, axtar

İlbiz Paul — "öncəgörən" səkkizayaqlı ilbiz (lat. Octopus vulgaris), İtaliyanın Toskana şəhərinin vətəndaşı[1], Qərb xurafatı[2].

Oktopus-Orakel Paul mit Schuh.JPG

İlbiz Paul Cənubi Afrikada keçirilən futbol üzrə dünya çempionatı zamanı matçların nəticələri ilə bağlı verdiyi proqnozlarla məşhurlaşmışdır. Səkkizayaqlı ilbizin bütün proqnozları doğru çıxmışdır. O, Almaniya yığmasının 6 oyununun və İspaniyanın çempion olacağının "dəqiq" proqnozunu vermişdir. Bununla da dünya xəbərlərinin baş mövzusuna çevrilmişdir[3].

Paulun necə seçim etdiyi də maraqlıdır. Ona içərisi yeməklə dolu olan iki qab verilir və hər qabın üzərində qarşılaşacaq yığmaların ölkələrinin bayraqları əks olunur. Paul hansı ölkənin bayrağı olan qabdan yemək yesə, demək o ölkə "qalib"dir[4].

İlbiz Paul qalibi müəyyənləşdirir

Almaniyanın Oberhauzen şəhərindəki "Sea Life" adlı okeanariumda saxlanılan bu dəniz heyvanı 2010-cu il oktyabrın 26-da keçinib. İlbiz Paul 2 yaşında idi. Onun hansı səbəbdən öldüyü bəlli deyil[5].

Qeyd edək ki, Paul İngiltərədə doğulub. Amma sonradan Almaniyadakı akvariuma satılıb[6].

İstinadlar[redaktə]

  1. Səkkizayaqlı ilbiz İtaliya vətəndaşı oldu
  2. FALÇI İLBİZ VƏ YA QƏRBİN NƏHƏNG XURAFATI
  3. İlbiz erası
  4. FALÇI İLBİZ VƏ YA QƏRBİN NƏHƏNG XURAFATI
  5. Məşhur "öncəgörən ilbiz" öldü
  6. Paul növbəti dünya çempionatına hazırlaşır