Vikipediya:Məsuliyyətdən imtina

Vikipediya, açıq ensiklopediya
Keçid et: naviqasiya, axtar

General disclaimerRisk disclaimerMedical disclaimerLegal disclaimerContent disclaimer

Vikipediya məlumatların dəqiqliyinə təminat vermir

Hamının redaktəsinə açıq olan internet-ensiklopediya — Vikipediya könüllü surətdə çalışan və insan biliklərinin ümumi bazasını formalaşdıran şəxslərin və qrupların bir araya gəldiyi cəmiyyətdir. Vikipediyanın quruluşu İnternetə çıxışı və brauzeri olan istənilən şəxsə onun məzmununu dəyişmək imkanı verir. Ona görə də nəzərə alın ki, burada yer alan məlumatlar müvafiq sahələrdə bilikləri olan peşəkarlar tərəfindən yoxlanılmamış ola bilər. Bu isə o deməkdir ki, Vikipediyada istənilən mövzu ilə bağlı məlumatlar tam dolğun, dəqiq və etibarlı sayılmır.

Bununla belə Vikipediyada lazımlı və dəqiq məlumatların az olduğunu da demək olmaz. Amma siz bilməlisiniz ki, Vikipediya ondakı məlumatların dəqiqliyinə hec cür tam təminat verə bilməz. Bu məlumatlar siz onları oxumamışdan cəmi bir neçə saniyə əvvəl dəyişdirilə, zərərli redaktələrə məruz qala və ya fikirləri sizi maraqlandıran elm sahəsində ümumi qəbul olunmuş fikirlərdən fərqlənən biri tərəfindən yazıla bilər.

Biz məqalələrin daha çox etimad doğuran versiyalarının yoxlanılıb seçilməsi üçün çalışırıq, amma bununla belə biz dəqiqliyə zəmanət verə bilmərik. Bizim ən böyük nailiyyətimiz istifadəçilərin etimadını qazanıb seçilmiş məqalə statusu alan məqalələrimizdir. Ancaq hətta bu məqalələr də siz onları oxumağa başlamamışdan bir neçə saniyə əvvəl kimlərsə tərəfindən zərərli redaktələrə məruz qala, məzmunu təhrif edilə bilər.