Vikipediya:Bilirsinizmi/26. Həftə 2019

Vikipediya məqalələrindən

• 1897-ci ildə Drezden şəhərində satılan Mirza Schaffy adlı siqaret brendi XIX əsrin görkəmli Azərbaycan şairi və mütəfəkkiri, maarifçi və pedaqoqu olmuş Mirzə Şəfi Vazehin adına adlandırılmışdır.
• Moskva Dövlət Universitetində təhsil almış, Kuba İnqilabının rəhəbrlərindən olan Fidel Kastronun böyük oğlu Fidel Kastro Diaz-Balart SSRİ-nin yardımları ilə Kubada inşa edilən, ancaq sonradan tikintisi yarımçıq dayandırılmış Juraqua AES-nin tikinti prosesinə rəhbərlik etmişdir. Fidelito (azərb. kiçik Fidel‎‎) təxəllüsü ilə tanınmış, Diaz-Balart 2018-ci ildə 68 yaşında olarkən Havana şəhərində intihar etmişdir.
• 1992-ci ilin 20 may tarixində Cənubi Osetiyanın paytaxtı Tsxinvali şəhəri yaxınlığında yerləşən Zar kəndi ərazisində gürcü silahlılar tərəfindən osetin qaçqınların daşınması ilə məşğul olan avtomobil karvanının atəşə tutulması nəticəsində azı 36 nəfər həlak olmuşdur.
• Azərbaycan Xalq Cümhuriyyətinin höküməti tərəfindən 31 Mart soyqırımını araşdırmaq üçün yaradılmış Fövqəladə Təhqiqat Komissiyasının üzvülərindən biri Belarusdan olan fotoqraf, tədqiqatçı və fransız dili müəllimi Lev Urbanoviç Daşkeviç (şəkildə) olmuşdur.
• Aeroflot Hava Yollarına məxsus Tupolev Tu-134 A tipli təyyarə 1986-cı ilin 20 oktyabr tarixində SSRİ-də daxili uçuş həyata keçirərkən qəzaya uğrayıb. Hadisə nəticəsində təyyarədə olan 87 nəfərdən 70 nəfər həlak olmuşdur. Qəzanın səbəbi kapitan pilot Aleksandr Quliyevin ikinci pilotla təyyarəni yerə baxmadan gözü bağlı endirə biləcəyi ilə bağlı mərci olmuşdur.