Bəxşi Qələndərli

Bəxşi Qələndərli
Bəxşi Həsən oğlu Qələndərli
Doğum tarixi	20 iyul 1903
Doğum yeri	Xankəndi, Yelizavetpol quberniyası, Rusiya İmperiyası
Vəfat tarixi	14 sentyabr 1985 (82 yaşında)
Vəfat yeri	Naxçıvan, Naxçıvan MSSR, SSRİ
Dəfn yeri	İrəvan
Vətəndaşlığı	Rusiya İmperiyası→ AXC→ SSRİ
Fəaliyyəti	Rejissor
Fəaliyyət illəri	1934-cü ildən
Təhsili	Rusiya Dövlət Səhnə Sənəti İnstitutu
Mükafatları
Vikianbarda əlaqəli mediafayllar

Qələndərli Bəxşi Həsən oğlu (20 iyul 1903 – 14 sentyabr 1985) – teatr rejissoru. Ermənistan SSR (1939) və Azərbaycan SSR (1974) əməkdar incəsənət xadimi.

Həyatı

Bəxşi Qələndərli 20 iyul 1903-cü ildə Xankəndidə doğulmuşdur. Bakı Teatr Texnikumunda (1926-30) və Leninqrad (indiki Sankt-Peterburq) Səhnə Sənəti İnstitutunda (1930-34) təhsil almışdır. 1934-1951-ci illər də C.Cabbarlı adına İrəvan Azərbaycan Dram Teatrın da baş rejissoru işləmiş, 1964-1985-ci illərdə C. Məmmədquluzadə adına Naxçıvan Dövlət Musiqili Dram Teatrında fəaliyyət göstərmişdir.

“Müsyö Jordan və dərviş Məstəli şah” (M.F. Axundzadə), “Od gəlini” (C. Cabbarlı), “Otello (V. Şekspir), “Mehmanxana sahibəsi” (K. Qoldoni),”Cehizsiz qız” (A. Ostrovski), “Dördüncü” (K. Simonov), “Məhsəti” (Kəmalə), “Səadət nəğməsi” (Ə. Yusifli), “Koroğlunun səhvi” (İ. Şıxlı), “Qəmli günlər” (N. Əliyev) və s. tamaşalara quruluş vermişdir.

2 "Şərəf Nişanı" ordeni ilə təltif edilmişdir.

14 sentyabr 1985-ci ildə Naxçıvanda vəfat etmiş, İrəvanda dəfn edilmişdir.

Həmçinin bax

• İrəvan Dövlət Azərbaycan Dram Teatrı