Müzəffər Nəsirli (şair, 1911)

Müzəffər Nəsirli
Müzəffər Qasım oğlu Nəsirli
Fayl:Müzəffər Nəsirli.jpg
Təxəllüsü	Asim
Doğum tarixi	14 sentyabr 1911
Doğum yeri	Şahbuz, Naxçıvan qəzası, İrəvan quberniyası, Qafqaz canişinliyi, Rusiya İmperiyası
Vəfat tarixi	1 yanvar 1980 (68 yaşında)
Vəfat yeri	Naxçıvan, Naxçıvan MSSR, Azərbaycan SSR, SSRİ
Həyat yoldaşı	Minayə Cəfərova
Uşağı	6
Atası	Qasım Nəsirli
Təhsili	Naxçıvan Pedaqoji Texnikumu
Fəaliyyəti	Şair, müəllim
Əsərlərinin dili	Azərbaycan, rus

Nəsirli Müzəffər Qasım oğlu (14 sentyabr 1911 – 1 yanvar 1980) — şair, 1940-cı ildən Azərbaycan Yazıçılar Birliyinin üzvü.

Həyatı

1911-ci il sentyabrın 14-də İrəvan quberniyası Naxçıvan qəzasının Şahbuz rayonundakı Sələsüz kəndində fəhlə ailəsində doğulmuşdur. Sovet hakimiyyəti qurulduqdan sonra Naxçıvan şəhərində ibtidai təhsil almış, Naxçıvan Pedaqoji texnikumunu bitirmişdir (1925-1929). Bu vaxtdan əmək və yaradıcılıq fəaliyyətinə başlamışdır. Tanınmış tarixçi Əli Əliyevin "Əlincə ömrü" kitabında Müzəffər Nəsirlinin əvvəllər "Asim" təxəllüsü ilə şeirlər yazdığı və hətta bir neçə yoldaşı ilə "pantürkist" kimi tənqid edildiyi vurğulanır. Görünür bundan çəkinən gənc şair sonradan Müzəffər Nəsirli kimi şeirlər yazıb.

Onun ilk şeiri  “Indi”  1927-ci ildə Naxçıvan Pedaqoji Məktəbinin naşir etdi salnamədə  çap olunmuşdur. Həmin illərdə Naxçıvan gənclər (komsomol) klubun nəzdində təşkil olunmuş “Qızıl qələmlər”  ədəbi birliyində fəal  iştirak etmiş, şerləri  yerli və mərkəzi mətbuatda çap edilməyə başlanmışdır. 1928 ci ildə Azərbaycan Proletar Yazıçıları Cəmiyyətinin katibi Süleyman Rüstəm Naxçıvana gəlmiş,  gənclər  içərisində yaradıcılığı ilə fərqlənən Müzəffər Nəsirli  Naxçıvan Proletar Yazıçıları Cəmiyyətinə katib seçilmişdir.

Bundan başqa İlk şerlərini "Şərq qapısı" (Naxçıvan), "Qızıl şəfəq" (Yerevan) qəzetlərində dərc etdirmişdir. "Azadlıq günəşi", "Qanlı qanunlar", "İntiqam" adlı ilk pyeslərini qələmə almışdır. Naxçıvan və Qərbi Azərbaycan kənd məktəblərində müəllimlik etmişdir. 1932-ci ildə Azərbaycan Dövlət Pedaqoji İnstitutunun ədəbiyyat fakültəsində təhsilini davam etdirmişdir. Bundan sonra o, böyük həvəslə yazıb yaratmış, hekayə və şerləri “Gənc işçi”, “Yeni yol”, “Komsomol”, “Dan ulduzu”, “Qızıl Şəfəq” və başqa qəzet və jurnallarda nəşr olunmuşdur.

1936-cı ildən Yerevan Pedaqoji texnikumunda, 1938-1941-ci illərdə isə Ermənistan K(b)P MK-nın yanında Kommunist Universitetində və Yerevan Dövlət Pedaqoji İnstitutunda baş müəllim vəzifəsində çalışmışdır. İkinci Dünya müharibəsində ön cəbhədə olmuş, ağır yaralanmışdır (1941-1945). Tərxis ediləndən sonra Naxçıvan Dövlət Qiyabi İnstitutunda müdir müavini, eyni zamanda dil və ədəbiyyat fakültəsinin dekanı işləmişdir. 1950-ci ilin oktyabrından həmin institutda elmi-tədris işlər üzrə müdir müavini olmuşdur. Azərbaycan Yazıçılar İttifaqının Naxçıvan bölməsinə rəhbərlik etmişdir. Naxçıvan MSSR Ali Sovetinin deputatı olmuşdur.

1971-ci ilin iyun ayında Azərbaycan Sovet yazıçılarının və SSRİ Yazıçılarının qurultaylarında iştirak etmişdir. Xidmətlərinə görə Azərbaycan Respublikası Ali Soveti Rəyasət Heyətinin Fəxri fərmanı, iki dəfə Naxçıvan MR Ali Soveti Rəyasət heyətinin Fəxri Fərmanı və on bir medalla təltif olunmuşdur.

1980-ci il yanvarın 1-də vəfat etmişdir.

2010-cu ildə 100 illiyi münasibətilə Naxçıvan Dövlət Musiqili Dram Teatrında ədibin "Qönçəbəyim nəğməsi" pyesi tamaşaya hazırlanıb.

Yaradıcılığı

İxtisaslaşdırılmış müdafiə şurasının üzvü olmuşdur (1982-1991). İlk məqaləsi 1955-ci il dekabrın 11-də "Ədəbiyyat və İncəsənət" qəzetində çıxmışdır. C.Məmmədquluzadənin "Dram və nəsr əsərləri" adlı tərtib etdiyi ilk kitab nəşr olunmuşdur (1958). Bundan sonra tərtib etdiyi kitablar: İsmayıl Katibin "Şerlər və poemalar"ı (1960), M.Ə.Sabirin üç cilddə "Hop-hopnamə"si (1962-1965), "Məktəb şərqisi" (1962), "Seçilmiş əsərləri" (1976), "Hop-hopnamə"si (1980-1992), "XX əsr Azərbaycan poeziyası" (1988), "Azərbaycan ədəbi tənqidi (XX əsrin ikinci yarısı – XX əsrin əvvəlləri) müntəxəbatı (2000) və bir sıra tədris proqramları nəşr etdirmişdir. İlk məqaləsi 1955-ci il dekabrın 11-də "Ədəbiyyat və İncəsənət" qəzetində çıxmışdır. C.Məmmədquluzadənin "Dram və nəsr əsərləri adlı tərtib etdiyi ilk kitab nəşr olunmuşdur (1958). Siyasi və Elmi Bilikləri yayan Cəmiyyətin üzvü kimi Azərbaycan rayonlarında mühazirə oxuduğuna, elmi bilikləri yaydığına görə Ümumittifaq "Bilik" Cəmiyyətinin Fəxri fərmanı ilə təltif edilmişdir (1961-1980).

Xarici keçidlər

• [1]