Tip 95 Ha-Qo yüngül tankı
Tip 95 Ha-Qo yüngül tankı | |
---|---|
Tipi | yüngül tank |
Ölkə | |
İstismar tarixçəsi | |
İstismara başlanması | 1936 |
İstifadə edilən döyüşlər | |
İstehsal tarixçəsi | |
Konstruksiya tarixi | 1934 |
İstehsal sayı | 1100[1] |
Xüsusiyyətləri | |
Ağırlığı | 7400 kq[1] |
Mühərrik | Mitsubishi NVD 6120 dizel mühərriki[1] |
Sürət | 45 km/saat[1] |
Uzunluğu | 4,38 metr[1] |
Eni | 2,057 metr[1] |
Hündürlüyü | 2,184 metr[1] |
Ekipaj | 4[1] |
Vikianbarda əlaqəli mediafayllar |
Tip 95 Ha-Qo yüngül tankı (九五式軽戦車 ハ号, Kyuqo-şiki kei-senşa Ha-Qo?) – 1930-cu illərin əvvəllərində Yaponiya ordusu üçün hazırlanmış yüngül tank modeli.[2] Çinlə müharibədə və Sakit okean müharibəsinin illərində Yaponiya ordusu yararlı nəqliyyat olduğunu sübut etsə də, ABŞ tankları və antitank silahları ilə qarşılaşdıqda geridə qalmışdır.[1]
İstehsal tarixi
İlk 2 prototipi 1934-cü ildə Mitsubishi şirkəti tərəfindən tamamlanıb. 1936-cı ildə istehsal olunmağa başlanılıb. Çində və Yaponiyada sınaqdan keçirildikdən sonra Tip 95 olaraq standartlaşdırılmışdı. Şirkət modelə Ha-Qo adını versə də, ordu modelə Ke-Qo adını vermişdi. 1943-cü ilə[a] kimi bu tank modelinin 1100-dən çox nümunəsi istehsal olunub.[2]
Xüsusiyyətləri
Modelin gövdəsi və lüləsi pərçimlənmiş konstruksiya idi və qalınlığı 6-14 millimetr arasında dəyişirdi. Tankı idarə edən yuxarı hissənin sağında, pulemyotçu isə onun solunda dayanırdı. Pulemyotçu 6,5 millimetrlik və sağa-sola dönmə manevrası 35° olan Tip 91 silahdan istifadə etsə də, bu daha sonra 7,7 millimetrlik Tip 97 ilə əvəz olunub. Lülə gövdənin mərkəzində dayanırdı və 37 millimetrlik tank zirehdeşəni olan Tip 94 ilə təchiz olunmuşdu. Daha sonra bu, eyni kalibrli, lakin daha sürətli Tip 98 ilə əvəz olunub. Lüləyə paralel başqa silah olmasa da, lülənin sağ tərəfinin dibində başqa bir pulemyot quraşdırılmışdı. Tankın iki pulemyotunda 2970 patron, əsas silahında isə 119 patron var idi. Dövrün Fransa tanklarında olduğu kimi bu tank modelinin əsas nöqsanı tank komandirinin həm silahı yükləməsi, həm hədəf alması, həm də atəş açması idi.[2]
Gövdənin arxa hissəsinə altı silindirli Mitsubushi havasoyuducu dizel mühərriki və əl ilə idarə olunan bir arxa, dörd ön çarxlı ötürücü quraşdırılmışdı. Sükan yapışma və əyləc tipli idi və zəngli çarx tipli suspenziya 4 rezin tirli yol təkərlərindən (hər iki tərəfində) ibarət idi, zəncir çarxı öndə, avara mexanizmi isə arxada yerləşirdi.[2] Bu dövrdə tankların interyerini soyutmaq üçün sistem mövcud olmadığından heyəti daşıyan hissənin divarlarında asbest doldurma var idi. Bu həm də heyətin təhlükəsiz səyahət etməsinə imkan verirdi.[1]
1943-cü ildə bir neçə Tip 95 model tank 57 millimetrlik silah üçün modifikasiya edilsə də, bu variant çox uğurlu olmayıb, çünki tankın lüləsini çox sıxışdırırdı. Ke-Nu isə Tip 97 modelin tankın lüləsinə malik olan Tip 95 model tank idi. Bu model daha sonra Tip 98 Ke-Ni tank modelinin istehsalına gətirib çıxarsa da, 1943-cü ildə ancaq 100 ədədi istehsal olunub, çünki dizaynı qanedici hesab olunmamışdı. Tip 2 amfibiya tank modeli üçün də Tip 95 tank modelinin avtomativ hissələri üçün tətbiq olunub və ööSakit okean müharibəsiğğnin ilk illərində geniş istifadə olunub.[1]
Qeydlər
İstinadlar
Ədəbiyyat
- Bishop, Chris. The Encyclopedia Weapons of World War II (ingiliscə). Barnes £ Noble Books. 1998. 18–19. ISBN 0-7607-1022-8. (#accessdate_missing_url)