Firudin Ağayev (yazıçı)

Firudin Ağayev
Firudin Balakişı oğlu Ağayev
Doğum tarixi	22 noyabr 1933(1933-11-22)
Doğum yeri	Lənkəran, Lənkəran rayonu, Azərbaycan SSR, ZSFSR, SSRİ
Vəfat tarixi	16 oktyabr 1995(1995-10-16) (61 yaşında)
Vətəndaşlığı	SSRİ→ Azərbaycan
Milliyyəti	azərbaycanlı
Fəaliyyəti	yazıçı

Ağayev Firudin Balakişı oğlu (22 noyabr 1933, Lənkəran – 16 oktyabr 1995) — nasir, dramaturq, Azərbaycan Yazıçılar İttifaqının üzvü (1962).

Həyatı

Firudin Ağayev 1933-cü il noyabrın 22-də Lənkəran şəhərində fəhlə ailəsində doğulmuşdur. Burada orta məktəbi bitirdikdən sonra ADU-nun fılologiya fakültəsində təhsil almışdır (1953–1958). Əmək fəaliyyətinə Azərbaycan Televiziya və Radıo Verilişləri Komitəsində redaktor kimi başlamış (1958), sonra radio uşaq verilişləri redaksiyasında baş redaktor (1960–1963), televiziya uşaq verilişləri redaksiyasında baş redaktorun müavini (1963–1966), bədii verilişlər redaksiyasında baş redaktorun müavini (1966–1968), uşaq və gənclər verilişləri redaksiyasında baş redaktor (1968), səhnə verilişləri redaksiyasının redaktoru (1968–1969), "İncəsənət" redaksiyasının baş redaktoru (1969–1970), "Ekran" yaradıcılıq birliyi redaksiya heyətinin üzvü (1970–1971), baş redaktoru (1971–1973), musiqili verilişlər baş redaksiyasının redaktoru (1973–1976), əyləncəli proqram redaksiyasının böyük redaktoru (1976), "Gənclik" redaksiya proqramını hazırlayan qrupun redaktoru (1976–1978) olmuşdur. Ədəbiyyat verilişləri redaksiyasında şöbə müdiri (1978–1991), kinoverilişləri baş redaksiyasının böyük redaktoru (1991–1995) vəzifələrində çalışmışdır.

Ədəbi yaradıcılığa 1953-cü ildə universitetin "Lenin tərbiyəsi uğrunda" qəzetində çıxan oçerk və hekayələri ilə başlamışdır. Onun "Ananın məktubu" hekayəsi 1956-cı ildə "Azərbaycan gəncləri" qəzetində dərc edilmişdir. Bundan sonra oçerk, hekayə, roman, pyes və ssenari sahəsində fəaliyyət göstərmişdir.

Onun "Skripkanın qayıtması", "Həyat, söylə sən kiminsən?", "Leyla və onun dostları" ssenarilərınə telefılm çəkilmiş, "Qayğı", "Səməndər quşu", "Cırtdanın sərgüzəştləri", "Xoruz" pyesləri səhnəyə qoyulmuşdur. Medalla təltif olunmuşdur (1970). 1995-ci il oktyabrın 16-da Bakıda vəfat etmişdir.

Əsərləri

1. Qayıq dənizə çıxır. Bakı: Uşaqgəncnəşr, 1961, 84 səh.
2. Qardaşlar. Bakı: Gənclik, 1967, 89 səh.
3. Səni düşünürəm. Bakı: Azərnəşr, 1970, 100 səh.
4. İldırım dənizə çaxır. Bakı: Gənclik, 1975, 325 səh.
5. İldırım ömrü. Bakı: Gənclik, 1981, 303 səh.
6. Mən uşaq olmamışam. Bakı: Gənclik, 1985, 324 səh.
7. Skripkanın sərgüzəşti. Bakı: Gənclik, 1988, 176 səh.

Filmoqrafiya

1. Həyat, sən kiminsən? (film, 1972)
2. İşarəni dənizdən gözləyin (film, 1986)
3. Quzu (film, 1967)
4. Leyla və onun dostları (film, 1971)
5. Skripkanın sərgüzəşti (film, 1972)
6. Ülviyyənin mahnıları (film, 1973)