Rövşən Muradov
| Rövşən Muradov | |
|---|---|
| Rövşən Təyyar oğlu Muradov | |
 | |
| Doğum tarixi | |
| Doğum yeri | Canhəsən, Xankəndi, Azərbaycan SSR, SSRİ |
| Vəfat tarixi | (39 yaşında) |
| Vəfat yeri | Qazax, Azərbaycan SSR, SSRİ |
| Vəfat səbəbi | avtomobil qəzası |
Muradov Rövşən Təyyar oğlu (22 mart 1949 – 15 avqust 1988, Xankəndi, Canhəsən) — 1988-ci ildə Şuşa prokuroru.
Həyatı
Rövşən Muradov 22 mart 1949-cu ildə Xankəndi rayonunun Canhəsən kəndində anadan olmuşdur. Kosalar kəndi 8 illik orta məktəbi bitirmişdir. Məktəbdə bütün sahələr üzrə nümunəvi şagird olmuş, məktəb tədbirlərində və ictimai işlərdə fəal iştirak etmişdir. 1964-cü ildə Şuşa Pedaqoji Texnikumuna daxil olmuşdur. 1968-ci ildə yüksək göstərici ilə oranı bitirmişdir. Cəmilli kənd məktəbinə təyinat almış, bir neçə il orada işlədikdən sonra Azərbaycan Dövlət Universitetinin Hüquq fakültəsinə daxil olmuşdur. Universitetdə təhsilini bitirdikdən sonra bir müddət Xankəndində müstəntiq vəzifəsində çalışmışdır. 1988-ci ildə ermənilərin Dağlıq Qarabağı işğal etmək iddiaları qızışdığı dönəmdə Şuşaya prokuror təyin edilmişdir. Amma icra aparatı ilə aralarında olan narazıçılıq səbəbi ilə iş yeri dəyişdirilmiş və o, Qazaxa təyinat almışdır.
1988-ci il avqustun 15-i səhər saat 6-da evdən çıxaraq Qazaxa yola düşmüş, Qazaxa çata-çatda qəzaya uğrayaraq dünyasını dəyişmişdir.
3 övladı qalmışdır.