Mustafa Miyasoğlu
Bu səhifədə iş davam etməkdədir. |
Mustafa Miyasoğlu | |
---|---|
Mustafa Miyasoğlu | |
Təxəllüsü | Semih Güngör |
Doğum tarixi | |
Doğum yeri | Türkiyə, Kayseri |
Vəfat tarixi | (67 yaşında) |
Vəfat yeri | İstanbul |
Dəfn yeri | Əyyubsultan qəbristanlığı |
Milliyyəti | Türk |
Təhsili | İstanbul Universiteti, filologiya fakültəsi |
Fəaliyyəti | müəllim, tədqiqatçı, yazıçı |
Əsərlərinin dili | türkcə |
Janrlar | Roman, hekayə, şeir, esse, səyahətnamə, biyoqrafik əsər, elmi-publisistik məqalə, tədqiqat |
İlk əsəri | "Röya çağrışı" şeirlər toplusu |
Tanınmış əsərləri | "Kaybolmuş günlər, "Ölüm gözəl şey" romanları, "Nəcib Fazil Qısakürək ərməğanı" adlı tədqiqat əsəri |
Üzvlüyü | Türkiyə Yazıçılar Birliyinin üzvü |
Mustafa Miyasoğlu (14.08.1946-01.08.2013) — türkiyəli yazıçı, şair, dramaturq, tədqiqatçı
Həyatı
14 avqust 1946-cı ildə Kayseridə dünyaya göz açan Mustafa Miyasoğlu[1] ilk təhsilini burada almış, daha sonra İstanbul Universitetinin filologiya fakültəsinə daxil olmuşdur. 1974-cü ildən müxtəlif təhsil qurumlarında ədəbiyyat fənnini tədris edən yazıçı 1985-ci ildən Mimar Sinan Universitetində, Modern Dillər İnstitutunda (Pakistanda) pedagoji fəaliyyətlə məşğul olmuş, 1996–1998-ci illərdə "Şəhər teatr repertuar" qurumunda fəaliyyət göstərmişdir. Mustafa Miyasoğlu 1 avqust 2013-cü ildə dünyasını dəyişdirmiş, vəsiyyətinə görə ustadı Nəcib Fazil Qısakürəkin məzarının yaxınlığında Əyyub məzarlığında dəfn olunmuşdur.
Fəaliyyəti
Yazıçı, dramaturq, tədqiqatçı Mustafa Miyasoğlu publisistika ilə də məşğul olmuş, 1968-ci ildən bir çox jurnallarda elmi-publisistik məqalələr yazmış, türk ədəbiyyatının problemləriylə bağlı diskussiyalarda fəal iştirak etmiş, "Milli gənclik", "Yeni sənət", "Sedir" jurnallarında redaksiya heyətinin üzvü kimi fəaliyyət göstərmişdir. Ədəbiyyat aləminə şeirlə gələn Mustafa Miyasoğlu "Hisar", "Türk ədəbiyyatı", "Ədəbiyyat", "Mavera", "Milli gənclik", "Yeni sənət", "Yeni dövr", "Vaxt", "Hərəkət", "Tarix və düşüncə" kimi müxtəlif qəzet və jurnallarda şeirləri, kiçik hekayələri və elmi-publisistik yazıları dərc olunmuşdur. -Bilim O, "Suffə" nəşrlərini quraraq Suffe Mədəniyyət və incəsənət illik kitabının beş cildini (1982-88) nəşr etdirmişdi. Mustafa Miyasoğlu radio və televiziya proqramlarında iştirak etmiş, türk ədəbiyyatı ilə bağlı geniş tədqiqatlar aparmış, antologiyalar hazırlayıb təqdim etmişdir. O, şair, nasir kimi əsasən romanlarıyla şöhrət qazanmış, Türkiyə Yazıçılar Birliyi tərəfindən müxtəlif vaxtlarda iki dəfə "İlin romançısı" adına layiq görülmüşdür.
Əsərləri
Şeir kitabları
|
Hekayələri
- Keçmiş zaman aynası(1976)
- Pancur (1998)
- Devrim avtomobili (1982)
Mükafatları
- 1975-ci ildə "Kaybolmuş Günler" romanı Türkiyə Milli Mədəniyyət Vəqfi Ərməğanına layiq görülmüşdür.
- 1980-ci ildə "Dönəməc" romanı Türkiyə Yazıçılar Birliyi tərəfindən "İlin romançısı" mükafatına layiq görülmüşdür.
- 1981-ci ildə "Hicrət Dastanı" adlı şeir kitabı Türkiyə Milli Mədəniyyət Vəfqi tərəfindən mükafata layiq görülmüşdür.
- 1995-ci ildə "Bir Aşk Serüveni" adlı əsəri "İlin romançısı" mükafatına layiq görülmüşdür.