Şaban oğlu Şaban (film, 1977)

Vikipediya, azad ensiklopediya
Jump to navigation Jump to search
Şaban oğlu Şaban
türk. Şabanoğlu Şaban
Janr Komediya
Rejissor Ertem Əyilməz
Ssenari müəllifi Sadıq Şəndil
Baş rollarda
İstehsalçı

Ertem Əyilməz

Nahid Ataman
İlk baxış tarixi 1 dekabr 1977
Rəng Rəngli
Ölkə Türkiyə
Dil Türkcə
İl 1977
IMDb ID 0253614

Şaban oğlu ŞabanKamal Sunalın canlandırdığı "Şaban" obrazı üzərində 1977-ci ildə yazılan və çəkilən türk filmi. Rejissoru Ertem Əyilməzdir.[1] Film 1977-ci ilin dekabrında nümayiş olundu.[2]

Mövzu[redaktə | mənbəni redaktə et]

Şaban komandiri Hüsaməddini tez-tez yaralayan və orduda hər cür yöndəmsizlik edən əskərdir. Əskərlikdən sonra əskər yoldaşı Ramazanla birlikdə əyləncə məkanında çalğıçılıq edir. Sonrasında Şabanla Ramazan işlədikləri əyləncə məkanında kanto çalan Nigara aşiq olurlar. Bundan xəbər tutan Nigarın məşuqu Kadırqalı Əşrəflə böyük problem yaşayırlar. Amma təsadüfən onun öhdəsindən gəlirlər. Mülki həyatda polis olan Hüsaməddinin və polis təşkilatının aylardır tuta bilmədikləri Kadırqalı Əşrəfi tutduqları üçün Hüsaməddinin qayınatası olan Nazır paşanın gizli polisi olurlar. Sonrasında Nazır paşa onlara bacısının itən almazını tapma işini tapşırır.

Personajlar[redaktə | mənbəni redaktə et]

  • ŞabanKemal Sunal: sadəlövh, yöndəmsiz əskər. Ramazanla çox yaxşı dostluğu var. Filmin əsas personajıdır.
  • RamazanXalid Ağcatəpə: Şabanın ən yaxın dostu. Şabandan daha ağıllı, ayıq əskərdir
  • Kamandir HüsaməddinŞənər Şən: Şaban və Ramazanın komandiri, mülki həyatda polis, Nazır paşanın kürəkəni. Həmişə Şabana görə yaralanıb.
  • Bibi, Toyuq xalaAdile Naşit: Nazır paşanın toyuq kimi qaqqıldayan bacısı. Hində saxladığı almazı itirmişdir. Əslində isə onu Nazır paşa oğurlayıb.
  • Nazır paşa, Sıtqı ata — Sıtkı Ağcatəpə: Toyuq xalanın yaşca böyük qardaşı. Şaban və Ramazana gizli polis işi vermişdir.
  • SafinazAyşən Qruda: Şabana aşiq olan Nazır paşanın ən balaca qızı.
  • Nigar — Aybən Ərman: musiqiçidir. Hüsaməddin, Şaban və Ramazan onu dəli kimi sevirlər. Məşuqu Kadırqalı Əşrəfdir.
  • Kadırqalı Əşrəf — Dinçər Çəkməz: psixopatdır, insanları bıçaqlamaqdan həddən artıq zövq alır. Polis rəisi Hüsaməddin onu tuta bilməsə də, Şabanla Ramazan tutur.
  • Səlma — Sevda Aktolqa: Nazır paşanın evində xidmətçidir. Şaban və Ramazan həm ona, həm də Nigara aşiq olurlar.
  • Binnaz — Sevil Üstəkin: Hüsaməddinin arvadı, Nazır paşanın ortancıl qızı.
  • Yunus kapitan — Şövkət Altuğ: söhbətləri çox uzadan, buna görə də Şabanla Ramazanın başına bəla olan Nazır paşanın digər kürəkəni.
  • Yunus kapitanın arvadı — Gülər Öztən: Nazır paşanın ən böyük qızı. Ramazana almazı Binnazın oğurladığı deyir. Buna görə də Binnaz ona çox əsəbləşmişdi. Həm də çox qeybətcildir.
  • Nəşət — Nəcdət Yaxın: Nazır paşanın qardaşı. Gözləri çox zəif görür və tez-tez qadınları narahat edir. Həm də Səlmaya aşiqdir.
  • Sünnətçi Sumrullah Canyakmaz — İhsan Yüce: Şabanı sünnət etmək üçün çağırılan sünnətçi.
  • Polis — Ergin Orbey: Hüsaməddin tərəfindən səhvən öldürüldü.

İstinadlar[redaktə | mənbəni redaktə et]