Şahin Mustafayev

Şahin Mustafayev
Şahin Mustafayev
Azərbaycan Respublikası Baş nazirinin müavini
	Vəzifədədir
	22 oktyabr 2019-cu ildən
Azərbaycan Stolüstü Tennis Federasiyasının prezidenti
	Vəzifədədir
	2013-cü ildən
Əvvəlki	İsmət Abbasov
Azərbaycan Respublikasının iqtisadiyyat naziri
	15 yanvar 2016 – 22 oktyabr 2019
Əvvəlki	vəzifə təsis edilib
Sonrakı	Mikayıl Cabbarov
Azərbaycan Respublikasının iqtisadiyyat və sənaye naziri
	22 oktyabr 2013 – 15 yanvar 2016
Əvvəlki	vəzifə təsis edilib
Sonrakı	vəzifə ləğv edilib
Azərbaycan Respublikasının iqtisadi inkişaf naziri
	31 oktyabr 2008 – 2013
Əvvəlki	Heydər Babayev
Sonrakı	vəzifə ləğv edilib
Şəxsi məlumatlar
Doğum tarixi	13 iyun 1965 (60 yaş)
Doğum yeri	Cucevan, Noyemberyan rayonu, Ermənistan SSR, SSRİ;
Partiya	Yeni Azərbaycan Partiyası;
Təhsili	Ermənistan Dövlət İqtisad Universiteti,; Azərbaycan Dövlət İqtisad Universiteti;
Fəaliyyəti	siyasətçi
Təltifləri
	Vikianbarda əlaqəli mediafayllar

Şahin Abdulla oğlu Mustafayev (13 iyun 1965, Cucevan, Noyemberyan rayonu) — Azərbaycan iqtisadçısı və siyasi xadimi, Azərbaycan Respublikası Baş nazirinin müavini (2019-cu ildən), Azərbaycan Respublikasının iqtisadiyyat naziri (2008–2019), Tarif Şurasının sabiq sədri, Azərbaycan Stolüstü Tennis Federasiyasının prezidenti.

Həyatı və fəaliyyəti

Şahin Abdulla oğlu Mustafayev 1965-ci ildə Ermənistan SSR Barana (Noyemberyan) rayonunun Cucevan kəndində anadan olub. 1989-cu ildə M. Voznesenski adına Maliyyə-İqtisad İnstitutunun Bakı filialını bitirib. 1990–1991-ci illərdə Bakı Baş Tikinti İdarəsində baş mühasib işləyib.

1991–1992-ci illərdə "Spektr" kiçik müəssisəsində baş mühasib, 1992–1999-cu illərdə Nəsimi rayonu üzrə Dövlət Vergi Müfəttişliyində dövlət vergi müfəttişi, böyük dövlət vergi müfəttişi, baş dövlət vergi müfəttişi və şöbə rəisi olub.

1999–2000-ci illərdə Baş Dövlət Vergi Müfəttişliyində İqtisadi Təhlil, Uçot, Hesabat və Vergi Daxilolmalarının Proqnozlaşdırma İdarəsində şöbə rəisi, 2000–2003-cü illərdə AR Vergilər Nazirliyinin İqdisadi Təhlil və Uçotun Təşkili İdarəsinin rəis müavini, rəisi, 2003–2005-ci illərdə AR Dövlət Neft Şirkətində mərkəzi mühasibatlığın baş mühasibi, İqtisadiyyat və Uçot İdarəsinin, 2005–2006-cı illərdə Azərbaycan Respublikası Dövlət Neft Şirkətinin iqtisadi məsələlər üzrə vitse-prezidenti, 2006–2008-ci illərdə Azərbaycan Respublikası vergilər nazirinin birinci müavini vəzifələrində işləyib.

2008–2013-cü illərdə Azərbaycan Respublikasının iqtisadi inkişaf naziri, 2013–2016-cı illərdə isə Azərbaycan Respublikasının iqtisadiyyat və sənaye naziri vəzifələrində çalışmışdır.

Azərbaycan Respublikası Prezidentinin 15 yanvar 2016-cı il tarixli Sərəncamı ilə Azərbaycan Respublikasının iqtisadiyyat naziri təyin edilmişdir.

Azərbaycan Respublikası Prezidentinin 23 oktyabr 2019-cu il tarixli Sərəncamı ilə Azərbaycan Respublikası Baş nazirinin müavini təyin edilmişdir.

2020-ci ildə Azərbaycan Respublikasının iqtisadi inkişafında xüsusi xidmətlərinə görə "Şöhrət" ordeni ilə təltif edilib.^[1]

Azərbaycan Respublikası Prezidentinin 12 iyun 2025-ci il tarixli Sərəncamı ilə Azərbaycan Respublikasının sosial-iqtisadi inkişafında uzunmüddətli səmərəli fəaliyyətinə görə 1-ci dərəcəli "Vətənə xidmətə görə" ordeni ilə təltif edilib.

Azərbaycan Stolüstü Tennis Federasiyasının prezidentidir. Yeni Azərbaycan Partiyasının üzvüdür.

Ailəlidir, 3 övladı var.

İstinadlar

↑ "Ş.A.Mustafayevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 22 sentyabr 2021 tarixində arxivləşdirilib. İstifadə tarixi: 12 iyun 2020.

[1] "Ş.A.Mustafayevin "Şöhrət" ordeni ilə təltif edilməsi haqqında Azərbaycan Respublikası Prezidentinin Sərəncamı". 22 sentyabr 2021 tarixində arxivləşdirilib. İstifadə tarixi: 12 iyun 2020.

[1]