Şamaxı Ensiklopediyası
| Şamaxı Ensiklopediyası | |
|---|---|
 Şamaxı Ensiklopediyasının logosu | |
| Orijinalın nəşr ili | 2015 |
Şamaxı Ensiklopediyası — Şamaxının millət vəkili Elxan Süleymanovun təşəbbüsü ilə hazırlanmış ensiklopediya. Ensiklopediya www.elkhan-suleymanov.az saytının layihəsidir.[1][2]
Haqqında
[redaktə | vikimətni redaktə et]Ensiklopediya Şamaxının təbiətindən, tarixindən, ictimai-siyasi, sosial-iqtisadi və mədəni həyatından bəhs edir. Burada Azərbaycanın bu qədim diyarına həsr olunmuş oçerklərlə yanaşı, rayonun bütün inzibati-ərazi vahidləri, fiziki-coğrafi obyektləri, geoloji quruluşu, yeraltı və yerüstü təbii sərvətləri haqqında da məqalələr verilib. Şamaxı ensiklopediyasına bu bölgənin tarix boyu xalqımıza bəxş etdiyi görkəmli şəxsiyyətlərin – dövlət, ictimai və siyasi xadimlərin, sərkərdələrin, xalq, müharibə və əmək qəhrəmanlarının, alim və mütəfəkkirlərin, şair, yazıçı, memar, rəssam, musiqiçi, aktyor və digər sənət adamlarının həyat və fəaliyyətindən, yaradıcılığından bəhs edən tərcümeyi-halları daxil edilib.
Elmi redaksiya şurasının təsdiq etdiyi prinsiplər əsasında həmçinin, Azərbaycan Respublikasının fəxri adlarına layiq görülmüş digər tanınmış şəxslər haqqında da məqalələr verilib.
Təqdimatı
[redaktə | vikimətni redaktə et]2015-ci il may ayının 15-də Şamaxı şəhər İncəsənət Təhsil Mərkəzində "Şamaxı ensiklopediyası" (www.shamakhi-encyclopedia.az) saytının təqdimatı olub. Tədbirdə rayon rəhbərliyi, alim və ziyalılar, ictimaiyyət nümayəndələri iştirak ediblər.[3][4]
2015-ci il oktyabr ayının 26-da Şamaxı şəhərində "Şamaxı ensiklopediyası" kitabının təqdimatı keçirilib.[5]
Yaradıcı heyəti
[redaktə | vikimətni redaktə et]Ensiklopediyanın yaradıcı heyətinin rəhbəri siyasi elmlər üzrə fəlsəfə doktoru Fuad Babayevdir.[3]
Seriyaları
[redaktə | vikimətni redaktə et]- Şamaxı ensiklopediyası [Mətn] /ideya müəl. və naşir E. Süleymanov ; baş red. F. Babayev. Bakı: [Şərq-Qərb], 2015. 430 s.
Həmçinin bax
[redaktə | vikimətni redaktə et]İstinadlar
[redaktə | vikimətni redaktə et]- ↑ "Şamaxının millət vəkili Elxan Süleymanovun təşəbbüsü ilə "Şamaxı ensiklopediyası" hazırlanır" (az.). elkhan-suleymanov.az. 27 oktyabr 2014. 5 mart 2016 tarixində orijinalından arxivləşdirilib. İstifadə tarixi: 22 iyun 2015.
- ↑ Asif. ""Şamaxı Ensiklopediyası" hazırlanır". publika.az (az.). 15 iyul 2015. 8 sentyabr 2022 tarixində arxivləşdirilib. İstifadə tarixi: 10 iyun 2024.
- ↑ 1 2 ""Şamaxı ensiklopediyası" saytının təqdimatı oldu" (az.). 1905.az. 15.05.2015. 2022-01-28 tarixində arxivləşdirilib. İstifadə tarixi: 2015-06-22.
- ↑ ""Şamaxı ensiklopediyası" saytının təqdimat mərasimi keçirilmişdir". shamaxi-ih.gov.az (az.). 3 avqust 2022 tarixində arxivləşdirilib. İstifadə tarixi: 10 iyun 2024.
- ↑ ""Şamaxı ensiklopediyası" çapdan çıxıb". Qafqazinfo (az.). 23 noyabr 2015. 10 iyun 2024 tarixində arxivləşdirilib. İstifadə tarixi: 10 iyun 2024.
Mənbə
[redaktə | vikimətni redaktə et]- Əlikram Abdullayev, Məcid Əfəndiyev. "Şamaxı haqqında dəyərli nəşr". www.anl.az/Xalq qəzeti. 23 yanvar 2016. İstifadə tarixi: 10 iyun 2024.