İstifadəçi:Wertuose/Wikimania 2012

İstifadəçi

Müzakirə

Mükafatlarım

Fəaliyyətlərim

Tədbirlərdə iştirak

Hörmətli Vikipediya istifadəçiləri, Bildiyiniz kimi builki, sayca səkkizinci Vikimaniya konfransı ABŞ-ın paytaxtı Vaşinqton şəhərində, 12-14 iyul tarixləri arasında keçirilmişdir. Konfransda az-vikini təmsil etmək üçün etdiyim müraciət Vikimediya Fondu tərəfindən müsbət cavablandırılmış və mənim yol və yataq xərclərim Fond tərəfindən ödənilmişdir. Amma çox təəssüf edirəm ki, Vikipediyanın necə böyük və ciddi bir layihə olduğunu əyani göstərən bu konfransa Azərbaycandan yalnız 1 nəfər seçilmişdir. Halbuki məqalə sayı bizdən 10 dəfə az olan və perspektivi görünməyən bəzi xırda Vikipediyalardan 2 nəfər dəvət olunması hallarının şahidi oldum. Ümid edirəm ki, gələn il müraciət edən istifadəçilərimiz bu məsələyə diqqəti çəkib az-vikinin daha geniş tərkibdə təmsil olunmasına nail ola bilərlər. Bu səhifədə konfransın təşkili ilə bağlı yadda qalan məqamları və iştirak etdiyim təqdimatlardan qeydə aldıqlarımı bölüşmək istəyirəm. Sizi maraqlandıran sualları da bu səhifədə verə bilərsiniz. Konfransın açılış və bağlanış mərasimləri, həmçinin təqdimatlar Corc Vaşinqton Universitetinə aid 2 binada keçirildi. Konfransda geniş spektri əhatə edən mövzularla bağlı təqdimatlar oldu və bütün təqdimatlar videoya çəkildiyi üçün yaxın vaxtlarda onların hamısını internetdən izləmək mümkün olacaq. Mənim iştirak etdiyim təqdimatlar faylların lisenziyalaşdırması, dillər, italyan Vikipediyasının ötənilki könüllü bloklanması, özbək vikisinin Özbəkistanda bloklanması, tarix mövzusunda məqalələr, mobil telefonlardan Vikipediyanı redaktə etmə funksiyasının tətbiqi və maraqlı gələn bəzi digər təqdimatlar idi. Bu təqdimatların demək olar ki, hamısı adi istifadəçilər tərəfindən edildiyi üçün, onların bir çoxu daxili problemlərin önə çəkilməsindən və əksər hallarda həmin problemin necə həll edilə biləcəyi barədə məlumatlardan yox, necə həll edilə biləcəyi barədə zala verilən suallardan ibarət idi. Məsələn, özbək Vikipediyasının blokunun açılması, kiçik Vikipediyalarda mənbələrsiz məqalələrin yaradılmasının mümkünlüyü, faylların lisenziyalaşdırılması zamanı ortaya çıxan problemlər və ikili yanaşma problemi və s. Konfransda iştirak edən Vikipediyaçılar arasında məndən əlavə 3 türk, 2 qırğız, 2 qazax, 2 özbək və 1 Cənubi Azərbaycan təmsilçisi olduğunu nəzərə alaraq, türkdilli Vikipediyaların görüşünü keçirmək istəsək də, xəbər verdiyimiz şəxslərin bir çoxu görüşə gəlmədilər və məndən əlavə türklərin, cənublu soydaşımızın və özbək istifadəçilərdən birinin iştirak etdiyi mini-görüş keçirməli olduq. Görüşdə türk vikisində az-vikini maraqlandıran bəzi suallara cavab ala bildim, həmçinin türk vikisində aktiv istifadəçilərdən birinin bloklanmasının səbəbləri, özbək vikisinin problemləri və Cənubi Azərbaycanda "Fars (Kəngər) körfəzi" adı ilə bağlı məsələ müzakirə edildi. İyulun 14-də konfransın bağlanış mərasimi keçirildi və iştirakçıların kollektiv şəkli çəkildi. Bağlanış mərasimində növbəti ildə Vikimediya Fondunun əsas hədəfləri qeyd olundu. Belə ki, 2012-ci ilin dekabrında en-viki istifadəçiləri üçün vizual redaktorun tətbiqi, istifadəçilər üçün məlumatlar (mesajlar, bildirişlər), Hindistan, Braziliya, Orta Şərq və Şimali Afrikaya diqqətin artırılması, qrantlar, qlobal təhsil layihəsi, telefondan redaktə etmə və mediya-faylların yüklənməsi imkanları, saytın sürətinin artırılmasının planlaşdırıldığı qeyd olundu. Həmçinin, növbəti il Vikimaniya konfransının keçiriləcəyi Honkonq şəhərinin təqdimatı oldu. Bundan əlavə, verilən məlumata görə builki konfransda 89 ölkədən 1400 nəfər iştirak etmişdir. Konfrans barədə deyə biləcəklərim bu qədər. Suallarınız varsa, buyurun.--Wertuose (talk) 20:46, 25 iyul 2012 (UTC) “Kiçik Vikipediyalarda mənbələrsiz məqalələrin yaradılmasının mümkünlüyü” ilə nə nəzərdə tutulur, məncə Azvikinin özünü “kiçik Vikipediya” hesab etməyə haqqı yoxdur, 40 milyondan artıq azəbaycanlı var, ancaq Azvikidə də nə qədər istəsəniz mənbəsiz məqalə var. Deməli belə bir hala icazə verilsə biz avtomatiki olacağıq “kiçik Vikipediya”? Cənubi Azərbaycanda "Fars (Kəngər) körfəzi" adı ilə bağlı məsələ müzakirəsi necə oldu, burada iddia olunur ki, cənubda məhz "Kəngər körfəzi" adlanır. --Melikov Memmed⇒email 09:22, 31 iyul 2012 (UTC) Həmin prezentasiya bəzi Afrika dillərdindəki kiçik Vikipediyalarla bağlı idi. "Mənbələrsiz" ona görə ki, həmin dillərdə elmi ədəbiyyat yoxdur, bir çox yerli adət-ənənələrlə bağlı isə ümumiyyətlə kitab yazılmayıb və heç bir saytda məlumat yoxdur. Belə olan hallarda həmin məsələlərlə bağlı mənbə göstərmədən məqalə yaradılmasına, həmçinin ingilis vikisində də həmin məsələlərlə bağlı mənbə göstərilmədən redaktələr edilməsinə icazə verilməsi xahiş olunurdu. Amma nəzərə alsaq ki, Vikimaniya konfransı prezentasiyalardan ibarətdir və orada heç bir qərar qəbul edilmir, onda bu məsələnin elə təklif kimi həmin otaqda qaldığını demək olar. Sadəcə istifadəçilərin diqqətini bu məsələyə cəlb etdilər. Wertuose (talk) 20:54, 31 iyul 2012 (UTC) Suallarım Vikitətilə çıxmamışdan öncə sizə neçə sual vermək istəyirdim (Bu səhifənizi indi oxudum). Ümüd edirəm cavab yazacaqsınız: 1- Güneydən konfıransa qatılan istifadəçi kimidi? 2-Və Kəngər körfəzi barədə sizə nələr deyildi və siz nələr dediniz? 3-Və bu sual-cavablar sizin etdiyiniz redaktələrdə [1] [2] [3] necə təsir qoydu? Hörmətlə--Əmir İbrahimi *danışıq* 06:57, 14 avqust 2012 (UTC) Salam. Konfransa qatılan istifadəçilər barədə məlumat gizli deyil. Həmin şəxs az-vikinin adından yox, Meta-Vikinin stüardı olaraq qatılmışdı və istifadəçi adı "Mardetanha"dır. Cənubda yaşayan biri olaraq o bu körfəz üçün "Kəngər körfəzi" adından geniş istifadə edilmədiyini bildirdi və zənnimcə bu heç də səhv məlumat deyil, çünki bu barədə təkcə ondan yox, bir neçə başqa şəxsdən də eşitmişəm. Redaktələrimə gəldikdə isə, həmin redaktələrin hər biri qaydalar əsasında edilib. Nə qədər ki, siz öz fikirlərinizi elmi mənbələrlə sübuta yetirməmisiniz və yalnız bəzi şəxsi saytlara və tərəfli xəbər agentliklərinə istinad edirsiniz, həmin müddətcə məqalənin adının dəyişilməsi təbii ki, qaydalara görə düzgün deyil. Wertuose (talk) 07:12, 14 avqust 2012 (UTC) Sizin etdiyiniz redaktə(Kəngər körfəzi məqaləsi mühafizə olunmağına baxmayaraq onun adın dəyişmək)Vikipediya:Kənd meydanı#Wikimania 2012 yazdıqlarınızla eyni zamandadır. Mən orda sizə belə yazmışam: Yaxşı olardı qayda-qanunsuz redaktə əvizinə elə xəbərinizi yazmağa qinaət edərdiz. Çünku siz bu bəhsdə iştirak etməyibsiniz və əlbətdə bəhs etmədən yanlış bir redaktə etmisiniz. Bunları bir-birinin yanına qoyanda belə nəzərə gəlir ki sizin redaktəniz hansısa vikidən xaricdə aldığınız təsirlər altında ola bilər. İran dövlətinin bu barədə geniş fəaaliyyətlərin nəzərdə tutanda vəziyyətin daha mürəkkəb olmağıda nəzərdə tutula bilər. --Əmir İbrahimi *danışıq* 07:24, 14 avqust 2012 (UTC) Həmçinin burda fa:بحث کاربر:Mardetanha#ایرانی آذری həmin dediyiniz Güneylinin müzakirə səhifəsində Kəngər barəsində gedən bəhs və bu barədə nələr edilməsi barədə maraqlı söhbət gedib. Bütün bunları bir-birinin yanında qoyunda görünürki siz öz ixtiyaratınızdan istifadə etməkdə böyük bir yanlışlıqlığa yol veribsiniz. Hörmətlə--Əmir İbrahimi *danışıq* 07:43, 14 avqust 2012 (UTC) Bu səhifə "Vikimaniya 2012" konfransına həsr olunub. Ona görə də xahiş edirəm ki, idarəçilərimizin hamısını artıq neçə ildir ki, bezdirmiş bu mənasız "Fars körfəzi-Kəngər körfəzi" müzakirənizi bu səhifədən kənarda aparın. Hər halda mənim dünyagörüşüm mənə kifayət edir ki, belə məsələlərdə kiminsə fikrinə əsasən yox, obyektiv hesab etdiyim şəkildə qərar verim. Gördüyünüz kimi, bu məsələdə digər idarəçilər də həmrəydirlər. Wertuose (talk) 07:47, 14 avqust 2012 (UTC) Bu məsələ bezdirici olsada çox önəmli bir məsələdir. Onu bir konfransda eşiddiyiniz əsasında həll etmək böyük yanlışlıqdır. Siz onun həllin obiri idarəçilərə tapşırmalıydınız. İndidə sizə belə məsləhət görürəm ki redaktələrinizi geri qaytarıb, tərəfsiz bir idarəçinin rəyin gözləyəsiz. Mən neçə həftə bundan qabaq bunun üçün müraciət etmişəm və ümüd edirən yaxın gələcəkdə qərar veriləcəkdir. --Əmir İbrahimi *danışıq* 07:55, 14 avqust 2012 (UTC)