Liççavi Thaukri
| Liççavi Thaukri | |
|---|---|
| Doğum yeri | Nepal |
Liççavi Thaukri — Dünyanın ən çoxərli arvadı. Onun 126 əri var.
Liççavi Thaukri Nepalın şimalındakı bhoti tayfasının mənsublarının yaşadığı Manasladahatan qəsəbəsinin yerli sakinidir.
42 yaşlı Liççavi Thaukrinin 126 əri var. Özü də həmin kişilərin hamısı xanım Liççavinin qanuni ərləridir. 126 kişi ilə eyni vaxtda nikahda olan xanımın dediyinə görə, həyatında qeyri-adi heç nə görmür: «Əlbəttə, bizdə iki və ya üç qardaşın bir qadınla evlənməsi geniş yayılıb. Mən də 14 yaşımda ilk dəfə ərə gedəndə 4 qardaşa verilmişdim. Sonra onlar qərara gəldilər ki, əkin sahəlrmiiz artırmaq gərəkdir və buna görə də az qala hər həftə bir kişi ilə evləndirilirdim. İndi o kişilərin hamısı ərlərimdir».
Bu vəziyyətin əsas səbəbi odur ki, Nepal dağlıq ölkədir və burada əkin üçün yararlı sahələr çox azdır. Bu səbəbdən də oğullarını evləndirən ata əkin sahəsini qardaşlar arasında bölüb parçalamaq istəmir, qardaşların hamısına bir arvad alır. Beləcə, ailənin əkini hərəsi bir ailə qura biləcək qardaşlar arasında bölünməkdən «qurtulur».
Yerli adət-ənənəyə görə, qadın ikidən artıq kişi ilə ailə həyatı qurursa və onlarla eyni vaxtda nikahda olursa, həmin qadının bir uşaqdan artıq övladı ola bilməz. Bu səbəbdən də 126 əri olan Liççavinin bir oğlu var. O, durumundan razıdır. «Ərlərim mənə yaxşı baxırlar və hamısı ilə də münasibətim əladır. Doğrudur, cinsi həyatda bir az problemlər olur. Məsələn, onların arasında «gecə növbəsi» üstündə bəzən dava düşür. Axı mən tək, onlar 126 nəfərdir. Oğlum Mauryev də 126 atasının olmasında əcaib heç nə görmür. Hələ «Mahabharata»da deyilib ki, Pandav qardaşlarının - onlar isə beş nəfərdi – yalnız bir, Draupadi adlı arvadı vardı. Mən Draupadi deyiləm, amma həyatımdan da narazı deyiləm. Bayramlarda 126 nəfərdən hədiyyə almağın ayrı ləzzəti var», - Liççavi Thaukri deyir.
15 ər Liççavi ilə eyni qəsəbədə yaşayır. 56 nəfər qonşu kənddə, 45 nəfər 15 km aralıdakı kənddədir. Yerdə qalanlar isə Manasladahatan ətrafındakı kiçik kəndlərin sakinləridir.
Həmçinin bax
[redaktə | vikimətni redaktə et]Mənbə
[redaktə | vikimətni redaktə et]- Dünyanın ən çoxərli arvadı Arxivləşdirilib 2010-11-14 at the Wayback Machine