Hastinqsit

Hastinqsit
Ümumi məlumatlar
Kateqoriya	Mineral
Formul (təkrarlanan vahid)	NaCa₂(Fe²⁺₄Fe³⁺)(Si₆Al₂)O₂₂(OH)₂
Strunz təsnifatı	VIII/D.05c
Vikianbarda əlaqəli mediafayllar

Hastinqsit — monoklinik sinqoniya. Rast gəlmə tezliyi şkalası: çox da tez-tez rast gəlməyən.

Növ müxtəliflikləri

FeO:MgO < 0,5 olduqda – maqneziohastinqsit; 0,5–2 – femahastinqsit; > 2 – ferrohastinqsit; daşkəsənit (xlorferrihastinqsit, ~ 7,2 % Cl) – (Na, K) Ca₂ Fe₃²⁺ Mg Fe³⁺ (OH,Cl)n [Al₂Si₆ O₂₄-n].

Xassələri

Rəng – yaşıl, göyümtül-yaşıl, yaşılımtıl-qəhvəyi; qəhvəyi, tünd-göy, qara; Parıltı – şüşə parıltısından yarımmetal parıltısınadək; Sıxlıq – 3,12–3,27; Sərtlik – 5–6; Ayrılma – {110} üzrə mükəmməl, bəzən {010} üzrə; Morfologiya – kristallar: sütun — və iynəvari; İkiləşmə: tez-tez müşahidə olunur; Mineral aqreqatları: dənəvər.

Mənşəyi və yayılması

Nefelinli siyenitlər üçün səciyyəvidir. Həmçinin qranodioritlərdə, kvarsdioritlərdə və dioritlərdə qeyd edilir. Mineralın kontakt-metasomatik əmələgəlmələri skarnlarda bəzən iri yığınlar əmələ gətirir. Mineralın tapıldığı yerlər: Hastinqs dairəsi (Kanada); Kola yarımadası (Rusiya). Daşkəsən rayonunun skarnlarında hastinqsitin Azərbaycandakı eyniadlı məşhur dəmir filizi yatağında tapıldığına görə daşkəsənit adlandırılan növ müxtəlifliyi geniş yayılmışdır.

Mənbə

• Azərbaycan mineralları. Bakı: Nafta-Press, 2004.

Xarici keçidlər

• THE HASTINGSITE MINERAL GROUP