Bağırsaq lyambliyası
| Bağırsaq lyambliyası | ||||||
|---|---|---|---|---|---|---|
 | ||||||
| Elmi təsnifat | ||||||
|
Domen: Ranqsız: Tip: Dəstə: Fəsilə: Yarımfəsilə: Cins: Növ: Bağırsaq lyambliyası |
||||||
| Beynəlxalq elmi adı | ||||||
|
||||||
| ||||||
Bağırsaq lyambliyası (lat. Giardia lamblia) — heyvanlar aləminin metamonada tipinin diplomonadida dəstəsinin hexamitidae fəsiləsinin lyambliya cinsinə aid heyvan növü. İlk dəfə Xarkov Universitetinin professoru D.F.Lyamble tərəfindən öyrənilmiş və elmə daxil edilmişdir. Parazit müxtəlif onurğalıların, o cümlədən, insanın onikibarmaq bağırsağında yaşayır.
Morfologiyası
[redaktə | mənbəni redaktə et]4 cüt qamçıya malikdir, onlardan biri arxa hissədən, qalanları isə alt və yan tərəflərdən çıxır. Bədənin ön hissəsi dəyirmi, arxa hissəsi isə konusvari itidir. Ümumi görünüşü armudvari olub, ikitərəfli simmetriyaya malikdir. Bədənin alt tərəfində bağırsağa yapışmaq üçün bir ədəd sorucu disk vardır. Parazitin uzunluğu 10–18 mkm, eni isə 8–10 mkm-dir. Bədənin ön hissəsində simmetrik yerləşən iki nüvə vardır. Nüvə membranı çox aydın görünür.
Nüvə daxilində iri, uzunsov formalı kariosom yerləşir. İki aksostil öndən arxaya doğru uzanır. Bədənin orta hissəsində parabazal cisimcik yerləşir. Onların rolu tam məlum deyildir. Bəzi tədqiqatçılara görə parabazal cisim müxtəlif həcmli dənəciklərdən ibarətdir. Elektron mikroskopu vasitəsilə müəyyən edilmişdir ki, parabazal aparat membrandan və qabarcıqlardan ibarət olur, quruluşuna görə çoxhüceyrəli orqanizmlərin hüceyrələrindəki Holci aparatına oxşardır.
İstinadlar
[redaktə | mənbəni redaktə et]- ↑ Kofoid C. A., Christiansen E. B. On Giardia microti sp. nov., from the meadow mouse (ing.). // University of California publications in zoology 1915. Vol. 16, Iss. 2. P. 28. ISSN 0068-6506; 1559-3215