ASTF

Vikipediya, açıq ensiklopediya
Keçid et: naviqasiya, axtar

ASTF- Azərbaycan Stolüstü Tennis Federasiyası

Tarixi[redaktə | əsas redaktə]

Azərbaycanda stolüstü tennis idman növünə maraq 40 – cı illərdən yaranmışdır. Böyük Vətən müharibəsindən sonra ( 1941- 1945 – ci illər ) bir çox müəssisə və təşkilatlarda , zavod və fabriklərdə stolüstü tennis bölmələri yaradılır və bu idman növü get – gedə populyarlaşmağa başlayır. 50 – ci illərin əvvəllərində ilk dəfə olaraq Bakı stolüstü tennis bölməsi yaradılır və sonradan bu qurumun əsasında respublika Stolüstü Tennis Federasiyası təsis olunur. O dövrdə Bakı şəhərinin ilk çempionları V. Lazorkin və R. Yaşagina olmuşlar. 50- 60 – cı iliərdə ən güclü tennisçilər arasında M. Şeydabəyov , K. Bağırov , R. Şapayevanın , O. Spiridonovun , A. Knijnikin və başqalarının adlarını çəkmək olar. Azərbaycanda SSRİ- nin əməkdar məşqçiləri N. Novikov , R. Kotsev , Azərbaycanın əməkdar məşqçiləri Y. Oparin , İ. Mazin kimi tanınmış idman mütəxəssisləri yetişmişdir. M. Şeydabəyov ( 1961 – ci ildə SSRİ çempionu ) , V. Popova ( 6 dəfə SSRİ çempionu, 1984 – cü ildə Avropanın mütləq çempionu ) kimi adlı – sanlı tennisçilərin ərsəyə gəlməsində onların böyük əməyi olmuşdur. 2005 – ci ilin yanvar ayından 2014 – cü ilin fevral ayına qədər Azərbaycan Respublikasının kənd təsərrüfatı naziri İsmət Abasov Stolüstü Tennis Federasiyasının prezidenti olmuşdur. 2014 – cü ilin fevral ayında Azərbaycan Respublikası iqtisadi inkişaf naziri Şahin Mustafayev Stolüstü Tennis Federasiyasının yeni prezidenti seçilmişdir. Azərbaycan Stolüstü Tennis Federasiyası 1995 – ci ildən 222 dövlətin milli assosiasiyalarını özündə birləşdirən Beynəlxalq Stolüstü Tennis Federasiyasının ( İTTF ) və 56 Avropa milli federasiyalarının daxil olduğu Avropa Stolüstü Tennis Birliyinin ( ETTU ) üzvüdür. Azərbaycanın stolüstü tennis üzrə yığma komandası Avropa çempionatlarında 1996– cı ildən , Dünya çempionatlarında 1997– ci ildən etibarən iştirak etməyə başlamışdır. Milli yığma komandanın üzvləri bu gün də bütün beynəlxalq miqyaslı idman tədbirlərində iştirak edir , təcrübə və ustalıqlarını günü- gündən artırırlar. Belə ki , 2015- ci iln 13 – 15 noyabr tatixlərində Estoniyanın Haapsalu şəhərində 7 ölkənin iştirak etdiyi gənclər və yeniyetmələr arasında komanda və şəxsi formatda keçirilmiş açıq turnirdə legioner qız tennisçilərimiz komanda yarışlarında bütün ölkələrin idmançılarını məğlub edərək qızıl medal qazanmışlar. Şəxsi formatlı görüşlərdə isə xanım tennisçimiz Denq Simenq güclü rəqiblərinə üstün gələrək qızıl medala layiq görülmüş, digər idmançımız Zou Çuyi isə gümüş medalla təltif olunmuşdur. 2015 – ci il 23-28 noyabr tarixlərində Rusiyanın Sankt- Peterburq şəhərində tanınmış tennis ustası Nikolay Nikitinin xatirəsinə həsr olunmuş yeniyetmə və gənclər arasında şəxsi formatda keçirilmiş açıq turnirdə 7 ölkənin idmançılarını məğlub edən təcrübəli tennisçi Zou Çuyi final mərhələsində zədə aldığı üçün yarışlarda gümüş medal qazanmışdır. Bu gün də Azərbaycan Stolüstü Tennis Federasiyası bu idman növünün populyarlaşması , kütləviləşməsi və inkişafı , yeni – yeni gənc idmançıların hazırlanması istiqamətində məqsədyönlü fəaliyyətini davam etdirir.

Strukturu[redaktə | əsas redaktə]

Prezident- Şahin Abdulla oğlu Mustafayev

Vitse-prezident- Fazil İbrahim oğlu Məmmədov

Vitse-prezident- Səbuhi Knyaz oğlu Mehdizadə

Müşavir- İbrahim Mahmud oğlu Əfəndiyev

İqtisadçı-Vəli Məmməd oğlu Məmmədov

İdman–kütləvi işlər üzrə təlimatçı-Könül Mövlam qızı Mikayılova



iş gedir