Abbas və Gülgəz (film, 2000)

Vikipediya, açıq ensiklopediya
Jump to navigation Jump to search
Abbas və Gülgəz
Abbas və Gülgəz (film, 2000).jpg
Janr sənədli
tarixi
Rejissor Rövşən Almuradlı
Ssenari müəllifi Aydın Qurbanoğlu
Operator İzzət Əzizov
Rəssam Nabat Səmədova
İstehsalçı Azərbaycantelefilm (Azərbaycan Televiziyası)
Filmin növü sənədli-bədii serial
Rəng rəngli
Vaxt 62-80 dəq. (təxm.)
Ölkə Flag of Azerbaijan.svg Azərbaycan
Dil azərbaycanca
İl 2000

Abbas və Gülgəz sənədli-bədii serialı rejissor Rövşən Almuradlı[1] tərəfindən 2000-ci ildə ekranlaşdırılmışdır. Film Azərbaycantelefilmdə istehsal edilmişdir. Film "Abbas və Gülgəz" dastanı əsasında çəkilmişdir. Dastanı Aşıq Mahmud Qasımoğlu söyləyir.

Məzmun[redaktə | əsas redaktə]

Babalarımız tariximizi öncə daşlara köçürüb. Sonra dastanlarda, nağıllarda, ulu törənlərdə, miflərdə, sirli deyimlərdə, xalçalarda, el sənəti nümunələrində qoruyub saxlayıb. Bunların sırasında dastanlar aparıcı yer tutur. Şamanlar, ozanlar, aşıqlar bu dastanları nəsildən nəslə əmanət ötürüb, zaman öz köynəyindən keçirib. Tanrının millətə göndərdiyi ulu kişilərin boyuna biçib, bir boy da ucalıb, gəlib bizim çağlara çatıb bu dastanlar. "Dədə Qorqud", "Koroğlu" sırasında dayanan dastanlarımızdan biri "Abbas və Gülgəz"dir. Soy tariximizə işıq salan, dövlətçilik taleyimizə güzgü tutan monumental bir dastandır "Abbas və Gülgəz". Dastandakı Gülgəz Pəri obrazı Səfəvilər dönəmində Azərbaycanın başkəndi Təbrizin dastan dilində mənəvi qoruyucusudur, hamisidir. Şah bababımızın övladları, nəvələri yaddilli mirzələrdən dərs aldı, yaddaşları kütləşdi. Elin, yurdun başkəndini İsfahana köçürdülər. El bu olayı dastan yaddaşında saxladı. Gülgəz Pərinin, yəni Azərbaycanın iki istəyəni çıxdı ortaya: biri elin təmsilçisi Tufarqanlı Abbas, o biri hökmü yeddi iqlimə işləyən şah oğlu Şah Abbas. Hər iki Abbas türksoyludur...

Film "Abbas və Gülgəz" dastanı əsasında çəkilmişdir. Dastanı Aşıq Mahmud Qasımoğlu söyləyir.

Filmin üzərində işləyənlər[redaktə | əsas redaktə]

Ssenari müəllifi: Aydın Qurbanoğlu
Rejissor: Rövşən Almuradlı
Operator: İzzət Əzizov
Rəssam: Nabat Səmədova[2]

İstinadlar[redaktə | əsas redaktə]

  1. Kompüterin köməyi ilə çəkiləcək ilk film: “Cavad xan”
  2. “Rəssamlıq Akademiyasında teatr rəssamlığı tədris edilməlidir”

Həmçinin bax[redaktə | əsas redaktə]

Azərbaycan filmlərinin siyahısı
2000-ci ilin Azərbaycan filmləri
2000-ci illər Azərbaycan filmlərinin siyahısı