Alapayevsk qurbanları
| Alapayevsk qurbanları | |
|---|---|
| Vəfat tarixi | 18 iyul 1918 |
| Qeyd edilir | Rus Pravoslav Kilsəsi və Xaricdəki Rus Pravoslav Kilsəsi |
| Xatirə günü | 29 yanvar (Rusiya Yeni Övliyalar Baş Kilsəsi) və 5 iyul (yuli təqviminə görə) |
 Vikianbarda əlaqəli mediafayllar | |
Alapayevsk qurbanları (Alapayevsk şа́xtasının qurbanları) — Sovet höküməti nümayəndələri tərəfindən 18 iyul 1918-ci il gecəsi öldürülən Romanovlar sülaləsi üzvləri və onlara yaxın olan insanlar. Qətil hadisəsi çar ailəsinin edamının ertəsi günü, "Nijnyaya Selimskaya" mədəni yaxınlığında yerləşən Alapayevsk şəhərindən 18 km uzaqlıqda baş vermişdir, qurbanların cəsədləri mədən quyuların birinə atılmışdır. 8 iyun 2009-cu il tarixində Rusiya Baş Prokurorluğu Alapayevsk yaxınlığında öldürülənlərin hamısına bəraət qazandırdı.[1]
Xaricdəki Rus Pravoslav Kilsəsi Alapayevsk yaxınlığında öldürülənlərin hamısını (F. Remez istisna olmaqla) övliyalar sırasına keçirdi. Rus Pravoslav Kilsəsi onlardan yalnız ikisini böyük knyaginya Yelizaveta Fyodorovnanı və rahibə Varvaranı müqəddəsləşdirdi.
Alapaevsk yaxınlığında öldürülənlərin siyahısına aşağıdakı şəxslər daxildir:
- böyük knyaginya Yelizaveta Fyodorovna;
- böyük knyaz Sergey Mixayloviç;
- imperator qanı knyazı İoann Romanov;
- imperator qanı knyazı Konstantin Konstantinoviç (kiçik);
- imperator qanı knyazı İqor Konstantinoviç;
- knyaz Vladimir Pavloviç Paley (böyük knyaz Pavel Aleksandroviçin Olqa Pistolkors ilə morqanatik nikahdan doğulmuş oğlu);
- Fyodor Semyonoviç (Mixayloviç) Remez, böyük knyaz Sergey Mixayloviçin müavini;
- Marfa və Məryəm monastırının bacıları Varvara (Yakovleva), zaviyənişin Yelizaveta Fyodorovna.[2]
Bu yer yaxınlığında 1995-ci ildə Rus Kilsəsinin yeni şəhidləri və övliya adına monastır quruldu.
İstinadlar
[redaktə | mənbəni redaktə et]- ↑ "Генпрокуратура РФ реабилитировала святую великую княгиню Елизавету Федоровну Романову". Православие.Ru. 2009-06-09. 2017-12-01 tarixində arxivləşdirilib. İstifadə tarixi: 2017-11-25.
- ↑ Фомин С. "Алапаевские мученики: убиты и забыты (часть 1)". 2018-05-07 tarixində arxivləşdirilib. İstifadə tarixi: 2009-05-31.