Azad bəy Vəzirov

Azad bəy Vəzirov
Azad bəy Mirzə Həmid bəy oğlu Vəzirov
Şəxsi məlumatlar
Doğum tarixi	22 avqust 1869
Doğum yeri	Şuşa, Şuşa qəzası, Yelizavetpol quberniyası, Rusiya imperiyası
Vəfat tarixi	1921
Vəfat yeri	Qəzvin, İran
Vətəndaşlığı	Rusiya imperiyası AXC Azərbaycan SSR
Həyat yoldaşı	Zəhra xanım Kərim bəy qızı Mehmandarova
Uşaqları	İsa bəy, Musa bəy, Süleyman Vəzirov , İsa bəy (ikinci), Xеyrənsə xanım, Qönçə xanım və Gülrux xanım
Atası	Mirzə Həmid bəy Vəzirov
Hərbi fəaliyyəti
Mənsubiyyəti	Rusiya imperiyası
Xidmət illəri	1888-1893 1898-1921
Rütbəsi	polkovnik-leytenant Rusiya imperiyası (1916) polkovnik AXC (1919)
Təltifləri

Vəzirov Azad bəy Mirzə Həmid bəy oğlu (22 avqust 1869, Şuşa – 1921, Qəzvin) — Çar Rusiyası və Azərbaycanın hərbi lideri, polkovnik. Sovet dövlət xadimi, neft sənayesinin təşkilatçısı, Sosialist Əməyi Qəhrəmanı Süleyman Vəzirovun atası.

Həyatı

Azad bəy Mirzə Həmid bəy oğlu 22 avqust 1869-cu ildə Şuşa şəhərində anadan olub. Şuşa real məktəbini bitirib. 43-cü Tver draqun alayının nəzdində Yelisavetqrad süvari yunker məktəbinə girib. 20 dekabr 1888-ci ildə hərbi xidmətə başlayıb. 1895-ci ildə Dağıstan piyada alayında qulluq edib. 27 oktyabr 1897-ci ildə kornet rütbəsi, 27 oktyabr 1901-ci ildə poruçik rütbəsi alıb. 1902-ci ildə Dağıstandan Bakı qubеrniyasına dəyişilib. 27 oktyabr 1905-ci ildə ştabs-rotmistr rütbəsinə, 27 oktyabr 1909-cu ildə rotmistr rütbəsinə layiq görülüb. Ober-zabit kimi Bakı qubernatorunun yardımçısı işləyib. Burada qulluq etdiyi dönəmdə polkovnik rütbəsi alıb. Azad bəy 1920-ci ildə XI Qırmızı Ordunun sıralarına daxil olub. Ordunun içində İrana, ingilislərlə vuruşmağa yollanıb. 1921-ci ildə Qəzvin şəhərində vəfat edib.

Ailəsi

Azad bəy Kərim bəy Mehmandarovun qızı Zəhra xanımla ailə həyatı qurub. İsa bəy, Musa bəy, Süleyman Vəzirov, İsa bəy (ikinci) adlı oğulları, Xeyrənsə xanım, Qönçə xanım və Gülrux xanım adlı qızları vardı.

Mənbə

• Ənvər Çingizoğlu, Hacılılar, Bakı, "Soy" dərgisinin özəl nəşri, 2004, 238 səh.

İstinad

• [1] Arxivləşdirilib 2010-09-03 at the Wayback Machine

Həmçinin bax

• Vəzirovlar
• Mirzə Həmid bəy Vəzirov