Böyük şəhərin işıqları

Vikipediya, azad ensiklopediya
(Böyük şəhərin işıqları (film, 1931) səhifəsindən istiqamətləndirilmişdir)
Naviqasiyaya keçin Axtarışa keçin
Böyük şəhərin işıqları
ing. City Lights
Janr romantik komediya
Rejissor Çarli Çaplin
Prodüser Çarli Çaplin
Ssenari müəllifi Çarli Çaplin
Baş rollarda Çarli Çaplin
Virciniya Çerrill
Florens Li
Herri Mayers
Allan Qarsiya
Operatorlar Qordon Pollok
Roland Totero
Mark Marklett
Bəstəkarlar Çarli Çaplin
Çiçəkli qızın musiqisi: Coz Padilla[1]
Orkestr: Artur Conston
Alfred Nyumen
Montajçı Çarli Çaplin
İstehsalçı United Artists
Distribütor Netflix
İlk baxış tarixi 30 yanvar 1931
Filmin digər adı Böyük şəhərin işıqları
Filmin növü bədii film
Müddət 87 dəqiqə
Büdcə $1,5 milyon
Gəlir $5 milyon
Ölkələr ABŞ ABŞ
Dil İngilis dili
İl 1931
Rəng ağ-qara
IMDb ID0021749
Vikianbarın loqosu Vikianbarda əlaqəli mediafayllar

Böyük şəhərin işıqları (ing. City Lights) — Çarli Çaplinin rejissorluğu, prodüserliyi, ssenarisi əsasında çəkilmiş və özünün baş rolda oynadığı 1931-ci il Amerika səssiz romantik komediya filmi.

Məzmun[redaktə | mənbəni redaktə et]

Bir gün avara (Çarli Çaplin) böyük şəhərdə özü üçün sərgərdan gəzir. Bu zaman o, bir kor qızla (Virciniya Çerrill) rastlaşır. Elə onun kimi bədbəxt və heç kəsə lazım olmayan bu qız gül satmaqla məşğuldur. Qız elə zənn edir ki, qarşısındakı varlıdır və onun üçün bir gül dəstəsi hazırlayır. Lakin təsadüfən qız gülləri əlindən yerə salır. Gülsatan diz üstə çökərək əlilə gülləri axtarmağa başlayır. Avara güllərin yerini qıza göstərir, lakin qız hələ də gülləri axtarmağa davam edir. Avara başa düşür ki, o, kordur. Mütəəssir olmuş avara qıza qalxmağa kömək edir.

Bir gün avara sərxoş vəziyyətdə özünə qəsd etmək istəyən ekssentrik milyonçunun həyatını xilas edir. Lakin avara milyonçuda çox qəribə bir xüsusiyyət müşahidə edir. Milyonçu sərxoş olanda avaraya ən yaxın dostu kimi yanaşır. Ancaq ayılandan sonra onu tanımır və öz evindən qovur.

Avara öyrənir ki, Vyanadakı göz klinikasında əməliyyat qızın görməsinə səbəb ola bilər. Bunun üçün pul əldə etmək istəyən avara müxtəlif yollara əl atır. Küçələri gəzir, rinqdə boksla məşğul olur. Lakin təsadüfən sonra yenidən sərxoş və son dərəcə əliaçıq milyonçu ilə rastlaşır. Bədbəxtlikdən milyonçu ona pulları evinə oğrular girən vaxt verir. Artıq götürdüyü pulları gülsatan qıza çatdıran avaradan oğurluq etdiyi ilə bağlı şübhələnməyə başlayırlar. Onu həbsxanaya atırlar.

Avara isə həbsxanadan əvvəlkindən də pis vəziyyətdə çıxır. Bütün bu vaxt ərzində artıq gözlərinin müalicəsi uğurla başa çatmış qız gül dükanı açıb. Gülsatan qız heç vaxt öz "xilaskar"ının üzünü görməyib və həmişə bunun arzusundadır. Qız onu xəyalında varlı və gözəl təsəvvür edir. Həbsdən çıxmış avara təsadüfən həmin gül dükanının qarşısından keçir və sevinclə artıq gözləri açılmış qıza tamaşa edir. Qız yaxınlaşıb ona qəpik və gül vermək istəyəndə o, qaçmağa çalışır. Çünki avara öz görkəmindən utanır, qızla danışmaqdan çəkinir. Lakin qız əlinə toxunanda onu tanıyır. Onlar diqqətlə br-birinə baxırlar. "Siz?" – deyə qız təəccüblənir. Başı ilə təsdiq edən avara: "Artıq siz görürsünüz?" – deyə ondan soruşur.

Filmin həmin final səhnəsi dünya kinematoqrafiyasının tarixində ən kəskin və heyrətə layiq sonluqdur.

Film haqqında[redaktə | mənbəni redaktə et]

  • Bu film pantomim formasında çəkilmiş romantik komediyadır.
  • Filmdə avara ilə gülsatan qızın ilk görüş səhnəsi, yəni avaranın ilk dəfə qızın kor olduğunu bilməsi səhnəsi düz 5 günə çəkilmişdir.
  • Filmin büdcəsi 1,5 milyon dollar təşkil edir.
  • Filmin çəkilişləri 31 dekabr 1927-ci ildə başlamış və təxminən 3 il davam etmişdir. Film üzərində iş böyük böhran vaxtına təsadüf etmişdi. O zaman artıq bir neçə il idi ki, səsli kino yaranmışdı. Elə buna görə də Çaplin öz filmlərində musiqidən istifadə etmək imkanı əldə etmişdi. Film 22 yanvar 1931-ci ildə başa çatdırıldı. Ekran işinin ilk nümayişi 30 yanvar 1931-ci ildə Los-Ancelesdə olmuşdu.

Filmin heyəti[redaktə | mənbəni redaktə et]

Filmin üzərində işləyənlər[redaktə | mənbəni redaktə et]

Ssenari müəllifi: Çarli Çaplin
Rejissor: Çarli Çaplin
Operatorlar: Qordon Pollok, Roland Totero
Bəstəkar: Çarli Çaplin
Prodüser: Çarli Çaplin

Rollarda[redaktə | mənbəni redaktə et]

Çarli Çaplin – avara
Virciniya Çerrill – kor qız
Florens Li – nənə
Herri Mayers – milyonçu
Allan Qarsia – eşikağası
Henk Mann – boksçu

İstinadlar[redaktə | mənbəni redaktə et]

  1. "Chaplin as a composer". CharlieChaplin.com. 2011-07-05 tarixində orijinalından arxivləşdirilib.

Xarici keçidlər[redaktə | mənbəni redaktə et]

Video[redaktə | mənbəni redaktə et]

İzlə[redaktə | mənbəni redaktə et]

YouTube

Azərbaycan dilində