Badri Patarkatsişvili

Badri Patarkatsişvili
Arkadi Patarkatsişvili
Doğum tarixi	31 oktyabr 1955
Doğum yeri	Tbilisi, Gürcüstan SSR
Vəfat tarixi	12 fevral 2008 (52 yaşında)
Vəfat yeri	Literhed, Böyük Britaniya
Vəfat səbəbi	İnfarkt
Vətəndaşlığı	Gürcüstan
Həyat yoldaşı	İnna Qudavadze
Milliyyəti	Gürcüstan yəhudisi
Təhsili	Gürcüstan Texniki Universiteti
Fəaliyyəti	siyasətçi, sahibkar
Partiyası	Sovet İttifaqı Kommunist Partiyası
Vikianbarda əlaqəli mediafayllar

Badri Patarkatsişvili (gürc. ბადრი პატარკაციშვილი; 31 oktyabr 1955, Tbilisi – 12 fevral 2008) — gürcü biznesmeni və siyasətçisi. 2008-ci il Gürcüstan prezident seçkilərində prezidentliyə namizəd kimi iştirak etmiş və səslərin 7,1%-ni toplamışdır. Özünün əsl adı Arkadi Patarkatsişvili olsa da, hər yerdə Badri Patarkatsişvili kimi tanınırdı. Badri Patarkatsişvili Gürcüstan prezidenti Mixael Saakaşvilinin qatı əleyhdarı kimi tanınırdı və bir çoxları onun ölümündə Saakaşvilini günahlandırır. Ölümündən qabaq Gürcüstanın Baş Prokurorluğu iş adamını hakimiyyəti devirməyə cəhddə və terror aktı hazırlamaqda təqsirləndirirdi.

Həyatı

Badri Patarkatsişvili 1955-ci ilin oktyabrın 31-də Tbilisidə dindar yəhudi ailəsində anadan olub. Gənc yaşlarından SSKP-yə üzv olub, komsomol təşkilatında karyera quraraq yüksəlib. SSRİ dağıldıqdan sonra 1994-cü ildə Moskvaya gedərək orada bizneslə məşğul olub. Onun Boris Berezovski, Roman Abramoviç və Vladimir Putinlə yaxın əlaqələri olub.