Bricit Makron

Vikipediya, açıq ensiklopediya
Jump to navigation Jump to search
Bricit Makron
fr. Brigitte Macron
Brigitte Macron (July 2017) (cropped).JPG
bayraqFransanın birinci xanımıbayraq
15 may 2017 — vəzifədədir
Prezident Emmanuel Makron
Sələfi Valeri Trierveyler (2012—2014)

İxtisası Pedaqogika
Doğum tarixi 13 aprel 1953 (1953-04-13) (66 yaş)
Doğum yeri Amyen , Fransa
Atası Jan Tronyö
Anası Simona Tronyö
Həyat yoldaşı Emmanuel Makron
Uşaqları ilk nikahdan: oğlu: Sebastyan (1975),
qızları: Lorans (1977), Tifani (1984)
ikinci nikahdan: yoxdur
Commons-logo.svg Vikianbarda əlaqəli mediafayllar

Bricit Makron (fr. Brigitte Macron, qızlıq soyadı. Tronyö (fr. Brigitte Trogneux), əvvəllər — Ozyer (fr. Auzière), doğ. 13 aprel 1953, Amyen, Fransa) — Fransanın 25-ci prezidenti, fransız siyasətçi Emmanuel Makronun xanımı. İxtisasca orta məktəbdə fransız və latın dilləri müəlliməsidir. Fransanın (2017-ci il mayın 15-dən) birinci xanımıdır.

Həyatı[redaktə | əsas redaktə]

Bricit Tronyö şokolatye və şirniyyat mağazaları şəbəkəsinin sahibi[1][2] Jan Tronyö (1909—1994) və onun xanımı Simonanın (qızlıq soyadı. Puyol, 1910—1998) ailəsində anadan olub. Bricit altı uşaqlı ailənin sonbeşiyi olub, onunla böyük qardaşı arasında 20 yaş fərq var.[3][4] Zəngin burjua sinfinə aid olan Tronyö ailəsi Amyen şəhərində 1872-ci ildə məskunlaşıb. Ailə burada şokolad və bir neçə yerli qənnadı məmulatlarının istehsalı ilə məşğul olub.

Bricit 1974-cü il iyunun 22-də gələcəyin bankiri Andre Lui Ozyer ilə ailə qurub. Bu zaman onun cəmi 21 yaşı olub. Nikahdan 3 uşaq dünyaya gəlib: Sebatyan (doğ. 1975), Lorans (doğ. 1977) və Tiffani (doğ. 1984). Oğlu Sebastyan — mühəndis,[5] qızları: Lorans — kardioloq, Tiffani isə vəkil olub.[6] Onlar 2006-cı ildə boşandılar. Bricitin hazırda yeddi nəvəsi var.[7]

Bricit humanitar elmlər sahəsində CAPES sertifikatı aldıqdan sonra ilk öncə Parisdə, daha sonra isə Strasburqda — "Lucie-Berger" protestant məktəbində dərs deməyə başlayıb.[8] O, 1991-ci ildə doğma şəhərinə qayıdıb və burada "La Providence" yezuit liseyində fransız və latın dilləri müəlliməsi kimi işləməyə başlayıb.[2] Bricit 1993-cü ilin mayında qızı Loransın həmyaşıdı və sinif yoldaşı olan Emmanuel Makronla qarşılaşıb. Emmanuel onun ədəbiyyat dərslərinə baş çəkirdi. 1994-cü ildə onların arasında sevgi romanı başlandı.[9] Emmanuelin atası, nevrologiya üzrə professor Jan-Mişel Makron Bricitin oğlu ilə ünsiyyətinə qadağa qoyub. Emmanuelin 17 yaşı tamam olanda valideynləri onu Parisə, IV Henrix adına gimnaziyaya oxumağa göndəriblər. O vaxtdan Makronla Bricit yalnız məktublaşa biliblər.

20 oktyabr 2007-ci ildə Emmanuel Makronla evlənib.[10][11] Bricitin qızları Lorans və Tiffani analarının toyunda iştirak ediblər. Bricit Emmanuel Makronun həyat yoldaşı qismində ictimaiyyət qarşısında ilk dəfə — 2 iyun 2015-ci ildə, İspaniya kralı VI Flipp və onun həyat yoldaşı ilə rəsmi şam yeməyi zamanı görsənib.[6]

Bricit özünü Makronun siyasi karyerasına həsr edib.[12] O, siyasi çıxışların hazırlanmasında Makrona yardım göstərir. Amma Bricit siyasi xadim olmaq niyyətində deyil. O deyir ki, yalnız ərinin yanında olmaq istəyir.

Emmanuel və Bricitin birgə nikahdan uşaqları yoxdur. Mediaya açıqlamasında Makron bildirib ki, onlar Bricitlə uşaq dünyaya gətirməmək qərarı veriblər. Makron bioloji uşaqlara və nəvələrə ehtiyacı olmadığını vurğulayıb.

İstinadlar[redaktə | əsas redaktə]

Həmçinin bax[redaktə | əsas redaktə]