Cəzalandırıcı (personaj)

Vikipediya, açıq ensiklopediya
Jump to navigation Jump to search
Cəzalandırıcı
ing. Punisher
Punisher.jpg
Cəzalandırıcı
NəşriyyatMarvel Comics
Yayım tarixi"Heyranedici Hörümçək-adam" #129 (fevral 1974)
Yaradıcı(lar)Qerri Konvay
Ross Andru
Con Romita
Xüsusiyyətlər
Əsl adıFrenk Kastl
Doğum tarixi16 fevral 1950(1950-02-16) (69 yaş)
Doğum yeriKuins, Nyu-York, Nyu York, ABŞ
Cinsiyyətikişi
Boyu185 sm
Çəkisi91 kq
Göz rəngimavi
Saç rəngiqara
VətəndaşlıqFlag of the United States.svg ABŞ
Komiks bioqrafiyası
Üzvlükləritəkbaşına
DüşmənləriJigsav
Kinnqpin
Bruna Roşta
Barrakuda
Cek-to-Lantern
Cester
Sütun-adam
Goldbuq Plunderer
Tökmə-adam
Rayno
Rus
GücləriƏlbəyaxa döyüşləri ustası
Güclü bədən


Cəzalandırıcı (ing. Punisher) — Marvel Comics tərəfindən yaradılmış komiks qəhrəmanı. İlk dəfə 1974-cü ilin fevralında "Heyranedici Hörümçək-adam" komiksinin 129-cu sayında peyda olmuşdur.

Bioqrafiya[redaktə | əsas redaktə]

"Heyranedici Hörümçək-adam" komiksinin 129-cu sayı.

Cəzalandırıcının əsil adı Frenk Kastldır. Cəzalandırıcı cinayətlə mübarizə aparmaq üçün adam qaçırmaq, insan öldürmək, işgəncə vermək kimi vasitələrdən istifadə edir. Ailəsi Nyu-York Mərkəzi Parkda bir mafiyanın törətdiyi cinayətin şahidi olduğundan mafiya tərəfindən öldürülür. Bundan sonra Frenk cinayətkarlara qarşı mübarizə aparan Cəzalandırıcıya çevrilmişdir. Bir çox onun ailəsinin intiqamını almaq istədiyini düşünür, amma əsil məqsədi bütün cinayətkarları cəzalandırmaqdır.

Frenk Kastl Nyu-Yorkun Qvins rayonunda anadan olmuşdur. Katolik kilsəsində papaz işləmək üçün təhsil almış, amma cinayətkarları bağışlaya bilmədiyi üçün bu işdən əl çəkmişdir.

ABŞ Dəniz Donanmasına qatılmış və yüzbaşı rütbəsinə yüksəlmişdir. İlk uşaqlarına hamilə olan Mariya ilə evlənmişdir.

Ordudan sonra hərbi məktəbə, daha sonra kəşfiyyat, kəşfiyyat gücü və snayper məktəblərinə yazılmışdır. Sonralar ABŞ Hava Qüvvələrinə və ABŞ Dəniz Donanmasında "Underwater Demolition Team"a qatılmışdır. Orduda ikən hindu Fan Biqhak ilə tanış olmuşdur. Biqhak Kastla vəhşi təbiətlə həyatda qalmağın sirlərini başa salmışdır.

Hərbi məktəbləri bitirdikdən sonra Vyetnam müharibəsinə qatılmışdır. Həmçinin tutulan bir vyetnamlı qadına təcavüz etməyə çalışan ABŞ əsgərini boğaraq öldürmüşdür. Bir çox döyüşə qatılmış və vyetnamlıların Valli Forc bazasına etdikləri hücumdan bircə o sağ qalmışdır. Bütün ABŞ əsgərləri öldükdən sonra o təkbəşına onlarla vyetnamlını öldürmüşdür. Vyetnamdakı uğuruna görə o Şərəf medalına, 3 dəfə Navi Krossa, 3 dəfə Gümüş Ulduza, Bürünc Ulduza, 4 dəfə Bənövşəyi Ürəyə və Azadlıq Prezident Medalına layiq görülmüşdür.

İlk Vyetnam turundan sonra, ikinci dəfə Vyetnama getmişdir. Ümumilikdə 4 il Vyetnamda olmuşdur. Müharibə bitdikdən sonra Dəniz Donanması üçün Nyu-Yorkda əməliyyatlar aparmışdır.

Ailəsinin ölümü[redaktə | əsas redaktə]

1976-cı ildə həyat yoldaşı Mariya, uşaqları Liza və Frenk Mərkəzi Parkda piknik edərkən mafiyanın müxbirlik edən bir nəfərin asılmasına şahidlik etdilər. Şahid buraxmamaq üçün mafiya ailəni öldürür, amma Kastl sağ qalır. Polis lazım olanı edəcəklərini deyir, amma heç nə etmirlər. Çünki polislərin çoxu rüşvət almaqdadır. Ailəsinin ölümü ilə sarsılan Kastl onları öldürmək qərarına gəlir. Qısa müddət ərzində zirehinə kəllə şəkli çəkərək cinayətkarların arxasınca düşür. O zamandan bəri cinayətkarlara qarşı mübarizə aparmaqdadır.

Cəzalandırıcı Mafiya, rus mafiyası, yakuza, Kalumbiya və Meksika narkamanları, Çin mafiyası, İrlandiya qruplaşmaları, motosiklet qrupları, küçə qrupları, qatillər, təcavüzkarlar, psixopatlar, oğrular, rüşvətxorlarla mübarizə aparır. Həmçinin insan və narkotik ticarəti ilə məşğul olanlara hücum edir. Qrup cinayətlərinə qarşı çox döyüşdüyü üçün planlarını qabaqcadan təxmin edə bilir. Çoxu qatil tutaraq Cəzalandırıcını öldürməyə çalışır.

Bir çox dəfə tutulmuşdur və Rikers adasındakı həpsxanaya göndərilmişdir. Orada onun düşmənləri böyük say fərqi ilə ona hücum etmişlər, amma Cəzalandırıcı onları yenə də məğlub etmişdir. Cəzalandırıcı istər azadlıqda olsun, istərsə də həpsxanada olsun, daim məşğələ ilə məşğul olur.

Cəzalandırıcının sabit evi yoxdur. Nyu-Yorkda bir neçə təhlükəsiz evi vardır. Həmçinin cinayətlə mübarizə aparmaq üçün İngiltərəyə, İrlandiyaya, Cənubi Amerikaya, Əfqanıstana, Rusiyaya getmişdir. Çox təhlükəli olub, CİA, FBİ və S.H.İ.E.L.D onu axtarmaqdadır, amma bu qurumların bir çox yüksək rütbəli şəxsi onun yaxalanmasının əlehinədir.

Bacarıqları[redaktə | əsas redaktə]

1.85 m boyunda, 91 kiloqram, mavi gözlü və qara saçlıdır. Çox güclü bədənə sahibdir. Hər gün məşq edir, evlərində silah məşğələsi aparır.

Cəzalandırıcı yüksək qabiliyyətlərə sahibdir. Kastl Vyetnama ikinci gəlişində snayperçi kimi vəzifə almışdır. Həmçinin bir proqram çərçivəsində Avstraliyaya getmiş və Avstraliya SAS-da işləmişdir. Olduqca təcrübəlidir.

Yaxın döyüşdə ustadır. Naş Ryudan Ju Jitsu təlimi almışdır. Həmçinin Naş Ryudan çox yüksək səviyyədə Ninjutsu təlimi görmüşdür. Özündən böyük və güclü insanları udmaq potensialındadır. Lazım gələrdə silahsız bir dəstəni məğlub edə bilər. Bıçaqları yaxşı işlədir və üzərində 3-4 növ siah gəzdirir. Ən sevdiyi bıçaq ABŞ Donanmasında ikən istifadə etməyə başladığı KA-BAR-dır.

Cəzalandırıcı çox yaxşı nişancıdır və bir əlində silah gəzdirə bilir.

Silahları[redaktə | əsas redaktə]

Cəzalandırıcı silahlarını öldürdüyü cinayətkarlardan və hərbi qaynaqlardan əldə edir. Təhlükəsiz evlərində bir çox silah vardır.

Kastl tez-tez silahlarının optiklərlə, refleks durbinləri ilə, gecə durbinləri ilə, fənərlərlə, bombaatanlarla, susdurucularla təchiz edir və edəcəyi işlərə görə çuxur uclu, zirehdələn, aşağı sürətli kimi müxtəlif güllələrdən istifadə edir.

Cəzalandırıcı əsasən Vietnamdan qalma M16, Brouning Llama tapançası və M60 tüfəngindən istifadə edirdi. Amma hazırda yayınlanan komikslərində SOPMOD-la, M-4-lə, M60-la, HK USP ilə, Siq Sauer P226 tapançaları ilə təsvir olunur.

Nəqliyyat kimi motosiklet, vertolyotdən istifadə edir. Üstünlük verdiyi markalar Hummer H1, Humvee-dir.

Kostyum[redaktə | əsas redaktə]

Cəzalandırıcının ilk kostyumu kevlardan hazırlanan və üstündə ağ kəllə olan kostyum idi. Kastla görə kəllə şəkli cinayətkarların fikrini yayındırıb onun başı əvəzinə onun zirehli gövdələrinə vurmaqlarına səbəb veriridi. Həmçinin kəllə bir çox cinayətkara psixoloji zərbə endirirdi. Kəllə işarəsinin hər dişində bir patron yerləşdirilmişdir.

Hazırkı komikslərdə üstündə kəllə şəkli olan köynək geyinir. Cəzalandırıcı həmçinin dəri jaketlər, zirehlər, kevlar paltarlar, hərbi geyimlər geyinir.

"Civil War"da isə Cəzalandırıcı öldürülən Kapitan Amerikaya hörmət əlaməti olaraq onun geymini alıb onu kostyumu ilə döyüşməkdədir.

Şəxsiyyəti[redaktə | əsas redaktə]

Cəzalandırıcı digər Marvel qəhrəmanlarından olduqca fərqlənir. Cəzalandırıcı soyuqqanlı bir qatildir.Heç bir xüsusi gücü yoxdur və bütün bacarığını gərgin məşqlərə borcludur.

Kastlın bir hobbisi yoxdur. Sadəcə bir neçə dostu vardır. Demək olar ki, bütün vaxtını plan qurmaqla, məşq etməklə, silahlarını təmizləməklə keçirir. Öldürdüyü cinayətkarlardan aldığı pulla özünə yemək, silah və sursat almaq üçün istifadə edir.

Cəzalandırıcı xalqın və polisin onun haqqında nə düşündüyünü vecinə almır, rüşvət alan polisləri öldürür. Çoxları onu qatil kimi görür.

Cəzalandırıcının fikrincə ABŞ qanunları ədalətin yerinə gəlməsinə kömək etmir. Onun qatilləri öldürmə səbəbi digərlərinin onun kimi acı çəkməməsidir. Bəzi yüksək rütbəli şəxslər onun etdiklərinin düz olduğunu bildirərək onu müdafiə edirlər.

Filmləri[redaktə | əsas redaktə]

1989-cu ildə Cəzalandıra haqqında ilk film çəkilmişdir. Bu filmin baş rollarında Dolf Landgrin, Luis Qosset, Jaren Krabbe oynamışdır. Film uğursuz olmuşdur.

2004-cü ildə yeni film çəkilmişdir. Bu filmin baş rollarında Tomas Ceyms və Con Travolta oynamışdır.