Darina Qromova

Vikipediya, açıq ensiklopediya
Keçid et: naviqasiya, axtar
Darina Qromova
Darina Qromova.jpg
Doğum tarixi: 26 dekabr 2014(2014-12-26)
Doğum yeri: Qatçina, Flag of Russia.svg Rusiya
Vəfat tarixi: 31 oktyabr 2015(2015-10-31) (10 ayında)
Vəfat yeri: Şimali Sinay, Flag of Egypt.svg Misir
Atası: Aleksey Qromov[1]
Anası: Tatyana Qromova[2]
Vətəndaşlıq: Flag of Russia.svg Rusiya
Milliyyəti: Rus

Darina Alekseyevna Qromova (Dünyaya, "Əsas sərnişin" (rus. Главный пассажир) yazısı ilə tanındı) (d. 26 dekabr 2014; Qatçina, Leninqrad vilayəti, Rusiya - ö. 31 oktyabr 2015; Şimali Sinay, Misir) — Qatçina şəhərindən olan 10 aylıq qız. O, 2015-ci il 31 oktyabrda "Airbus 321" avialaynerinin "9268 Metrojet" reysinin Misirin Sinay yarımadasında qəzaya uğraması nəticəsində, valideynləri ilə birgə həlak olub. Darina Qromovanın anası, Tatyana Qromova tərəfindən "VKontaкte" (rus. ВКонтакте) sosial şəbəkəsinə "Əsas sərnişin" (rus. Главный пассажир) yazısı ilə yerləşdirilən foto, dünyanın bir çox KİV tərəfindən yayımlanıb və Rusiya tarixinin ən faciəvi təyyarə qəzasının bir növ rəmzinə çevrilib.

Həyatı və ölümü[redaktə | əsas redaktə]

Darina Qromova 2014-cü il 26 dekabrda Leninqrad vilayətinin Qatçina şəhərində anadan olub. Onun, valideynləri Aleksey (1988-2015) və Tatyana (1988-2015), "Resteq" Sərgi Birliyində çalışırdılar.

Darina Qromova, 2015-ci il 15 oktyabrda valideynləri ilə birgə, Peterburq şəhərinin "Pulkovo" Beynəlxalq Hava Limanından Misirə səyahətə yollandı və oktyabrın 31-də, "Airbus 321" avialaynerinin "9268 Metrojet" reysi ilə vətənə, Rusiyaya qayıtmalı idi. Amma, təyyarə səmaya qalxdıqdan 23 dəqiqə sonra, Misirin Sinay yarımadasında faciəvi qəzaya uğradı və nəticədə, təyyarənin göyərtəsində olan 224 nəfər şərnişinin hamısı həlak oldu. 10 aylıq Darina Qromova, həmin təyyarədə olan ən gənc sərnişin idi.

8 dekabrda Darina Qromova, valideynləri ilə birgə Puşkin şəhərinin Kuzmin məzarlığında dəfn olundu.

Hava Limanından foto[redaktə | əsas redaktə]

Darina Qromovanın anası, Tatyana Qromova oktyabrın 15-i saat 15:45-də Peterburq şəhərinin "Pulkovo" Beynəlxalq Hava Limanından, "VKontaкte" (rus. ВКонтакте) sosial şəbəkəsində, "Əsas sərnişin" (rus. Главный пассажир) yazısı ilə foto yerləşdirdi. Foto, Darina Qromovanın, "Pulkovo" Beynəlxalq Hava Limanının gözləmə zalının 1 nömrəli terminalından, aerodromda olan təyyarələrə baxmasından ibarət idi. Həmin foto, Tatyana Qromovanın sosial şəbəkələrdə etdiyi sonuncu paylaşım idi.

Oktyabrın 31-də, Darina Qromova və valideynlərinində olduğu təyyarə, faciəvi qəzaya uğrayandan və həlak olan insanların adlarının ictimaiyyətə bəyan edilməsindən sonra, sosial şəbəkədə paylaşılan həmin foto, Rusiya tarixinin ən faciəvi təyyarə qəzasının bir növ rəmzinə çevrildi. Həmin fotoya, dünyanın bir çox KİV-də geniş yer ayrıldı.

Xatirəsi[redaktə | əsas redaktə]

Təyyarə qəzasından bir il sonra, Rusiyalı sənətçi İqor Matviyenкo, "Yaşamaq" (rus. Жить) adlı mahnını ərsəyə gətirdi. 27 estrada müğənnisinin ifa etdiyi mahnı, 2016-cı ildə təqdim edildi. "Yaşamaq" mahnısını Qriqori Leps, Polina Qaqarina, Yuliya Samoylova, Timati və daha neçə-neçə məhşur simalar ifa etdi.

Həmçinin, təyyarə qəzasından bir il sonra, "The Davincies" qrupu, "Əsas sərnişin" (rus. Главный пассажир) adlı mahnını ərsəyə gətirdi.[3] Mahnı, məhz 10 aylıq Darina Qromovaya ithaf edildi.[3]

İstinadlar[redaktə | əsas redaktə]

  1. "Список пассажиров и экипажа самолете "Airbus A321" авиакомпании "КогалымАвиа" 7K9268  (rus.)". www.mchs.gov.ru (Rusiya Federasiyası Fövqəladə Hallar Nazirliyinin rəsmi saytı). Arxivləşdirilib: [1] saytından 2017-08-13 tarixində. https://web.archive.org/web/20170813085832/http://www.mchs.gov.ru/operationalpage/Operativnaja_informacija/item/5216330/. İstifadə tarixi: 31 oktyabr 2016.
  2. "Список пассажиров и экипажа самолете "Airbus A321" авиакомпании "КогалымАвиа" 7K9268  (rus.)". www.mchs.gov.ru (Rusiya Federasiyası Fövqəladə Hallar Nazirliyinin rəsmi saytı). Arxivləşdirilib: [2] saytından 2017-08-13 tarixində. https://web.archive.org/web/20170813085832/http://www.mchs.gov.ru/operationalpage/Operativnaja_informacija/item/5216330/. İstifadə tarixi: 31 oktyabr 2016.
  3. 3,0 3,1 "Первый зритель - бабушка "главного пассажира"  (rus.)". www.samara.kp.ru (Комсомольская правда - Самара). Arxivləşdirilib: [3] saytından 2017-08-13 tarixində. https://web.archive.org/save/_embed/https://www.kp.ru. İstifadə tarixi: 1 noyabr 2016.