Hicran Hüseynova
| Hicran Hüseynova | |
|---|---|
.jpg) | |
| Şəxsi məlumatlar | |
| Doğum tarixi | 13 avqust 1955 |
| Doğum yeri |
Bakı, .svg){kind=small} Azərbaycan SSR |
| Partiya | |
| Təhsili | Bakı Dövlət Universiteti |
| Fəaliyyəti | siyasətçi |
| Atası | Kamran Hüseynov |
| Elmi fəaliyyəti | |
| Elmi dərəcəsi | Siyasi elmlər doktoru |
|
|
|
| Təltifləri |
  |
 Vikianbarda əlaqəli mediafayllar | |
Hicran Hüseynova - Ailə, Qadın və Uşaq Problemləri üzrə Dövlət Komitəsinin sədri, siyasi elmlər doktoru, professor. Azərbaycanda siyasi elmlər doktoru adını almış ilk qadın.
Həyatı
Hüseynova Hicran Kamran qızı 13 avqust 1955-ci ildə Bakı şəhərində anadan olmuşdur. 1972-ci ildə 6 nömrəli orta məktəbi,1977-ci ildə isə Bakı Dövlət Universitetinin tarix fakültəsini bitirmişdir.
1977-ci ildən 189 saylı orta məktəbdə müəllim fəaliyyətinə başlamış, paralel olaraq Bakı Dövlət Universitetində siyasi tarix fənnini tədris etmişdir.
1988-1993-cü illər ərzində Bakı Dövlət Universitetinin siyasi tarix kafedrasında müəllim, baş müəllim və kafedra dosenti vəzifəsində işləmişdir.
1999-cu ildən 2003-cü ilədək Azərbaycan Respublikası Qadın Problemləri üzrə Dövlət Komitəsində “Beynəlxalq münasibətlər və informasiya” şöbəsinin müdiri işləmişdir.
2000-2006-cı illərdə Bakı Dövlət Universitetində Beynəlxalq hüquq və Beynəlxalq münasibətlər fakültəsinin dekan müavini olmuşdur.
Gender problemləri üzrə Avropa Şurasının və ATƏT-in ekspertidir.
Azərbaycanda “Beynəlxalq məsələlərin tədqiqatı assosiasiyası”nın prezidentidir.
Azərbaycan Respublikası Prezidentinin 7 fevral 2006-ci il tarixli Sərəncamı ilə Ailə, Qadın və Uşaq Problemləri üzrə Dövlət Komitəsinin sədri vəzifəsinə təyin edilmişdir.
2011-ci ilin 27 yanvar tarixində Fransa Prezidenti tərəfindən “Fransanın Milli Fəxri Legion Ordeninin zabit rütbəsi (ikinci dərəcəli)” ilə təltif olunmuşdur.
12 avqust 2015-ci il tarixində Azərbaycan Respublikası Prezidentinin Sərəncamı ilə Hicran Hüseynova Azərbaycan Respublikasının ictimai-siyasi həyatında fəal iştirakına görə “Şöhrət” ordeni ilə təltif edilmişdir.
Ailəlidir, 2 övladı, 3 nəvəsi var.
Elmi fəaliyyəti
1985-ci ildə namizədlik dissertasiyası müdafiə etmiş və tarix elmləri namizədi alimlik dərəcəsinə layiq görülmüşdür.
2001-ci ilin noyabrında “Azərbaycan Avropa inteqrasiya sistemində” mövzusunda doktorluq disertasiyası müdafiə etmişdir. Azərbaycanda siyasi elmlər üzrə doktorluq müdafiə etmiş ilk qadındır.
2006-cı ilin dekabr ayından Bakı Dövlət Universitetinin Diplomatiya və müasir inteqrasiya prosesləri kafedrasının müdiri vəzifəsində çalışır.
2007-ci ilin sentyabr ayında Azərbaycan Respublikası Prezidenti yanında Ali Atestasiya komissiyası tərəfindən Hicran Hüseynovaya professor adı verilmişdir.
Tədqiqatları müasir beynəlxalq münasibətlər, beynəlxalq münasibətlərdə lobbizm, müasir inteqrasiya prosesləri mövzularına həsr olunmuşdur. Ölkəmizdə və xaricdə nəşr olunan bir çox elmi məqalənin, bir sıra metodiki vəsaitlərin, monoqrafiyaların, proqramların, kitabların müəllifidir.