Hvasa (müğənni)
Hvasa | |
---|---|
![]() | |
Ümumi məlumatlar | |
Doğum adı | 안혜진 |
Doğum tarixi | 23 iyul 1995 (29 yaş) |
Doğum yeri | |
Musiqiçi məlumatları | |
Fəaliyyəti | müğənni, səsyazma sənətçisi[d], müğənni-mahnı yazarı, rəqqasə, ifaçı[d], bəstəkar, repçi, model[d], televiziya aparıcısı, influenser, mahnı yazarı[d] |
Fəaliyyət illəri | 2014-cü ildən |
Janrlar | K-pop, caz, pop musiqisi, haus[d], hip-hop[d] |
Musiqi alətləri | piano, gitara |
Səs tembri | soprano |
Üzvlüyü | |
![]() |
|
rbbridge.com/pages/artis… | |
![]() |
An He-cin (kor. 안혜진), 23 iyul 1995, Concu) və ya səhnə adı ilə Hvasa (kor. 화사) – Cənubi Koreyalı müğənni, repçi, mahnı müəllifi, bəstəkar və model. 2014-cü ildə Mamamoo qız qrupunun üzvü olaraq debüt etmişdir. Musiqisinə təsir etmiş ifaçı kimi Beyonse-ni göstərir.
Yazı və bəstəkarlıqda iştirak etdiyi "Twit" rəqəmsal sinqlı ilə 2019-cu ilin fevral ayında solo sənətçi kimi debüt etmişdir. 2020-ci ilin mart ayında Hvasa ingilis müğənni Dua Lipa ilə birlikdə Lipanın "Physical" mahnısının remiksi üçün koreyaca sözləri əlavə edib. 2020-ci ilin avqust ayında isə 10 oktyabrda "Don't Touch Me" adlı sinql ilə debüt edən dörd nəfərdən ibarət "Refund Sisters" adlı (kor. 환불 원정대) superqrupun üzvü biri olaraq debüt etmişdir.
"Maria" adlı EP-i ilə Hvasa ABŞ iTunes albomları çartında üst sıralarda yer alan ilk koreyalı qadın solo sənətçisi olmuşdur. "2020-ci il üçün YouTube-da dünya üzrə 100 ən yaxşı K-pop idolları" sıralamasında doqquzuncu yeri tutmuşdur.
Həyatı
[redaktə | mənbəni redaktə et]An He-cin 23 iyul 1995-ci ildə Cənubi Koreyanın Çollabukdo bölgəsindəki Çoncu şəhərində anası və iki böyük bacısı ilə birlikdə doğulmuşdur. Vonkvan İnformasiya Sənəti Liseyini bitirib. Hvasa tez-tez Beyonse-ni musiqi ilhamı olaraq qeyd edir, bir müsahibədə "Birinin onun mahnı oxumaqda yaxşı olduğunu, ancaq kök və gözəl olmadığını söylədiyini və bunu eşitdikdən sonra sonra evə gedib bütün gecəni Beyonsenin ifa etdiyi videoları izlədiyini" demişdir.
K-pop debütündən əvvəl Solbi və Standing Egg qrupu da daxil olmaqla bir sıra Cənubi Koreyalı sənətçilər onun istedadını tanıyıb.
Karyera
[redaktə | mənbəni redaktə et]2014–2017
[redaktə | mənbəni redaktə et]19 iyun 2014-cü ildə An He-cin Hvasa adı altında 4 nəfərlik Mamamoo qrupunun üzvlərindən biri olaraq debüt etmişdir.
20 avqust 2015-ci ildə Hvasa Hyuna ilə birlikdə Hyuna-nın öz mahnısı olan "Ice Ice" mahnısını ifa edib. O, 29 oktyabrda reper Kisumun "Love Talk" mahnısında görünmüşdür.
2 oktyabr 2016-cı ildə HIGH4 20 oğlan qrupu ilə birlikdə "HookGA" mahnısında yer alıb. 23 yanvar 2017-ci ildə isə reper San E-nin "I am me" mahnısında görünüb.
2018
[redaktə | mənbəni redaktə et]25 martda "Became Calm" mahnısının klipi yayımlanıb. 6 iyulda isə Loco ilə etdiyi "Don't" duetinin klipini buraxılmışdır.
2019
[redaktə | mənbəni redaktə et]11 yanvarda "Don't" mahnısı "Stream" kateqoriyasında 100 milyondan çox izlənmə əldə etdiyi üçün Gaon tərəfindən platin sertifikatı almışdır.
Yanvar ayında Hvasanın solo debüt edəcəyi açıqlanmışdır. 13 fevral 2019-cu ildə Hvasa "Twit" adlı sinqlı ilə solo sənətçi olaraq debüt etmişdir. Mahnı Gaon rəqəmsal çartında, "Triple Crown" Koreyada Gaon Digital, Gaon Download və Gaon Streaming çartlarında uğurla birinci olub.
O, "Twit" mahnısı ilə 2 və 16 mart tarixlərində Music Core musiqi şousunda birinci yeri qazanmış və fevral ayında Gaon rəqəmsal çartında 1-ci yeri tutmuşdur.
8 avqustda "Yükləmə" kateqoriyasında 2.500.000 dən çox bal toplayaraq "Don't" mahnısına görə platin sertifikat qazanmışdır.
![](http://upload.wikimedia.org/wikipedia/commons/thumb/6/61/Hwasa_at_Yanggu_Peace_Joint_Concert_in_October_2019.jpg/220px-Hwasa_at_Yanggu_Peace_Joint_Concert_in_October_2019.jpg)
15 avqustda "Twit" mahnısı Gaon çartında 500 milyon rəqəmsal nöqtəyə çatmışdır. Hvasa həmçinin yazıb bəstələdiyi "In The Fall" mahnısını 2019-cu ilin oktyabr ayında satışa çıxarmışdır.
31 dekabrda "MBC Entertainment Mükafatı"nda "Mükəmməllik mükafatı" kateqoriyasını qazanmışdır.
2020
[redaktə | mənbəni redaktə et]2019-cu ildə "Twit" mahnısının uğuru 2020-ci ildə də davam etmiş və 8 yanvarda "Twit" mahnısı ilə Gaon çart musiqi mükafatının "İlin Sənətçisi" mükafatını qazanmışdır.
4 yanvarda "Ən yaxşı solo sənətçi" kateqoriyasında Qızıl Disk Mükafatını qazanmışdır.
İngilis sənətçisi Dua Lipa Hvasaya ilə əməkdaşlıq etməyi təklif etmiş və 21 martda Dua Lipanın "Physical" mahnısının remiks versiyasında görünmüşdür. Bu, onun xarici bir sənətçi ilə ilk əməkdaşlığı idi.
2 apreldə eyni şirkətin digər sənətçisi — Onewe rok qrupu ilə birlikdə "Q" mahnısını buraxmışdır. 14 aprel həftəsində Billboard Dünya Rəqəmsal Mahnı Satış Planında 12-ci yeri tutmuşdur.
19 apreldə "Kral: Əbədi monarx" adlı Koreya serialı üçün ilk OST "Orbit"-i yayımlamışdır. Mahnı 2 may həftəsində Billboard Dünya Rəqəmsal Mahnı Satış Planında 16-cı yerdə debüt etmişdir.
Hvasa 29 iyunda "Maria" albomu ilə geri dönmüşdür. Hvasanın ilk mini albomu "Maria" ilə 20 ölkədə 1 nömrəli "ilk qadın solo" sənətçi oldu. Hvasa həm iTunes dünya albomları çartında, həm də ABŞ iTunes albom çartında 1-ci olan ilk Koreya qadın solo sənətçisi oldu. Inkigayo musiqi şousunda 3 dəfə qalib gələrək və "Üçqat tac" əldə etmişdir. Bundan əlavə, Music Bank musiqi şousunda 2 dəfə zəfər qazanmışdır. Bunlardan əlavə, "Maria" mahnısı ilə daha 5 musiqi şousu mükafatı qazanmışdır. Beləcə, 2020-ci ildə musiqi şousuda ən çox mükafat qazanan solo sənətçiyə çevrilmişdir.
6 həftə ərzində Çinin QQ musiqi platformasında Kpop mahnıları həftəlik çartına başçılıq etmişdir. Eyni musiqi platformasında "Hot Song Weekly cChart" də birinci yeri tutaraq 2020-ci ildə buna nail olan ilk sənətçi oldu.30 Avqustda Çinin QQ Musiqi Platformasında qızıl sertifikatı aldı və bunu edən ən sürətli xarici solo qadın sənətçi oldu.
Bunlardan əlavə, Hvasa "Cosmopolitan" jurnalının və "Tommy Jeans" markasının ilham pərisi olaraq seçilmişdir. Sentyabr ayında Hvasa "Gucci" markasının siması olduğu açıqlamışdır. 19 noyabrda "Maria" mahnısı Gaonda 500 milyon rəqəmsal nöqtəyə çatdı.
6 dekabrda Mnet Asiya Musiqi Mükafatı mərasimində "Maria" mahnısına görə "Ən yaxşı solo rəqs performansı" mükafatını qazanmışdır. Elə həmin gün QQ Music Bum-Bum Musiqi Mükafatı mərasimində "Maria" mahnısı ilə "Asiyada ilin ən populyar sənətçisi" mükafatını qazanmışdır.
12 dekabrdaThe Fact musiqi mükafatı mərasimində "Maria" mahnısına görə "İlin sənətçisi" (Bonsan) mükafatını qazanmışdır. Bu, onun ilk Bonsan mükafatı olmuşdur.
22 dekabrda Um Çunhva ilə "Hop In" əməkdaşlıq mahnısı yayımlanmışdır.
29 dekabrda Asiya Pop Musiqi Mükafatları mərasimində "Maria" mahnısı ilə "İlin mahnısı" mükafatını almışdır.
2021
[redaktə | mənbəni redaktə et]"Maria" mahnısının 2020-ci ildəki uğuru 2021-ci ildə də davam etdi və 9 Yanvarda "Golden Disc Awards" mərasimində "Maria" mahnısına görə "İlin Sənətçisi" (Bonsang) mükafatını qazandı. Və karyerasında ikinci dəfə Bonsang mükafatını qazandı.
Mayın 6 -da "Maria" mahnısı ilə "Stream" kateqoriyasında 100 milyondan çox izlənmə əldə etdiyi üçün Gaon tərəfindən Platinum sertifikatı aldı və buna nail olan ikinci mahnı oldu.
İyulun 23 -də DPR LIVE albomunun baş mahnısı 'Hula Hoops' -da Beenzino adlı sənətçi ilə birlikdə əməkdaşlıq etdi. 'Hula Hoops' Billboard-un Dünya Rəqəmsal Mahnı Satış Çartında 21-ci sırada debüt etdi və bu, DPR Live-ın birinci, Hvasa-nın beşinci mahnısı oldu.
Təsirləri
[redaktə | mənbəni redaktə et]Hvasanın "I Live Alone" verilişində yediyi bəzi yeməklərin və istifadə etdiyi bəzi əşyaların Koreyada populyarlaşdığı və daha çox satıldığı müşahidə olunmuş, bu hala "Hvasa effekti" adı verilmişdir.[1]
Filmoqrafiya
[redaktə | mənbəni redaktə et]Televiziya şouları
[redaktə | mənbəni redaktə et]İl | Kanal | Başlıq | Qeyd | İstiad |
---|---|---|---|---|
2017 | MBC | King of Mask Singer | 111–112 bölüm "Follow Me Aerobics Girl"-kimi | |
2018–günümüz | MBC | I Live Alone | Daimi aktrisa | [2] |
2020 | MBC | Hangout With Yoo | 56–68 bölümlərində Refund Sisters üzvü kimi daimi aktrisa (Sil Bi) | [3] |
JTBC | Hidden Singer | Müsabiqəçi (qazandı) | [4] |
Televiziya serialları
[redaktə | mənbəni redaktə et]İl | Kanal | Başlıq | Rol | Qeyd | İst. |
---|---|---|---|---|---|
2016 | tvN | Entourage | Özü | Cameo (bölüm 1) | [5] |
Ev sahibi
[redaktə | mənbəni redaktə et]İl | Kanal | Başlıq | Qeyd |
---|---|---|---|
2019 | MBC | MBC Entertainment Awards | P.O və Jun Hyun-moo ilə birlikdə |
Radio Şouları
[redaktə | mənbəni redaktə et]İl | Kanal | Başlıq | Qeyd |
---|---|---|---|
2015 | KBS | KPOP Planet | Im Hyun Sik (BTOB) ve Jae Jin (F.T.ISLAND) ile resmi DJ |
Mükafatlar
[redaktə | mənbəni redaktə et]İstinadlar
[redaktə | mənbəni redaktə et]- ↑ "5 Times The "Hwasa Effect" Sold Out Everything MAMAMOO's Hwasa Touches". Koreaboo. 2021-09-04 tarixində arxivləşdirilib. İstifadə tarixi: 4 sentyabr 2021.
- ↑ "Hwasa, Solar, Park So-dam – female stars front Korean reality TV shows". South China Morning Post (ingilis). 25 September 2020. 19 August 2022 tarixində arxivləşdirilib. İstifadə tarixi: 31 August 2021.
- ↑ "지미유X환불원정대, '놀면 뭐하니' 특급 회동 "출격 준비 완료"". n.news.naver.com (koreya). 2022-08-19 tarixində arxivləşdirilib. İstifadə tarixi: 2020-09-06.
- ↑ ""역시 '퀸' 화사" '히든싱어6' 화사, 압도적 79표로 우승…전현무 "JTBC 적자, 이겨달라" [종합]". n.news.naver.com (koreya). 2022-08-19 tarixində arxivləşdirilib. İstifadə tarixi: 2020-10-02.
- ↑ "Mamamoo to make cameo appearance on "Entourage"". Korea JoongAng Daily. Soompi. June 15, 2016. December 1, 2016 tarixində arxivləşdirilib. İstifadə tarixi: November 8, 2016.