Dağıdıcı Konan

Vikipediya, açıq ensiklopediya
(Konan Dağıdıcı səhifəsindən istiqamətləndirilmişdir)
Keçid et: naviqasiya, axtar
Dağıdıcı Konan
Conan the Destroyer.jpg
Orijinal ad: ing. Conan the Destroyer
Rejissor: Riçard Fleyşer
Əsərin müəllifi: Robert İrvin Hovard
Ssenari müəllifi: Stenli Menn
Roy Tomas
Cerri Konvey
Operator: Cek Kardiff
Prodüser: Raffaella De Laurentis
Edvard Pressman
Dino De Laurentis
Stiven Kesten
Rəssam: Pyer Luici Basile
Xose Mariya Alarkon
Kevin Fipps
Con Blumfild
Bəstəkar: Ceyms Horner
Montaj rejissoru: Frenk Urioste
Rollarda: Arnold Şvartsenegger
Qreys Cons
Janr: Döyüş filmi
Dil: İngilis dili
Ölkə: Flag of the United States.svg ABŞ
İstehsalçı qurum: Dino De Laurentiis Company
Vaxt: 101 dəqiqə
İl: 1984
Büdcəsi: $18 milyon (qiymətləndirməylə)[1]
Gəliri: $100,042,035
IMDb səhifəsi

Dağıdıcı Konan (ing. Conan the Destroyer) - 1984-cü ildə istehsal olunmuş ABŞ filmidir. Baş rolda Arnold Şvartsenegger iştirak edir. Filmə Universal Studios, Orion Pictures və Metro-Goldwyn-Mayer kimi film istehsal edən məşhur kompaniyalar distribüterlik etmişdir. Film Robert İrvin Hovardın "Barbar Konan" əsəri əsasında çəkilmişdir.

Məzmun[redaktə | əsas redaktə]

Baş verən hadisələr «Barbar Konan» hekayəsinin ardını davam etdirir. Konan və onun köməkçisi oğru olan Malek, Şadizaranın kraliçası Taramisin himayədarlığı altına keçirlər. Taramis Konanı Şahzadə Cennanı və onun cangüdəni Bombaatanı qorumaq üçün vəzifələndirir. Kraliça onları sehrli kristal və Daqotun buynuzunu axtarmaq üçün göndərir. Bunun əvəzində isə Taramis Konanın sevgilisi Valeriyanı yenidən həyata qaytaracaqdır. Lakin bu müddətdə Taramis Bombaataya, tapşırığın sonunda Konanı öldürməyi tapşırır. Yol boyu onlara zənci qadın döyüşçüsü Zula və Konanın köhnə dostu sehrbaz Akiro qoşulur.

Onlar cadugər Tot-Amonun sehrli məbədinə daxil olmaq qərarına gəlirlər. Bu qəsrdə sehrli kristal saxlanılır. Cadugər Şahzadə Cennanı oğurlayır və qəsrinə aparır. Qəhrəmanlar Şahzadəni axtararaq qəsrə çatırlar. Bu zaman Konan bədheybətə dönən Tot-Amonla mübarizə aparmağa məcbur olur. Konanın qələbəsindən sonra Şahzadə Cenna sehrli kristalı məbəddən götürür. Ardınca onlar Daqotun buynuzunun axtarışına yollanırlar.

Qəhrəmanlar yeraltında yerləşən ovsunlu mağaraya sehrli kristalın sayəsində daxil olurlar və burada Daqotun buynuzunu tapırlar. Akiro divarlarda köhnə yazıları oxuyur və onlara buynuzun köməyi ilə Daqotun dirilməsi, dünyaya ziyan verəcəyini bildirir. Lakin Konan Valeriyanı diriltmək məqsədi ilə buynuzu götürür. Bu zaman yeraltı mağaranın döyüşçüləri onlara hücum edir və qəhrəmanlar tunel vasitəsi ilə buradan qaçmağa məcbur olurlar. Bombaata ona kraliçanın verdiyi tapşırığını yerinə yetirməyə başlayır. Bombaata tuneli arxasınca dağıdaraq, qəhrəmanları özündən uzaq salmağı bacarır və Şahzadə Cenna ilə birlikdə Şadizaraya yollanır.

Artıq onları kraliça Şadizarda gözləyərək, mərasim hazırlamışdır. Daqotun dirilməsi üçün buynuz onun qarşısına qoyulmuşdur. Daqot dirilən zaman Şahzadə Cenna onun üçün qurban getməlidir. Çünki Skelos kitabında yazılanlara görə əks halda dünya məhv ola biləcək vəziyyətə gələ bilər. Bu mərasim zamanı Konan dostları ilə birlikdə saraya daxil olur. Konan Bombaata ilə döyüşür və onu məğlub edir. Bu müddətdə Daqot artıq dirilmək üzrədir və Şahzadə Cenna qurban getməlidir. Zula Şahzadə Cennanı öldürməyə çalışan kahini məğlub edir. Daqot dirilmişdir və ona qurban aparmadıqlarına görə bədheybətə dönmüşdür. Daqot kraliçanı öldürür. Konan isə Daqot ilə mübarizə aparır və onun buynuzunu çıxarmağı bacarır. Bu zaman Daqot məhv olur.

Kraliça öldüyünə görə Şadizarın kraliçası Şahzadə Cenna olur. Şahzadə Cenna Zulanı döyüşçülərinin başçısı, Maleki təlxək və Akironu məsləhətçisi təyin edir. Konana isə onunla evlənərək, Şadizarın kralı olması təklifini verir. Lakin Konan onun təklifini qəbul etmir və yeni macəralarına hazırlaşaraq, səyahətə yollanır.

Rollarda[redaktə | əsas redaktə]

Aktyor/aktrisa Rol Qeydlər İstifadə etdiyi silah növü
Arnold Şvartsenegger Konan Döyüşçü Qılınc
Qreys Cons Zula Sərt döyüşçü olmasına baxmayaraq, siçovullardan qorxur
Uilt Çemberlen Bombaata Şadizar mühafizəçilərinin kapitanı
Mako İvamatsu Akiro Konanın dostu olan sehrbaz
Treysi Uolter Malek Konanın dostu olan oğru İki kiçik xəncər
Sara Duqlas Kraliça Taramis Şadizarın kraliçası
Oliviya D'Abo Şahzadə Cenna Şadizarın şahzadəsi
Ceff Kori Böyük Vəzir Kraliça Taramisin cadugərdi
Pet Roeç Tot-Amon almaz cəvahiratın sahibi olan sehrbaz
Sven-Ole Torsen Toqra Şahzadə Cennnanın cangüdəni Qılınc
André the Giant Daqot Yuxulu tanrı

İstinadlar[redaktə | əsas redaktə]

Xarici keçidlər[redaktə | əsas redaktə]