Levin Reyçel

Vikipediya, azad ensiklopediya
Naviqasiyaya keç Axtarışa keç

 Reyçel Levin (ing. Rachel Levine, doğum adı Richard Levine) — Amerika Birləşmiş Ştatlarının (ABŞ) dövlət və siyasi xadimi[1] . İxtisasca pediatr olan Reyçel 26 mart 2021-ci ildən Birləşmiş Ştatlar üzrə Səhiyyə Nazirinin köməkçisi vəzifəsində çalışır[2]. O, bundan əvvəl 2017–2021-ci illərdə Pensilvaniya Səhiyyə Departamentinin katibi vəzifəsində çalışıb[3]. Həmçinin Pensilvaniya Dövlət Tibb Kollecində pediatriya və psixiatriya professorudur və əvvəllər 2015–2017-ci illərdə Pensilvaniya ştatının baş həkimi vəzifəsində çalışıb. 24 mart 2021-ci ildə ABŞ Senatı onu Birləşmiş Ştatlar üzrə Səhiyyə Nazirinin köməkçisi vəzifəsinə təyin etdi[4] .

Reyçel Levin trans qadın olan azsaylı ABŞ hökumət rəsmilərindən biridir[5] . O, tarixdə ölkə Senatı tərəfindən təsdiq tələb olunan vəzifəni tutan ilk trans qadın şəxsdir[6][7] .

Şəxsi həyatı[redaktə | mənbəni redaktə et]

Riçard Levin 28 oktyabr 1957-ci ildə Massaçusets ştatının Ueykfild şəhərində anadan olub[1][8] . Milliyyətcə yəhudidir. yəhudi məktəbində oxuyub[9] . Orta məktəb diplomunu Massaçusets ştatının Belmont şəhərindəki Belmont Hill Məktəbindən almışdır[10] . Daha sonra o, Harvard Kollecini və Tibb Məktəbini bitirmiş, həmçinin Nyu-Yorkun Manhettendə[11] Mount Sinai Tibb Mərkəzində pediatriya üzrə rezidentura və yeniyetmələr üçün tibb üzrə təcrübə keçmişdir.

David və Daynu adlı iki övladı var[12][13] . 2011-ci ildə transseksual keçid etmişdir. 2013-cü ildə Reyçel Levin və onun həyat yoldaşı Marta Pisley Levin boşandılar[14][13][15][5] .

Karyera[redaktə | mənbəni redaktə et]

1988-ci ildən 1993-cü ilə qədər Riçard Levin Nyu-Yorkun Mount Sinai Xəstəxanasında pediatriya sahəsində təlim keçib[16] . 1993-cü ildə Manhettendən mərkəzi Pensilvaniyaya köçdükdən sonra o, Pensilvaniya ştatının Herşey Dövlət Tibb Mərkəzinə qatılıb və burada daha sonra Yeniyetmə Tibb Departamentinə və klinikaya rəhbərlik edib. 2015-ci ildə Reyçel Levin Pennsilvaniya Baş Tibb Mütəxəssisi təyin edildi[11] .

Pensilvaniya Səhiyyə Departamenti[redaktə | mənbəni redaktə et]

2020-ci ilin iyun ayında Pensilvaniyadakı Herşey Tibb Mərkəzində Qubernator Tom Vulf ilə ictimaiyyəti COVID-19 haqqında məlumatlandırır.

2015-ci ildə Pensilvaniya qubernatoru Tom Vulf Reyçel Levini Pensilvaniya ştatının baş həkimi vəzifəsinə təyin etdi[5] . O, bu vəzifəni 2017-ci ilə qədər tutub.

2017-ci ilin iyulunda qubernator Tom Vulf onu Səhiyyə Departamentinin katibi vəzifəsinə irəli sürdü[17] və o, yekdilliklə təsdiqləndi[5] . 2020-ci il ərzində və 23 yanvar 2021-ci il tarixinədək Reyçel Levin Pensilvaniya ştatında İctimai Səhiyyə Departamentinin COVID-19 bölümünə rəhbərlik etmişdir[16] . Federal Fövqəladə Halların İdarə Olunması Agentliyinin direktoru ilə gündəlik sıx əməkdaşlıq etmiş və gündəlik mətbuat brifinqləri keçirmişdir[17] .

Co Bayden administrasiyası[redaktə | mənbəni redaktə et]

13 fevral 2021-ci ildə ABŞ prezidenti Co Bayden rəsmi olaraq Reyçel Levini səhiyyə nazirinin köməkçisi təyin etdi[4] . Onun təsdiqi 25 fevral 2021-ci ildə Senatın Komitəsində keçirildi[18] . O, ABŞ Senatının təsdiqini tələb edən bir vəzifəyə təyin olunan ilk açıq trans qadındır[6][7] . Belə ki, əvvəllər Amanda Simpson kimi federal transgender məmurlar Senatın təsdiqini tələb etməyən vəzifələrdə çalışıblar[19][20] .

19 oktyabr 2021-ci ildə Levinin Senat tərəfindən Amerika Birləşmiş Ştatlarının İctimai Səhiyyə Xidməti Zabit Korpusunda admiral rütbəsi təsdiqləndi. Bu, ABŞ tarixində ilk dəfə trans şəxsə verilən ən yüksək rütbədir[21] ..

Reyçel Levin həm də LGBT hüquqlarını müdafiə edən " (ing.)Equality Pennsylvania" təşkilatının idarə heyətinin üzvüdür[5] .

İstinadlar[redaktə | mənbəni redaktə et]

  1. ↑ 1 2 "LGBT History Month — October 22: Rachel Levine". Q-Notes. October 22, 2018. 2021-01-28 tarixində arxivləşdirilib. İstifadə tarixi: 2021-04-01.
  2. ↑ Assistant Secretary for Health (ASH). "Rachel L. Levine, M.D." HHS.gov (ingilis). March 26, 2021. 2021-04-04 tarixində arxivləşdirilib. İstifadə tarixi: March 27, 2021.
  3. ↑ "Gov. Wolf to Nominate Alison Beam as Secretary of Health, Names Dr. Wendy Braund as Interim Acting Physician General". Governor's Office. Commonwealth of Pennsylvania. January 22, 2021. 2021-01-24 tarixində arxivləşdirilib. İstifadə tarixi: January 29, 2021.
  4. ↑ 1 2 "Rachel Levine, historic transgender nominee, confirmed as assistant health secretary". Washington Post. March 24, 2021. 2022-02-05 tarixində arxivləşdirilib. İstifadə tarixi: 2021-04-01.
  5. ↑ 1 2 3 4 5 Katie Zezima. "Meet Rachel Levine, one of the very few transgender public officials in America". The Washington Post. June 1, 2016. March 29, 2020 tarixində arxivləşdirilib. İstifadə tarixi: March 28, 2020.
  6. ↑ 1 2 Sullivan, Eileen. "Biden's pick for Health and Human Services role would be first transgender federal official confirmed by the Senate". The New York Times (ingilis). January 19, 2021. ISSN 0362-4331. 2021-01-19 tarixində arxivləşdirilib. İstifadə tarixi: 2021-04-01.
  7. ↑ 1 2 "Biden picks transgender woman as assistant health secretary". AP NEWS. January 19, 2021. 2021-01-19 tarixində arxivləşdirilib. İstifadə tarixi: January 19, 2021.
  8. ↑ Oona Goodin-Smith. "What to know about Rachel Levine, the history-making Pa. health official tapped for Biden administration". The Philadelphia Inquirer. January 19, 2021. 2021-01-20 tarixində arxivləşdirilib. İstifadə tarixi: 2021-04-01.
  9. ↑ "Jewish woman welcomed as transgender, state's new physician general". The Jewish Chronicle of Pittsburgh (ingilis). June 24, 2015. 2020-05-02 tarixində arxivləşdirilib. İstifadə tarixi: May 15, 2020.
  10. ↑ "Dr. Rachel Levine '75 Offers Timely Message for Students". Belmont Hill School (ingilis). October 24, 2016. 2021-01-26 tarixində arxivləşdirilib. İstifadə tarixi: January 20, 2021.
  11. ↑ 1 2 Winston Choi-Schagrin. "A 2018 Q&A with Dr. Rachel Levine, now leading state's coronavirus response [from The Caucus archives]". LancasterOnline. March 20, 2020. 2020-03-29 tarixində arxivləşdirilib. İstifadə tarixi: March 29, 2020.
  12. ↑ "more about me www.writerdoc.com". December 29, 2008. December 29, 2008 tarixində arxivləşdirilib. İstifadə tarixi: May 22, 2020.
  13. ↑ 1 2 "Inside Tulane Med". tmaaarchive.tulane.edu. 2021-08-22 tarixində arxivləşdirilib. İstifadə tarixi: May 22, 2020.
  14. ↑ "resume www.writerdoc.com". December 29, 2008. December 29, 2008 tarixində arxivləşdirilib. İstifadə tarixi: May 22, 2020.
  15. ↑ Martha Peaslee Levine. "How Do You Measure Your Life?". Psychology Today. November 5, 2013. July 26, 2023 tarixində arxivləşdirilib. İstifadə tarixi: June 4, 2023.
  16. ↑ 1 2 "Meet the Transgender Doctor Leading Pennsylvania's COVID-19 Response". www.advocate.com (ingilis). March 31, 2020. 2020-04-17 tarixində arxivləşdirilib. İstifadə tarixi: April 24, 2020.
  17. ↑ 1 2 DeJesus, Ivey. "Who is Rachel Levine? Pa. health secretary offers calm, reassurance amid pandemic". WITF. PennLive. March 19, 2020. 2020-05-24 tarixində arxivləşdirilib. İstifadə tarixi: 2021-04-01.
  18. ↑ "Trans doctor Rachel Levine faces historic Senate confirmation hearing". the Guardian (ingilis). February 25, 2021. 2021-02-26 tarixində arxivləşdirilib. İstifadə tarixi: February 26, 2021.
  19. ↑ Burns, Katelyn. "Dr. Rachel Levine's historic appointment to the Biden administration, explained". Vox (ingilis). January 22, 2021. 2021-03-15 tarixində arxivləşdirilib. İstifadə tarixi: 2021-04-01.
  20. ↑ Johnson, Chris. "Rachel Levine tapped to become first out transgender Senate-confirmed official". Washington Blade (ingilis). January 19, 2021. 2021-03-06 tarixində arxivləşdirilib. İstifadə tarixi: 2021-04-01.
  21. ↑ Rachel Levine: Transgender official sworn in as four-star admiral Arxivləşdirilib 2021-10-20 at the Wayback Machine, BBC, 20.10.2021
Mənbə — "https://az.wikipedia.org/w/index.php?title=Levin_Reyçel&oldid=7135709"