Qızılı doqquzdon

Qızılı doqquzdon
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Embryophytes Klad: Polysporangiophytes Klad: Tracheophytes Klad: Toxumlu bitkilər Klad: Çiçəkli bitkilər Klad: Eudicots Klad: Core eudicots Klad: Superasterids Klad: Asterids Klad: Campanulids Dəstə: Fırçaotuçiçəklilər Fəsilə: Doqquzdonkimilər Yarımfəsilə: Caprifolioideae Cins: Doqquzdon Növ: Qızılı doqquzdon
Beynəlxalq elmi adı
Lonicera chrysantha Turcz., 1838
Şəkil axtarışı ITIS   507056 NCBI   486663 EOL   483136

Qızılı doqquzdon (lat. Lonicera chrysantha) — bitkilər aləminin fırçaotuçiçəklilər dəstəsinin doqquzdonkimilər fəsiləsinin doqquzdon cinsinə aid bitki növü.

Təbii yayılması

Şərqi Sibirdə, Uzaq Şərqdə, Çində yayılmışdır.

Botaniki təsviri

Hündürlüyü 2-4 m-dək olan, şaxələnmiş, möhkəm çətirli, tünd-boz qabıqlı gözəl koldur. Yarpaqların uzunluğu 12 sm-dək, uzunsov-yumurtavari, ucu biz, dərili, tünd-yaşıl, qısa saplaqlıdır. Bir çox növlərdən fərqli olaraq bu növün çiçəkləri qızılı-sarı, bal qoxuludur. 5-6 yaşından hər il çiçəkləyir və bol meyvə verir. Meyvələri qırmızı, şarşəkilli, bünövrəsi ilə bitişikdir. Toxumlarla və qələmlərlə çoxalır, kök atması 100 %-ə çatır.

Ekologiyası

Torpağa tələbkar deyil. Qışa, quraqlığa, zərərverici və xəstəliklərə davamlıdır. Şəhər şəraitinə yaxşı dözür.

Azərbaycanda yayılması

Mərkəzi Nəbatat Bağında introduksiya edilmişdir. Mədəni şəraitdə 1989-cu ildən becərilir.

İstifadəsi

Gözəl çiçəkləri, meyvələri və parlaq yaşıl yarpaqları ilə çox dekorativdir. Qrup əkinlərində, canlı çəpərlərin salınmasında istifadəsi məsləhət görülür.