Malavi bayrağı

Malavi bayrağı
Malavi bayrağı
Təfərrüatlar
İstifadə edən(lər)	Malavi
Qəbul edilib	Birinci dəfə 6 iyul 1964 - ; Yenidən 28 may 2012
Proporsiya	2:3
	Vikianbarda əlaqəli mediafayllar

Malavi bayrağı ilk dəfə 6 iyul 1964-cü ildə ölkənin Birləşmiş Krallıqdan müstəqilliyini əldə etməsi nəticəsində istifadə edilmiş, 2010-2012-ci illər arasında ölkə konstitusiyasında edilmiş olan dəyişikliklər nəticəsində qısa bir müddət ərzində başqa bir bayraq istifadə edilmiş olsa da,^[1] 2012-ci ildə vəzifəyə başlayan yeni hökumət, Malavi ictimaiyyəti tərəfindən də müsbət qarşılanmayan yeni bayraqla bağlı qanun dəyişikliyini ləğv etmiş və köhnə bayrağın yenidən ölkənin rəsmi bayrağı olması haqqında qərar qəbul etmişdir.^[2]

Bayraq bayrağı üç bərabər hissəyə ayıran üç üfüqi zolaqdan ibarətdir. Yuxarıdan aşağıya doğru qara, qırmızı və yaşıl olaraq düzülən zolaqlardan ən yuxarıda olan qara zolağın mərkəzi hissəsində üfüqdən yenicə yüksələn 31 şüası olan ilə qırmızı günəş yerləşdirilmişdir. Bu şəfəq azad və vahid Afrika üçün olan ümidin simvoludur. Üfüqi zolaqları təşkil edən rənglər arasında olan qara rəng Afrika qitəsinin qara xalqını, qırmızı rəng ölkənin müstəqilliyi naminə şəhid olanları və tökülən qanları, yaşıl rəng isə ölkənin bərəkətli meşələrini ifadə edir.

2010-2012-ci illərdə arasında ölkədə istifadə edilmiş olan bayraq sonra dəyişdirilmiş və o bayraq bu gün də istifadə olunan bayraqla çox böyük oxşarlıqlara malik idi. Bayrağın üstündə edilmiş olan dəyişikliklə əsasən qara zolağın üstündəki qırmızı doğan günəşin əvəzinə bayrağın mərkəzi hissəsində yerləşdirilmiş olan ağ günəş qoyulmuşdur. Bu günəşlə ölkənin müstəqilliyini əldə etməsindən sonra nail olduğu tərəqqisi dilə gətirilməyə çalışılmışdır. Bundan əlavə, bu bayraqda qara və qırmızı zolaqlar bir-birləri ilə yerlərini dəyişdirmişdirlər.