Mansur Piriyev

Mansur Piriyev
Şəxsi məlumatlar
Doğum tarixi	3 fevral 1979
Doğum yeri	Yuxarı Qiyaməddinli, Ağcabədi rayonu, Azərbaycan SSR, SSRİ
Vətəndaşlığı	SSRİ→ Azərbaycan

Mansur Piriyev — Azərbaycan Respublikasının Qida Təhlükəsizliyi Agentliyinin İnformasiya Təminatı və İnnovativ Həllər şöbəsinin müdiri.

Həyatı

Piriyev Mansur Şahmar oğlu 3 fevral 1979-cu ildə Azərbaycan Respublikası Ağcabədi rayonu, Yuxarı Qiyaməddinli kəndində anadan olub.

Bakı Dövlət Universitetinin (BDU) Sosial elmlər və psixologiya fakültəsini, BDU-nun Tarix fakültəsini fərqlənmə diplomu ilə və BDU-nun Sosial-fəlsəfə ixtisası üzrə magistraturasını bitirib. Tələbə olduğu illər ərzində bir çox mətbuat orqanlarında çalışmış, KİV-də bir sıra rəhbər vəzifələrdə mövqe tutmuşdur.

Fəaliyyəti

Tələbəlik illərində bir sıra qəzet və jurnallarda müxbir və məsul vəzifələrdə fəaliyyət göstərmişdir.

1998-ci ildən 2002-ci ilədək Azərbaycan Dövlət Dillər Universitetinin tədris şöbəsində mütəxəssis, 2005-2006-cı illərdə İctimai Televiziya və Radio Yayımları Şirkətində Radionun elm-təhsil verilişləri departamentinin redaktoru, eyni zamanda "Qarabağnamə", "Zəng", "Həyat tərzi" adlı radio verilişlərinin müəllifi və aparıcısı olmuşdur. 2006-2008-ci illərdə İctimai Televiziyanın elm-təhsil verilişləri departamentinin redaktoru kimi fəaliyyət göstərmiş və "Rəqəmsal dünya", "Hüquq müstəvisi", "Teleportret", "Açıq dərs" və. s verilişlərdə redaktor, aparıcı və ssenari müəllifi kimi çalışmışdır.

2010-cu ildən 2016-cı ilədək dövlət qulluqçusu kimi Fövqəladə Hallar Nazirliyində Təbliğat və Təşkilat sektorunun müdiri vəzifəsində çalışmışdır. 2016-cı ildən 2018-ci ilədək BakuBus MMC nin Mətbuat və ictimaiyyətlə əlqələr şöbəsinin müdiri, 2018-ci ilin may ayından etibarən Azərbaycan Respublikası Qida Təhlükəsizliyi Agentliyinin İnformasiya Təminatı və İnnovativ Həllər şöbəsinin müdiri vəzifəsində çalışır.

Bir sıra yerli və beynəlxalq seminarlarda uğurla iştirak etmiş,  çoxsaylı PR və marifləndirmə layihələri həyata keçirmişdir. Eyni zamanda bir çox analitik məqalələrin və televiziya-radio  verilişlərinin müəllifi və aparıcısı olmuşdur.

M.Piriyev 2003-2004-cü illər Müdafiə Nazirliyi N saylı H/H-də, cəbhə bölgəsində, ön xətdə Baş leytenant rütbəsində taqım komandiri vəzifəsində hərbi xidmət keçmişdir.

Mansur Piriyev Azərbaycan Respublikası Prezidentinin 13 iyun 2019-cu iul tarixli Sərəncamı ilə Ölkədə qida təhlükəsizliyi sahəsində səmərəli fəaliyyətinə görə "Tərəqqi" medalı ilə təltif olunub, dövlət qulluğunun müşaviridir.

Mükafatları

"Tərəqqi” medalı