Mirzə Abbas bəy Əlipənahbəyov

MİRZƏ ABBAS BƏY ƏLİPƏNAHBƏYOV
Mirzə Abbas bəy Kərbəlayı Çıraq bəy oğlu Əlipənahbəyov
Doğum tarixi	1823
Doğum yeri	Şuşa şəhəri
Vəfat yeri	Şuşa şəhəri

Mirzə Abbas bəy Əlipənahbəyov-məmur, maarifpərvər

Həyatı

Abbas bəy Kərbəlayı Çıraq bəy oğlu 1823-cü ildə Şuşa şəhərində doğulmuşdu. Molla yanında oxumuşdu. Sonra Şuşa qəza məktəbini bitirmişdi. Savadlı olduğundan dolayı mirzə ünvanı daşıyırdı. Mirzə Abbas bəy Şuşa qəza idarəsində tərcüməçi işləmişdi. O, maarifpərvər bir şəxsiyyət idi. Məktəblərin açılmasında, xeyriyyəçilik işlərində əməyi olmuşdu.

Mirzə Abbas bəy Əlipənahbəyov kollej katibi mülkü çini daşıyırdı.

Ailəsi

Mirzə Abbas bəy Əzət xanımla ailə qurmuşdu. Əbdülkərim bəy, Rüstəm bəy, Ağa bəy adlı oğulları, Mina xanım, Sona xanım, Ziba xanım, Münəvvər xanım adlı qızları vardı.

Mənbə

• Ənvər Çingizoğlu, Əlipənahbəyovlar, "Soy" dərgisi, 2 (22), 2009. səh.18–24.