Mozilla Foundation
Mozilla Foundation | |
---|---|
![]() | |
Növü | 501(c)(3) təşkilatı[d][1] |
Yaranma tarixi | 15 iyul 2003 |
Mərkəzi | |
foundation.mozilla.org | |
![]() |
Mozilla Foundation (moz://a kimi üslublaşdırılıb) — açıq mənbəli "Mozilla" layihəsini dəstəkləmək və kollektiv şəkildə idarə etmək üçün mövcud olan ABŞ qeyri-kommersiya təşkilatı. 2003-cü ilin iyul ayında qurulan təşkilat inkişaf prosesini idarə edən siyasətləri müəyyən edir, əsas infrastrukturu idarə edir, "Mozilla" ticarət nişanlarına və müəllif hüquqlarına nəzarət edir. Onun iki vergi tutulan törəmə müəssisəsi var: bir çox "Mozilla" tərtibatçısını işə götürən və "Mozilla Firefox" veb-brauzerinin buraxılışlarını koordinasiya edən "Mozilla Corporation", "Mozilla Thunderbird" e-poçt müştərisi üzərində işləmək və onun buraxılışlarını əlaqələndirmək üçün tərtibatçıları işə götürən "MZLA Technologies Corporation". "Mozilla Foundation" təşkilatı "Netscape"ə bağlı "Mozilla Organization" tərəfindən təsis edilmişdir. Təşkilat hazırda ABŞ-nin Kaliforniya ştatının Mauntin-Vyu şəhərindəki Silikon vadisində yerləşir.
"Mozilla Foundation" özünü "İnternetdə açıqlığı, innovasiyanı və iştirakçılığı dəstəkləyən qeyri-kommersiya təşkilatı" kimi təsvir edir.[2] Təşkilat "Mozilla"nın "internetin ictimai rifah, eləcə də həyatın kommersiya aspektlərinə fayda verməyə davam etməsi üçün vacib olduğuna inandığı" 10 prinsipi sadalayan "Mozilla" manifestini rəhbər tutur.[3]
Tarixi
[redaktə | mənbəni redaktə et]"Netscape" 23 fevral 1998-ci ildə "Mozilla Application Suite" dəstinin işlənib hazırlanmasını əlaqələndirmək üçün "Mozilla Organization" təşkilatını yaratmışdır.[4][5] Sonradan AOL "Mozilla Organization"da rolunu kəskin şəkildə azaltmışdır. "Mozilla"nın "Netscape" olmadan varlığını davam etdirməsini təmin etmək üçün 15 iyul 2003-cü ildə "Mozilla Foundation" fəaliyyətə başlamışdır. AOL "Mozilla Foundation"ın ilkin mərhələdə formalaşdırılmasında kömək olmuş, avadanlıq və əqli mülkiyyəti təşkilata ötürmüş, keçidə kömək etmək üçün mövcudluğunun ilk üç ayında üç nəfərlik bir komanda işlətmiş və iki il ərzində fonda 2 milyon dollar ianə etmişdir.[6]
İstinadlar
[redaktə | mənbəni redaktə et]- ↑ https://www.charitynavigator.org/ein/200097189.
- ↑ "The Mozilla Foundation". Mozilla Foundation. April 30, 2013 tarixində arxivləşdirilib. İstifadə tarixi: January 23, 2011.
- ↑ "The Mozilla Manifesto". Mozilla Foundation. October 18, 2019 tarixində arxivləşdirilib. İstifadə tarixi: December 16, 2011.
- ↑ "Netscape Announces Mozilla.org, a Dedicated Team and Web Site Supporting Development of Free Client Source Code". Netscape.com. February 23, 1998. Archived from the original on July 6, 1998.
- ↑ "Netscape Accelerates Communicator Evolution With First Release Of Next-Generation Communicator Source Code To Developer Community Via mozilla.org". Netscape. November 5, 2002 tarixində arxivləşdirilib. İstifadə tarixi: December 6, 2011.
- ↑ "mozilla.org Announces Launch of the Mozilla Foundation to Lead Open Source Browser Efforts". Mozilla Foundation. November 13, 2013 tarixində arxivləşdirilib. İstifadə tarixi: December 6, 2011.
Əlavə ədəbiyyat
[redaktə | mənbəni redaktə et]- "Mozilla Foundation Forms New Organization to Further the Creation of Free, Open Source Internet Software, Including the Award-Winning Mozilla Firefox Browser". Mozilla Press Center. August 3, 2005. İstifadə tarixi: August 3, 2005.
- "Mozilla Seeks New Leader for Its Movement-Building Arm". The Mozilla Blog. İstifadə tarixi: August 18, 2023.
Xarici keçidlər
[redaktə | mənbəni redaktə et]- foundation.mozilla.org — Mozilla Foundationun rəsmi saytı