Naxçıvan Yazıçılar Birliyi

Vikipediya, açıq ensiklopediya
Jump to navigation Jump to search

Naxçıvan Yazıçılar BirliyiNaxçıvan Muxtar Respublikasının yazıçılarının könüllü yaradıcılıq təşkilatı.[1]

Haqqında[redaktə | əsas redaktə]

1928-ci ildə Azərbaycan Proletar Yazıçılar Cəmiyyətinin filialı kimi yaradılmışdır. 1958-ci ildə Azərbaycan Yazıçılar İttifaqının Naxçıvan Şöbəsinə çevrilmiş, Azərbaycan yazıçılarının X qurultayında (1997) Naxçıvan Yazıçılar Birliyi statusu almışdır. Azərbaycan Yazıçılar Birliyinin tərkibindədir. 52 üzvü var (2005); üzvlərindən biri Azərbaycan xalq yazıçısı adına, bir çoxu isə Azərbaycan Respublikasının və Naxçıvan Muxtar Respublikasının müxtəlif fəxri adlarına layiq görülmüşdür. Naxçıvanda yaşayan şair və yazıçıların əsərlərindən ibarət “Səadət mahnıları” adlı ilk almanax 1953-cü ildə çapdan çıxmışdır. İndiyədək Naxçıvan şair və yazıçılarının 300-dən çox kitabı nəşr olunmuşdur (2005); onların 17-si Azərbaycan Respublikasının Prezidenti Heydər Əliyevin Naxçıvan Muxtar Respublikasının yaradılmasının 75 illiyi ilə əlaqədar sərəncamına əsasən 1999-cu ildə işıq üzü görmüşdür. İranda Naxçıvan yazıçı və şairlərinin əsərlərindən ibarət Azərbaycanfars dillərində “Səhər nəğmələri” adlı kitab çap edilmişdir (1999). Naxçıvan Musiqili Dram Teatrında naxçıvanlı müəlliflərin 30-a yaxın pyesi tamaşaya qoyulmuşdur.[1] 

Həmçinin bax[redaktə | əsas redaktə]

İstinadlar[redaktə | əsas redaktə]

  1. 1,0 1,1 Naxçıvan Yazıçılar Birliyi// Naxçıvan Ensiklopediyası / V.Y. Talıbov. — Təkminləşdirilmiş və yenidən işlənmiş ikinci nəşr. — Naxçıvan, 2005. — 2 cilddə. — II cild. — Səhifələrin sayı: 380. — Səh.: 169-170. — ISBN 5-8066-1468-9

Xarici keçidlər[redaktə | əsas redaktə]