Nikolas Löbel
| Nikolas Löbel | |
|---|---|
 | |
| Doğum tarixi | 17 may 1986[1] (37 yaş) |
| Doğum yeri |
|
| Fəaliyyəti | siyasətçi |
| Partiyası |
|
 Vikianbarda əlaqəli mediafayllar | |
Nikolas Löbel (17 may 1986[1], Manhaym, Baden-Vürtemberq) — Almaniya Federativ Respublikası Bundestaqının xarici əlaqələr, eləcə də mədəniyyət və mətbuat komitələrinin üzvü, CDU/CSU (Xristian Demokratlar və Xristian Sosialistlər İttifaqı) fraksiyasından olan deputatı.
Həyatı[redaktə | mənbəni redaktə et]
Nikolas Löbel 17 may 1986-cı ildə Almaniyanın Mannheimdə şəhərində anadan olub. 2006-cı ildə Mannheim Lessing-Gimnaziya Məktəbini bitirib. 2013-cü ilin mart ayına qədər Mannheim Universitetində hüquq təhsili alıb. 2013-cü ildən 2014-cü ilə qədər Berlindəki Steinbeis Universitetində biznes idarəçiliyi üzrə təhsil alıb. Həmin ali məktəbdə İncəsənət bakalavrını (B. A.) bitirib. 2012-ci ildən 2019-cu ilədək Hagen İdarəetmə İnstitutunda Hagen idarəetmə təhsillərini yarımçıq başa vurub. FernUniversität Hagen-in İqtisadiyyat fakültəsinin magistr təhsilini uğurla başa vurub.
Fəaliyyəti[redaktə | mənbəni redaktə et]
Siyasi fəaliyyəti[redaktə | mənbəni redaktə et]
Nikolas Löbel gənc yaşda siyasətə qoşulub.2012-ci ildə Almaniya Federativ Respublikasının 15-ci Federal Məclisinin üzvü seçilib. 2017-ci ildə federal seçkilərində rəqibini məğlub edərək, Bundestaqa millət vəkili seçilib.
Siyasi mövqeyi[redaktə | mənbəni redaktə et]
Siyasi prioritetləri nəsillərarası bərabərlik, rəqəmsallaşdırma, təhsil və təhlükəsizlikdir. Almaniyaya immiqrasiyanı daha yaxşı idarə etmək üçün immiqrasiya və inteqrasiya qanununun hazırlanmasının tərəfdarıdır. Xarici İşlər Komitəsinin tam üzvü və Alman Bundestaqının Mədəniyyət və Media Komitəsinin alternativ üzvüdür. Avropanın birləşmə prosesini dəstəkləyir.
Azərbaycan-Almaniya münasibətlərində rolu[redaktə | mənbəni redaktə et]
Nikolas Löbel Azərbaycana tez-tez səfər edir. Almaniya-Azərbaycan əlaqələrinin inkişafında fəal rol oynayan siyasi xadimdir. Yerli mətbuata müsahibəsində Almaniyanın Azərbaycanın ərazi bütövlüyünü birmənalı olaraq dəstəklədiyini bildirib.
Qarabağ münaqişəsi haqqında[redaktə | mənbəni redaktə et]
|
“Heç şübhəsiz ki, Dağlıq Qarabağ probleminin həlli istiqamətində hazırkı status-kvonun aradan qaldırılması zəruridir. Təbii ki, bu, beynəlxalq hüquq normaları, ərazi bütövlüyünün pozulmaması şərti ilə olmalıdır. Bu mənada biz ATƏT-in Minsk qrupunun fəaliyyətini dəstəkləyirik. Qarabağ Azərbaycana aiddir, Azərbaycanın tərkib hissəsidir. BMT-nin 4 hüquqi sənədi bu ərazilərin Azərbaycana aid olduğunu təsdiqləyir. Biz çox arzulayırıq ki, uzun zamandır davam edən bu münaqişə sona çatsın, Qafqazda sülh bərqərar olsun”.[3]
|
|
İstinadlar[redaktə | mənbəni redaktə et]
- ↑ 1 2 Stammdaten aller Abgeordneten des Deutschen Bundestages.
- ↑ 1 2 https://www.stuttgarter-nachrichten.de/inhalt.nikolas-loebel-cdu-politiker-tritt-wegen-maskenaffaere-aus-der-partei-aus.3e2a4cb7-ee18-4393-a78c-fa5a1aa2741e.html.
- ↑ "Almaniya Bundestaqının deputatı: "Qarabağ Azərbaycana aiddir"". 2021-08-03 tarixində arxivləşdirilib. İstifadə tarixi: 2020-02-18.