Populus × canescens

Populus × canescens
Elmi təsnifat
Domen: Eukariotlar Klad: Diaphoretickes Ranqsız: Arxeplastidlər Aləm: Bitkilər Klad: Streptofitlər Klad: Ali bitkilər Klad: Çoxsporlu bitkilər Klad: Borulu bitkilər Klad: Toxumlu bitkilər Klad: Çiçəkli bitkilər Klad: Evdikotlar Klad: Bazal evdikotlar Klad: Superrozidlər Klad: Rozidlər Klad: Fabidlər Dəstə: Malpigiyaçiçəklilər Fəsilə: Söyüdkimilər Yarımfəsilə: Salicoideae Triba: Saliceae Cins: Qovaq Növ: Populus × canescens
Beynəlxalq elmi adı
Populus canescens Sm., 1804
Şəkil axtarışı ITIS   22458 NCBI   80863 EOL   584258

Populus × canescens (lat. Populus × canescens) — bitkilər aləminin malpigiyaçiçəklilər dəstəsinin söyüdkimilər fəsiləsinin qovaq cinsinə aid bitki növü.

Təbii yayılması

Zaqafqaziyada rütubətli yerlərdə təbii halda yayılmışdır.

Botaniki təsviri

Hündürlüyü 20-30 m-ə çatan, boz qabıqlı, piramidal çətirli ağacdır. Yarpaqları 5-8 sm uzunluqda, 3-4 sm enində, yumurtavari-üçbucaqşəkillidir. Dilimləri aydın nəzərə çarpmır, kənarları dişlidir, alt tərəfi sıх, nazik, ağ tüklü, üst tərəfi isə çılpaqdır. Mart-aprel aylarında çiçəkləyir.

Ekologiyası

İşıqsevən və istiyə davamlıdır. Çay vadilərində yüngül torpaqlarda yaхşı bitir.

Azərbaycanda yayılması

Qubada, Kür-Araz ovalığında, Naхçıvan MR-da yayılmışdır.

İstifadəsi

Tez böyüyən, dekorativ ağacdır. Azərbaycanda хüsusən meşəsiz rayonlarda (Naхçıvanda) çayların, oazislərin, süni terrasların yaradılması üçün əkilib becərilir. Abşeronda bağ və parklarda rast gəlinir.

Sinonimləri

Homotipik sinonimləri

• Leuce × canescens (Aiton) Opiz
• Octima × canescens (Aiton) Raf.
• Populus alba var. canescens Aiton
• Populus alba subsp. canescens (Aiton) Bonnier & Layens

Heterotipik sinonimləri

• Populus × ambigua Beck
• Populus × canescens var. intermedia Mérat
• Populus × canescens f. pendula Dippel
• Populus × fredroviensis Wróbl.
• Populus × hybrida Rchb.
• Populus × juliana-pendula Dippel
• Populus × rogalinensis Wróbl.
• Populus schischkinii Grossh.